இந்த வார ராசி பலன் 7-12-2025 முதல் 13-12-2025 வரை

முனைவர் முருகுபாலமுருகன்
எண்: 19/33, வடபழனி ஆண்டவர் கோவில் தெரு,
வடபழனி, சென்னை 600 026. தமிழ்நாடு, இந்தியா. தொலைபேசி: 044 24881038, 
அலைபேசி: 0091 72001 63001, 93837 63001.

கிரக பாத சாரம்:
சூரியன்: கேட்டை- 2.
சந்திரன்: புனர்பூசம்- 1.
செவ்வாய்: கேட்டை- 4. 
புதன்: விசாகம்- 4.
குரு: புனர்பூசம்- 3 (வ).
சுக்கிரன்: அனுஷம்- 4. 
சனி:  பூரட்டாதி- 4. 
ராகு: சதயம்- 4.

கேது: பூரம்- 2. 

கிரக மாற்றம்: 
7-12-2025 தனுசு செவ்வாய் 
இரவு 8.17 மணிக்கு.

சந்திரன் மாறுதல்
ஆரம்பம்: மிதுனம்
7-12-2025 இரவு 10.38 மணிக்கு- கடகம்.
10-12-2025 அதிகாலை 2.23 மணிக்கு- சிம்மம்.
12-12-2025 காலை 10.20 மணிக்கு- கன்னி.

மேஷம்   
(அஸ்வினி, பரணி, கிருத்திகை 1-ஆம் பாதம்)

உங்கள் ராசிக்கு 8-ல் சூரியன், புதன், சுக்கிரன், 12-ல் சனி சஞ்சரிப்பதால் எதிலும் சற்று கவனத்தோடு செயல்படவேண்டிய நாட்களாக வருகின்ற நாட்கள் இருக்கிறது. நீங்கள் நினைப்பது ஒன்று நடப்பது ஒன்றாக இருக்கும் என்பதால் பணம் கொடுக்கல்- வாங்கல் விஷயத்தில் மிகவும் கவனத்தோடு இருக்கவேண்டும். வயது மூத்தவர்களிடம் வீண் பேச்சை குறைப்பது மிகமிக நல்லது. தொழில், வியாபாரத்தில் அதிக முதலீடுகள்கொண்ட செயல்களைத் தவிர்த்துவிட்டு கிடைக்கும் வாய்ப்புகளை சரியான முறையில் பயன்படுத்திகொள்வது சிறப்பு. உணவு விஷயத்தில் கட்டுப்பாடோடு இருந்தால்தான் ஆரோக்கியம் சிறப்பாக இருக்கும். வேலைக்கு செல்பவர்களுக்கு நீங்கள் சிறப்பாக செயல்பட்டாலும் உடனிருப்பவர்கள் உங்கள்மீது வீண் பழிச் சொற்களை சொல்லலாம் என்பதால் பணியில் கவனத்தோடு இருப்பது நல்லது. மாணவ- மாணவியர்கள் கவனச் சிதறல்கள் ஏற்படலாம் என்பதால் படிப்பில் கவனம் செலுத்தவேண்டும். தேவையற்ற தூரப் பயணங்களை வரும் நாட்களில் தவிர்ப்பது நல்லது. பூர்வீக சொத்துவகையில் தேவையில்லாத நெருக்கடிகள் ஏற்படக்கூடிய வாய்ப்புகள் வரும் நாட்களில் இருக்கிறது. இந்த வாரத்தில் ஏற்றமிகுந்த பலன்களை நீங்கள் பெறுவதற்கு சிவன் ஸ்தலங்களுக்கு சென்றுவருவது, உடல் ஊனமுற்றவைகளுக்கு உங்களால் முடிந்த உதவிகளைச் செய்வதன் மூலமாக ஒருசில ஆதாயத்தை அடையமுடியும்.

வெற்றி தரும் நாட்கள்: 7, 12, 13.

