புதன் தசாபுக்தி பலன்கள்! -மேல்மருவத்தூர் எஸ். கலைவாணி சென்ற இதழ் தொடர்ச்சி...

புதன் தசையில் புதன் புக்தி 2 வருடம் 8 மாதம் 24 நாட்கள் 

உயர்கல்வி, வர்த்தகம், கணக்கில் துறைகளில் நல்ல முன்னேற்றத்தை வழங்கும் நிச்சயமாக இந்த புதன் தசாபுக்தி காலங்களில் ஒரு பத்திரப் பதிவிற்கு சென்றுவரும் சூழலை புதன் ஏற்படுத்தி தருவார். அதேபோன்று தங்களிடமுள்ள எழுத்துப்பூர்வமான சில பொருட்கள் தவறவிடுவதற்கான வாய்ப்புகள் இந்த காலகட்டம் ஏற்படுத்தி தரும்.குடும்பத்திலுள்ள பெண் குழந்தைகள் பூப்பெய்தும் காலங்கள் இந்த புதன் தசைகளில் பெரும்பான்மையாக நிகழ்கின்றது. புதனின் மாராட்டமான ஸ்தான பலத்தினால் மறைத்து வைக்கப்பட்டுள்ள கணக்குகள் வெளிப்படுகின்றன. 

புதன் தசையில் கேது புக்தி 10 மாதங்கள் 23 நாட்கள்

கடந்துவந்த காலகட்டங்களில் புதன் தசையில் கேது புக்தி என்பது சற்று கவனத்துடன் செயல்படக்கூடிய காலமாக கருத்தில் கொள்ளவேண்டும். எந்த வயதுடையவர்களாக இருந்தாலும் எதிர்ப்பாலினை ஈர்ப்பு என்பது இந்த காலகட்டத்தில் நிச்சயமாக வந்தடையும். குறிப்பாக புதனோ அல்லது கேதுவோ சந்திரன் அல்லது சுக்கிரனின் காலில் அதாவது சாரத்தில் நின்று தசா புக்திகள் நடத்தும் காலகட்டம் என்பது மிக கவனமாக இருக்கக்கூடிய காலகட்டமாக திகழ்கின்றது. மன அழுத்தம், மனப்போராட்டம், சஞ்சலம் ஆகியவற்றை அணுகும் காலகட்டமாகவும் இது இருப்பதனால் இந்த காலகட்டத்தில் பத்திரப்பதிவு போன்றவற்றை தவிர்ப்பது மிகச் சிறப் பாகும்.

புதன் தசையில் சுக்கிர புக்தி 2 வருடம் 8 மாதம்

இந்த காலகட்டம் மிகவும் சிறப்பானதொரு காலகட்டம் என்று கூறலாம்.

இந்த இரண்டு கிரகங்களும் சௌமியாகிரகங்கள் அதாவது- நற்பலனை தரக்கூடிய கிரகங்கள் என்பதனால் வண்டி, வாகனம் முதல் கொண்டு, நகைகள், திருமணம் போன்ற அனைத்துவிதமான இன்பம் தரும் சூழலை அளிக்கவல்ல காலமாக இந்த காலத்தை எடுத்துக்கொள்ளலாம். 

புதன் தசையில் சூரிய புக்தி 4 மாதம் 27 நாட்கள் 

அறிவும், ஆட்சியும் இணையும் காலமாக இந்த காலம் திகழும். மரியாதை, பதவி, நற்பெயர் கிடைக்கும் காலமாக இது அமையும்.

தன்னம்பிக்கை அதிகரிக்கும். தந்தைவழி சொத்துகளிலுள்ள வில்லங்கங்கள் தீர்க்கப்படும். அல்லது வில்லங்கங்கள் ஏற்பட்டது இந்த காலகட்டத்தில் தெரிவிக்கப்படும். 

உடலில் தலை சார்ந்த பகுதியில் பொடுகு, தோல் உரிதல் போன்றவை ஏற்படும். 