ரிஷபம்  
(கிருத்திகை 2, 3, 4-ஆம் பாதங்கள் ரோகிணி, மிருகசீரிடம் 1, 2-ஆம் பாதங்கள்)

உங்கள் ராசியாதிபதி சுக்கிரன், புதன் சேர்க்கைப்பெற்று 7-ல் சஞ்சரிப்பதும், லாபஸ்தானத்தில் சனி சஞ்சரிப்பதும் அற்புதமான அமைப்பு என்பதால் நல்லவாய்ப்புகள் உங்களுக்கு கிடைக்கும். பண வரவுகள் சிறப்பாக இருந்து உங்களது அனைத்து தேவைகளும் பூர்த்தியாகக்கூடிய அதிர்ஷ்டமானது உங்களுக்கு உண்டு. உங்களுக்கு எதிர்ப்பு தெரிவித்தவர்கள்கூட தற்போது உங்களுடன் நட்புடன் பழகுவார்கள். குடும்பத்தில் தடைப்பட்ட சுபகாரியங்கள் கைகூடக்கூடிய வாய்ப்பானது இருக்கிறது. தொழில், வியாபாரத்தில் நல்ல வளர்ச்சி ஏற்படக்கூடிய நேரமாகும். உங்கள் ராசிக்கு 7-ல் சூரியன், வரும் திங்கட்கிழமைமுதல் 8-ல் செவ்வாய் சஞ்சரிப்பதால் கணவன்- மனைவியிடையே விட்டுக்கொடுத்து செல்லவேண்டிய நேரமாகும். கூட்டாளிகளை அனுசரித்துச் செல்வதன்மூலமாக ஒருசில ஆதாயத்தை அடையக்கூடிய வாய்ப்புகள் உங்களுக்கு உண்டு. வேலைக்கு செல்பவர்களுக்கு பணியின் சிறப்பாக செயல்பட்டு அதிகாரியிடம் நல்லபெயர் எடுக்கக்கூடிய நாட்களாக வருகின்ற நாட்கள் இருக்கிறது. எதிலும் உற்சாகத்தோடு செயல்பட்டு சிறப்பான மதிப்பெண்களை எடுக்கக்கூடிய நேரமாகும். பிள்ளைகள் வழியில் மகிழ்ச்சி தரக்கூடிய ஒரு இனிய நிகழ்வுகள் நடக்கும். வரும் நாட்களில் ஏற்றமிகுந்த பலன்களைப்பெற முருக வழிபாடு மேற்கொள்வது, சிவன் ஸ்தலங்களுக்கு சென்றுவருவது மிகவும் நல்லது.

வெற்றி தரும் நாட்கள்: 8, 9.

மிதுனம் 
(மிருகசீரிடம் 3, 4-ஆம் பாதங்கள், திருவாதிரை, புனர்பூசம் 1, 2, 3-ஆம் பாதங்கள்)

உங்கள் ராசிக்கு 3-ல் கேது, 6-ல் சூரியன் சஞ்சரிப்பதால் எதிலும் தைரியத்தோடு செயல்படுவீர்கள். நல்லவாய்ப்புகள் உங்களுக்கு கிடைக்கும். நெருங்கியவர்களால் ஒருசில ஆதாயத்தை பெறக் கூடிய வாய்ப்புகள் உண்டு. இக்கட்டான நேரத்தில் எதிர்பாராத பண உதவிகள் கிடைத்து உங்களுடைய தேவைகள் பூர்த்தியாகும் வெளியூர் தொடர்புகள்மூலமாக அனுகூலமான பலன்களை அடையக்கூடிய வாய்ப்புகள் உங்களுக்கு உண்டு. பணம் கொடுக்கல்- வாங்கல் விஷயத்தில் சற்று சிக்கனத்தோடு செயல்படுவது நல்லது. தொழில், வியாபாரத்தில் சற்று நிதானத்தோடு செயல்பட்டால் போட்ட முத-ல் எடுக்கக்கூடிய அதிர்ஷ்டமானது உங்களுக்கு இருக்கிறது. சில விஷயங்களில் வேலையாட்கள் உதவியை எதிர்பார்க்காமல் நீங்கள் நேரடியாக சில விஷயங்களில் செயல்பட்டால் ஆதாயத்தை அடையக்கூடிய வாய்ப்புகள் உங்களுக்கு உண்டு. வேலைக்குச் செல்பவர்களுக்கு பயணங்கள் மேற்கொள்ளக்கூடிய ஒரு வாய்ப்பும் அதன்மூலம் ஆதாயமும் கிடைக்கும். உங்கள் ராசிக்கு வரும் திங்கட்கிழமைமுதல் 7-ல் செவ்வாய் சஞ்சரிப்பதால் கணவன்- மனைவியிடையே சற்று விட்டுக்கொடுத்து செல்வது நல்லது. மாணவ- மாணவியர்கள் படிப்பில் சிறந்து விளங்கி நல்ல மதிப் பெண் களை எடுக்கமுடியும். வரும் நாட்களில் ஏற்றமிகுந்த பலன்களை அடைவதற்கு மகாலட்சுமி வழிபாடு மேற்கொள்வது, தட்சிணாமூர்த்திக்கு நெய் தீப மேற்றுவதன் மூலம் அனுகூலங்கள் கிடைக்கும்.

வெற்றி தரும் நாட்கள்: 7, 10, 11.

கடகம்  
(புனர்பூசம் 4-ஆம் பாதம், பூசம், ஆயில்யம்)

உங்கள் ராசிக்கு பஞ்சம ஸ்தானமான 5-ல் புதன் சுக்கிரன் வரும் திங்கட்கிழமைமுதல் 6-ல் செவ்வாய் சஞ்சரிப்பதால் பல்வேறு வளமான பலன்களைப் பெறக் கூடிய வாய்ப்புகள் உண்டு. உங்கள் ராசிக்கு 9-ல் சனி சஞ்சரிப்பதால் எதிர்பாராத பணவரவுகள் ஏற்பட்டு உங்களின் அனைத்து தேவைகளும் பூர்த்தியாகக்கூடிய வாய்ப்பானது இருக்கிறது. குடும்பத்தில் கணவன்- மனைவியிடையே ஒற்றுமை மிகச்சிறப்பாக இருக்கும். மற்றவர்களுக்கு நீங்கள் கொடுத்த வாக்குறுதிகளை எளிதில் காப்பாற்றக்கூடிய பலமானது உங்களுக்கு உண்டு. தொழில், வியாபாரத்தில் சந்தை சூழ்நிலை உங்களுக்கு சாதகமாக இருப்பதால் போட்ட முதலை எளிதில் எடுக்கக்கூடிய வாய்ப்புகள் இருக்கிறது. அரசாங்கவழியில் நீங்கள் எதிர்பார்த்த உத்தரவுகளை வரும் நாட்களில் பெறக்கூடிய யோகமானது இருக்கிறது. வேலைக்குச் செல்பவர்களுக்கு உங்கள் திறமைகளை வெளிக்காட்ட நல்லவாய்ப்புகள் கிடைக்கும். அதிகாரிகளுடைய ஒத்துழைப்பு சிறப்பாக இருப்பதால் கடினமான காரியங்களை கூட எளிதில் செய்து முடிக்கக்கூடிய வாய்ப்புகள் உண்டு. மாணவ- மாணவியர்கள் படிப்பில் சிறப்பாக விளங்குவது மட்டுமில்லாமல் போட்டி தேர்வுகளில் பங்குபெற்று பரிசுகளை வெல்லக்கூடிய நேரமாகும். வரும் நாட்களில் ஏற்றமிகுந்த பலன்களைப் பெறுவதற்கு விநாயகர் வழிபாடு மேற்கொள்வது, சரபேஸ்வரருக்கு ராகு காலத்தில் பூஜை செய்வது நன்மை தரும்.

வெற்றி தரும் நாட்கள்: 8, 9, 12, 13.