புதன் தசையில் சந்திரன் புக்தி 1 ஆண்டு 4 மாதங்கள் 

தாயார்வழி சொத்துகள் சிறப்பானதொரு தன்மையை வழங்கும் காலம் அதேபோன்று தாயாருக்கு உடல்நிலை சார்ந்த விஷயத்தில் சற்று தொந்தரவுகள் ஏற்படும். குறிப்பாக கர்ப்பப்பை சார்ந்த விஷயங்களில் கவனமாக இருப்பது சிறப்பு.

மேலும் உயர்கல்வி, வெளிநாடு செல்லும் சூழல் போன்றவற்றை அளிக்கும். 

புதன் தசையில் செவ்வாய் புக்தி 1 ஆண்டு 2 மாதங்கள்

தொழில் மற்றும் வணிகத்தில் ஒரு பெரிய நிலையை எட்டும் தன்மையை இது வழங்கும். கல்விப் போட்டிகளில் வெற்றிபெறும் சூழலும், வெளிநாட்டு வாய்ப்புகளையும், இது வழங்குவதோடு நீதிமன்ற நிலுவைகள் இருப்பின் உங்கள்வசம் தீர்ப்பாகும் தன்மையை அளிக்கும். 

புதன் தசையில் ராகு புக்தி 2 ஆண்டு 8 மாதங்கள்

 இந்த 17 வருட புதன் தசையில் நீண்ட துணைக்காலமாக இந்த காலம் அமையும். 

இயல்பிலேயே புதன் மற்றும் ராகு இரண்டும் மாறுபட்ட கிரகங்களாகும். இந்த கால கட்டம் சற்று கடினமான காலகட்டம் என்ற பொழுதிலும், பிறர் நம்மை ஏமாற்றும் சூழலும், பிறரை நாம் ஏமாற்றும் சூழலும் அமையாதவண்ணம் பார்த்துக் கொள்வது சிறப்பு.

புதன் தசையில் குரு புக்தி 2 ஆண்டு 10 மாதங்கள் 

இந்த முழு தசையில் அற்புதங்களை அருளும் ஒரு காலமாக இந்தக்காலம் அமைந்துள்ளது. யாரோ ஒருவரின் வழிகாட்டுதல்கூட உங்களுக்கு பெரும் லாபத்தை அளிக்கவல்ல சூழலை தரும். மேலும் உயர்கல்வி, கல்வி சார்ந்த விஷயங்களினால் ஏற்பட்ட தடைகள் தகர்த்தெறிந்து ஒரு நல்ல நிலைக்கு மாறும். 

புதன் தசையில் சனி புக்தி 2 ஆண்டு 11 மாதங்கள் 

கடினமான உழைப்பின்மூலம் முன்னேறக்கூடிய தருணம் இது. நீண்டநாள் முயற்சிக்குபலன் கிடைக்கும். நிலம், சொத்து, கட்டடம், போன்றவை அமையும். மெதுவாக- ஆனால் உறுதியாக வளர்ச்சி தரும் காலமாக இது இருக்கும். 

பரிகாரங்கள் 

புதன்கிழமைகளில் 21 வெற்றிலையை மாலையாகக் கட்டி ஆஞ்சனேயருக்கு சாற்றி, நெய் தீபம் ஏற்றி வழிபட்டுவர புதன் தசையால் ஏற்படும் இன்னல்கள் மிக கணிசமாக குறையும். 

பெருமாள் மற்றும் தாயாரின் வழிபாடு மனதிற்கு இதமான சூழலை வழங்கும். பாசிப்பருப்பு தானமும் உணவாக எடுத்துக்கொள்வதும் உடல்நிலை சார்ந்த விஷயங்களில் நல்ல முன்னேற்றத்தைத் தரும். காற்று கருவியான புல்லாங்குழல் இசை கேட்பது புதன் தசையில் கேட்பது சிறப்பு அளிப்பதோடு புல்லாங்குழல் தானமாக வழங்குவது பத்திரத்தில் ஏற்பட் டுள்ள வில்லங்கங்களை சரிசெய்யும் சூழல் இணக்கமாக அமைய வழிவகுக்கும். மாமன்வழி உறவுகளிடம் அனுசரணையாக செல்வது சிறப்பு.

செல்: 80563 79988