சிம்மம் 
(மகம், பூரம், உத்திரம் 1-ஆம் பாதம்)

ராசியாதிபதி சூரியன் உங்கள் ராசிக்கு 4-ல் சஞ்சரிப் பதும், 7-ல் ராகு, 8-ல் சனி சஞ்சரிப்பதும் தேவையற்ற நெருக்கடிகளை ஏற்படுத்தும் அமைப்பாகும். சுலபமாக முடியவேண்டிய காரியங்கள் தாமதமாகும். இருப்பதை அனுபவிக்க இடையூறுகள் ஏற்படும். குருபகவான் வக்ரகதியில் இருப்பதால் பணவரவில் ஏற்ற- இறக்கமான நிலை இருக்கும் என்பதால் ஆடம்பரச் செலவுகளை குறைத்துக்கொண்டு எதிலும் சிக்கனத்தோடு இருப்பது நல்லது. தொழில், வியாபாரத்தில் உங்கள் உழைப்புக்கான பலனை அடைய உடனிருப்பவர்களே இடையூறாக இருப்பார்கள். வேலையாட்களை சற்று அனுசரித்துச் செல்வதன்மூலமாக ஒருசில ஆதாயத்தை அடையக்கூடிய வாய்ப்புகள் உங்களுக்கு உண்டு. வேலைக்கு செல்பவர்களுக்கு தேவையில்லாத நெருக்கடி கள் ஏற்படுவது மட்டுமில்லாமல் பிறர் செய்யக்கூடிய தவறுகளுக்கு பொறுப்பேற்க வேண்டிய ஒரு சூழ்நிலை உண்டாகும். அதிகாரியிடம் வீண்வாக்குவாதங்கள் செய்யாமல் உங்களுக்கு ஒதுக்கப்பட்ட பணியில் மட்டும் கவனம் செலுத்தவேண்டிய நேரமாகும். மாணவ- மாணவியர்கள் சக நண்பர்களிடம் பேசுகின்ற பொழுது சற்று கவனத்தோடு இருப்பதன்மூலமாக உங்களுடைய பணிகளில் சிறப்பாக செயல்படமுடியும். வரும் நாட்களில் ஏற்றமிகுந்த பலன்களைப் பெறுவதற்கு சிவன் ஸ்தலங்களுக்கு சென்று வருவது, உடல் ஊனமுற்றவர்களுக்கு உங்களால் முடிந்த உதவிகளைச் செய்வது நன்மை தரும். 

வெற்றி தரும் நாட்கள்: 7, 10, 11.

கன்னி 
(உத்திரம் 2, 3, 4-ஆம் பாதங்கள், அஸ்தம், சித்திரை 1, 2-ஆம் பாதங்கள்)

உங்கள் ராசிக்கு முயற்சி ஸ்தானமான 3-ல் சூரியன், 6-ல் ராகு சஞ்சரிப்பது உன்னதமான அமைப்பு என்பதால் பல்வேறு வளமான பலன்களைப் பெறுவீர்கள். எதிலும் தைரியத்தோடு செயல்பட்டு ஏற்றங்களை அடையக்கூடிய வாய்ப்புகள் உண்டு. குருபகவான் தற்போது வக்ரகதியில் இருப்பதால் உங்களின் பொருளாதார நிலை சிறப்பாக இருக்கும். ஒரு பெரிய மனிதர்களுடைய ஆதரவு கிடைப்பதால் நீண்டநாட்களாக இருக்கக்கூடிய பிரச்சினைகளுக்குத் தற்போது ஒருநல்ல முடிவு கிடைக்கும். தொழில், வியாபாரத்தில் நல்ல வாய்ப்புகள் கிடைப்பது மட்டுமில்லாமல் உங்களுக்கு இருந்த மறைமுக எதிர்ப்புகள் குறையும். தொழிலுக்காக நீங்கள் வாங்கிய கடன்களை பைசல் செய்யக்கூடிய வாய்ப்புகள் ஏற்படும். அசையும் அசையா சொத்துகளில் முதலீடு செய்யக்கூடிய யோகமானது வரும் நாட்களில் உங்களுக்கு இருக்கிறது. வேலைக்கு செல்பவர்களுக்கு பணியில் சிறப்பாக செயல்படுவது மட்டுமில்லாமல் மற்றவர்களால் முடிக்கமுடியாத ஒரு காரியத்தைக்கூட நீங்கள் சிறப்பாக செய்து முடிக்கக்கூடிய நேரமாகும். மாணவ- மாணவியர்கள் நல்ல ஞாபக சக்தியுடன் செயல்பட்டு படிப்பில் சிறந்து விளங்கக்கூடிய காலமாகும். குடும்பத்தில் தடைப்பட்ட சுபகாரியங்கள் கைக்கூடும். வரும் நாட்களில் ஏற்றமிகுந்த பலன்களை அடைவதற்கு முருக வழிபாடு மேற்கொள்வது வெங்கடேசப் பெருமாளை தரிசிப்பதன் மூலமாக அனுகூலங்கள் கிடைக்கும். 

வெற்றி தரும் நாட்கள்: 7, 8, 9, 12, 13.

துலாம்
(சித்திரை 3, 4-ஆம் பாதங்கள், சுவாதி, விசாகம் 1, 2, 3-ஆம் பாதங்கள்)

உங்கள் ராசியாதிபதி சுக்கிரன், புதன் சேர்க்கை பெற்று 2-ல் சஞ்சரிப்பதும், ருண, ரோக ஸ்தானமான 6-ல் சனி, 11-ல் கேது சஞ்சரிப்பதும் மிகவும் அற்புதமான அமைப்பு என்பதால் நீங்கள் நினைத்ததெல்லாம் நடக்கும். தற்போது 2-ல் சஞ்சரிக்கக்கூடிய செவ்வாய் திங்கட்கிழமைமுதல் 3-ல் சஞ்சரிப்பதால் நீங்கள் மேற்கொள்ளக்கூடிய செயல்களுக்கு அனுகூலமான பலன்கள் கிடைக்கும். குடும்பத்தில் நிலவிய கருத்து வேறுபாடுகள் எல்லாம் விலகும். எதிர்பாராத பணவரவுகள் ஏற்பட்டு உங்களது அனைத்து தேவைகளும் பூர்த்தியாகக்கூடிய நாட்களாக வருகின்ற நாட்கள் இருக்கும். அசையும்- அசையா சொத்துகளில் முதலீடு செய்யக்கூடிய வாய்ப்புகள் உண்டு. தொழில், வியாபாரத்தில் நல்ல லாபங்கள் கிடைப்பது மட்டுமில்லாமல் நீண்டநாட்களாக இருந்த நெருக்கடிகள் தற்போது விலகும். உத்தியோகத்தில் இருப்பவர்களுக்கு மற்றவர்களால் முடிக்கமுடியாத பணியைக்கூட சிறப்பாக செய்து முடித்து அதிகாரியிடம் நல்ல பெயர் எடுக்கக்கூடிய வாய்ப்பு ஏற்படும். மாணவ- மாணவியர்கள் எதிலும் முதன்மையாக விளங்கி சிறப்பான மதிப்பெண்களை எடுப்பார்கள். வெளியூர், வெளிநாடுமூலமாக மகிழ்ச்சி தரக்கூடிய செய்திகள் கிடைக்கும். வரும் நாட்களில் ஏற்ற மிகுந்த பலன்களைப்பெற சிவன் ஸ்தலங்களுக்கு சென்றுவருவது, துர்க்கையம்மனுக்கு ராகு காலத்தில் தீபமேற்றுவது நல்லது.

வெற்றி தரும் நாட்கள்: 8, 9, 10, 11.

விருச்சிகம் 
(விசாகம் 4-ஆம் பாதம், அனுஷம், கேட்டை)

ஜென்ம ராசியில் சூரியன், வரும் திங்கட்கிழமை முதல் 2-ல் செவ்வாய் சஞ்சரிப்பதால் ஒவ்வொரு விஷயத்திலும் சிந்தித்துச் செயல்பட வேண்டிய நாட்களாக வருகின்ற நாட்கள் இருக்கிறது. உங்களது முன் கோபத்தை சற்று குறைத்துக் கொள்ளவேண்டும். உங்கள் ராசிக்கு 4-ல் ராகு, 5-ல் சனி சஞ்சரிப்பதால் அலைச்சல் காரணமாக இருப்பதை அனுபவிக்க இடையூறுகள் ஏற்படும். வண்டி வாகனங்கள்மூலமாக எதிர்பாராதவகையில் வீண்செலவுகள் உண்டாகும். தொழில், வியாபாரத்தில் நீங்கள் கடுமையாக உழைத்தாலும் ஒருசிலர் செய்யக்கூடிய செயல்கள் காரணமாக உங்களுக்கு கிடைக்கவேண்டிய ஒரு நல்லவாய்ப்புகள்கூட தடைபடக்கூடிய நாட்களாக வருகின்ற நாட்கள் இருக்கிறது. நீங்கள் விளையாட்டுத் தனமாக பேசினாலும் அதனை மற்றவர்கள் தவறாக எடுத்துக்கொள்வார்கள் என்பதால் பேச்சில் பொறுமை தேவை. வேலைக்கு செல்பவர்களுக்கு அதிக வேலைப்பளு காரணமாக உடல் அசதி ஏற்படும். தேவையற்றவகையில் அதிகாரியிடம் மனஸ்தாபங்கள் ஏற்படக்கூடிய நேரமாக வருகின்ற நாட்கள் இருக்கிறது. நிதானத்தைக் கடைபிடிப்பது நல்லது. மாணவ- மாணவியர்கள் நீங்கள் சிறப்பாக செயல்பட்டாலும் ஞாபக மறதி காரணமாக எதிர்பார்த்த மதிப்பெண்களை அடைய இடையூறுகள் ஏற்படும். வரும் நாட்களில் ஏற்றமிகுந்த பலன்களை நீங்கள் பெறுவதற்கு துர்க்கையம்மனை தரிசிப்பது, முருக வழிபாடு மேற்கொள்வது மிகவும் நல்லது. 

வெற்றி தரும் நாட்கள்: 10, 11, 12, 13.

தனுசு 
(மூலம், பூராடம், உத்திராடம் 1-ஆம் பாதம்)

உங்கள் ராசிக்கு விரைய ஸ்தானமான 12-ல் சூரியன், புதன், சுக்கிரன் சஞ்சரிப்பதும், திங்கட்கிழமைமுதல் ஜென்ம ராசியில் செவ்வாய் சஞ்சரிப்பதும் தேவையற்ற நெருக்கடிகளை ஏற்படுத்தும் அமைப்பு என்பதால் எதிலும் சற்று பொறுமையோடு இருக்க வேண்டும். குருபகவான் வக்ரகதியில் இருப்பதால் பணவரவு ஏற்ற- இறக்கமான நிலை இருக்கும் என்பதால் ஆடம்பரத்தை குறைத்துக்கொண்டு எதுவும் சிக்கனமாக இருப்பது நல்லது. தொழில், வியாபாரத்தில் உங்கள் உழைப்புக்கான பலனை அடைய உடன் இருப்பவர்களே இடையூறாக இருப்பார்கள். அதிக முதலீடுகள் கொண்ட செயல்களைத் தற்கா-கமாக தள்ளிவைப்பது நல்லது. முடிந்தவரை தேவையற்ற பயணங்களைத் தவிர்ப்பது உத்தமம். பிள்ளைகள்வழியில் தேவையில்லாத மனக்கவலைகள் உண்டாகும். வேலைக்கு செல்பவர்களுக்கு அதிகப்படியான நெருக்கடி இருந்தாலும் உங்கள் தனித் திறமையால் எதையும் சமாளிப்பீர்கள். ஒருசில நேரங்களில் உங்களது முன்கோபத்தை சற்று குறைத்துக் கொண்டு நிதானத்தோடு செயல்பட்டால் வீண் பிரச்சினைகளை சமாளிக்கலாம். மாணவ- மாணவியர்கள் நீங்கள் படிப்பில் கவனமாக செயல்பட்டாலும் சக மாணவ- மாணவியர்களால் சில இடையூறுகள் ஏற்படலாம் என்பதால் சற்று நிதானமாக இருப்பது நல்லது. வரும் நாட்களில் அனுகூலப் பலன்களை அடைவதற்கு கால பைரவரை வழிபாடு செய்வது, லட்சுமி நரசிம்மரை தரிசிப்பதன் மூலம் நல்லது நடக்கும். 

வெற்றி தரும் நாட்கள்:    7, 12, 13.

மகரம் 
(உத்திராடம் 2, 3, 4-ஆம் பாதங்கள், திருவோணம், அவிட்டம் 1, 2-ஆம் பாதங்கள்)

உங்கள் ராசிக்கு லாப ஸ்தானமான 11-ல் சூரியன், புதன், சுக்கிரன் சஞ்சரிப்பதும், ராசியாதிபதி சனி 3-ல் சஞ்சரிப்பதும் உன்னதமான அமைப்பு என்பதால் நீங்கள் நினைத்ததெல்லாம் நடக்கும். பணவரவுகள் தாராளமாக இருந்து குடும்பத்தில் மகிழ்ச்சி ஏற்படும். குரு வக்ரகதியில் இருப்பதால் மங்களகரமான சுப காரியங்கள் கைகூடக்கூடிய வாய்ப்புகள் உண்டு. கடந்த காலங்களில் உங்களுக்கு இருந்த கடன் பிரச்சினைகள் எல்லாம் தற்போது குறையும். கணவன்- மனைவியிடையே ஒற்றுமை அதிகரிக்கும். தொழில், வியாபாரத்தில் நல்ல முன்னேற்றத்தை அடையக்கூடிய வாய்ப்புகள் உண்டு. கடந்தகால தேக்கநிலை மாறி தற்போது நல்ல லாபத்தை ஈட்டக்கூடிய வாய்ப்பு உண்டாகும். தொழில் வளர்ச்சிக்காக நீங்கள் எதிர்பார்த்த பொருளாதார உதவிகள் கிடைக்கும். உத்தியோகத்தில் இருப்பவர்களுக்கு பணியில் நீங்கள் சிறப்பாக செயல்படுவது மட்டுமில்லாமல் பிறரால் முடிக்க முடியாத பணியைக்கூட நீங்கள் சிறப்பாக செய்துமுடித்து நல்ல பேர் எடுக்கக்கூடிய நேரமாகும். மாணவ- மாணவியர்கள் கல்வியில் சிறந்து விளங்கி நல்ல மதிப்பெண்களை எடுக்கமுடியும். பெண்கள்மூலமாக எதிர்பாராத அனுகூலங்களை அடையக்கூடிய வாய்ப்பு உண்டு. வரும் நாட்களில் அனுகூலப் பலன்களைப்பெற முருக வழிபாடு மேற்கொள்வது, துர்க்கையம்மனுக்கு ராகு காலத்தில் தீபமேற்றுவது நன்மை தரும்.

வெற்றி தரும் நாட்கள்: 7, 8, 9.

கும்பம்  
(அவிட்டம் 3, 4-ஆம் பாதங்கள், சதயம், பூரட்டாதி 1, 2, 3-ஆம் பாதங்கள்)

உங்கள் ராசிக்கு 10-ல் சூரியன், புதன், சுக்கிரன், திங்கட்கிழமை முதல் லாப ஸ்தானமான 11-ல் செவ்வாய் சஞ்சரிப்பதால் பல்வேறு வளமான பலன்களைப் பெறுவீர்கள். இருக்கக்கூடிய இடத்தில் உங்களுடைய மதிப்பும், மரியாதையும் அதிகரிக்கும். உங்கள்மீது இருந்த பழிச்சொற்கள் எல்லாம் தற்போது விலகி நல்ல பெயர் எடுக்க முடியும். ஜென்ம ராசியில் ராகு, 2-ல் சனி சஞ்சரிப்பதால் பேச்சில் சற்று பொறுமையோடு இருப்பது பிறர் விஷயத்தில் தலையிடாமல் இருப்பது நல்லது. குருபகவான் வக்ரகதியில் இருப்பதால் ஆடம்பர செலவுகளை குறைத்துக்கொண்டு எதிலும் சற்று சிக்கனத்தோடு இருக்கவேண்டும். தொழில், வியாபாரத்தில் நல்லவாய்ப்புகள் கிடைக்கும் என்றா லும் வேலையாட்களை அனுசரித்துச் செல்வதன் மூலமாக ஒருசில ஆதாயத்தை அடையக்கூடிய வாய்ப்புகள் உங்களுக்கு உண்டு. உத்தியோகத்தில் இருப்பவர்களுக்கு விரும்பிய இடமாற்றங்கள் கிடைத்து மனமகிழ்ச்சி ஏற்படும். அதிகாரிகள் ஆதரவு சிறப்பாக இருப்பதால் கடினமான காரியங்களைகூட சுலபமாக செய்து முடிக்கக்கூடிய வாய்ப்புகள் வரும் நாட்களில் உங்களுக்கு இருக்கிறது. மாணவ- மாணவியர்கள் பெற்றோர் மற்றும் ஆசிரியர்களிடம் பேசுகின்ற நேரங்களில் வாக்குவாதங்கள் செய்யாமல் படிப்பில் கவனம் செலுத்துவது மிகவும் நல்லது. வரும் நாட்களில் அனுகூலப் பலன்களை அடைவதற்கு ஆஞ்சனேயர் வழிபாடு மேற்கொள்வது, துர்க்கையம்மனுக்கு தீபமேற்றுவதன் மூலம் நன்மை கிடைக்கும். 

வெற்றி தரும் நாட்கள்: 8, 9, 10, 11.

மீனம் 
(பூரட்டாதி 4-ஆம் பாதம், உத்திரட்டாதி, ரேவதி)

உங்கள் ராசிக்கு பாக்கிய ஸ்தானமான 9-ல் சூரியன், புதன், சுக்கிரன், திங்கட்கிழமை முதல் 10-ல் செவ்வாய் சஞ்சரிப்பதால் இக்கட்டான நேரத்தில் எதிர்பாராத பொருளாதார உதவிகள் கிடைத்து உங்களின் அனைத்து தேவைகளும் பூர்த்தி யாகும். உங்கள் ராசிக்கு 6-ல் கேது சஞ்சரிப்பதால் எதையும் எதிர்கொள்ளக்கூடிய பலம் உண்டாகும். உடன்பிறந்தவர்கள்மூலமாக ஒருசில ஆதாயத்தை அடையக்கூடிய வாய்ப்புகள் உண்டு. ஜென்ம ராசியில் சனி சஞ்சரிப்பதால் ஆரோக்கியத்தில் அக்கறை எடுத்துக்கொள்வது உணவு விஷயத்தில் சற்று கட்டுப்பாடோடு இருப்பது மிகவும் நல்லது. தொழில், வியாபாரத்தில் முனைப்புடன் செயல்பட்டால் போட்ட முத-ல் எடுக்கக்கூடிய வாய்ப்புகள் இருக்கிறது. வேலையாட்கள்மூலமாக தேவையற்ற நெருக்கடிகள் ஏற்படலாம் என்பதால் எல்லாவற்றிலும் அவர்களுடைய உதவி என் நம்பாமல் நீங்கள் எதிலும் முன்நின்று செயல்படுவது நல்லது. வேலைக்கு செல்பவர்களுக்கு வேலைப்பளு இருந்தாலும் உங்கள் தனித்திறமையாக எதையும் சமாளிப்பீர்கள். தேவையற்ற பயணங்களைத் தள்ளிவைப்பது நல்லது. மாணவ- மாணவியர்கள் நீங்கள் சிறப்பாக செயல்பட்டாலும் சக மாணவ- மாணவியர் கள் உங்களை வேற்றுப் பாதைக்கு அழைத்துச் செல்லக்கூடிய நேரமென்பதால் தேவையற்ற நட்புகளை குறைத்துக்கொள்வது நல்லது. துர்க்கையம்மனுக்கு ராகு காலத்தில் தீபமேற்றுவதும், தட்சிணாமூர்த்தி வழிபாடு மேற்கொள்வதன்மூலம் அனுகூலங்கள் உண்டாகும்.

வெற்றி தரும் நாட்கள்: 10, 11, 12, 13.