இந்த வார ராசி பலன்  30-11-2025 முதல் 6-12-2025 வரை

சூரியன்: அனுஷம்- 4.

சந்திரன்: உத்திரட்டாதி- 1.

செவ்வாய்: கேட்டை- 3. 

புதன்: விசாகம்- 2. 

குரு: புனர்பூசம்- 4 (வ) 

சுக்கிரன்: அனுஷம்- 1. 

சனி: பூரட்டாதி- 4. 

ராகு: சதயம்- 4.

கேது: பூரம்- 2. 

5-12-2025 மிதுனத்தில் குரு (வ) மாலை 5.25 மணிக்கு.

6-12-2025 விருச்சிகத்தில் புதன் இரவு 8.45 மணிக்கு.

 

ஆரம்பம்: மீனம்

1-12-2025 

இரவு 11.18 மணிக்கு- மேஷம்.

3-12-2025 

இரவு 11.14 மணிக்கு- ரிஷபம்.

5-12-2025 

இரவு 10.15 மணிக்கு- மிதுனம்.

ராசியாதிபதி செவ்வாய்- சூரியன் சேர்க்கைப்பெற்று 8-ல் சஞ்சரிப்பதாலும், 12-ல் சனி சஞ்சரிப்பதாலும் எதிலும் சற்று நிதானத்தோடு இருப்பது நல்லது. சக்திக்கு மீறிய செலவுகள் ஏற்படக்கூடிய நேரம் என்பதால் தேவையற்ற நெருக்கடிகள் ஏற்படும். உடல் ஆரோக்கியத்தில் அக்கறை எடுத்துக்கொள்வது நல்லது. கணவன்- மனைவியிடையே விட்டுக்கொடுத்து செல்லவேண்டும். தேவையற்ற பயணங்களைத் தவிர்ப்பது நல்லது. தொழில், வியாபாரத்தில் சூழ்நிலையை புரிந்து நடந்துகொண்டால் போட்ட முதலை எடுக்கக்கூடிய வாய்ப்புகள் உண்டு. கூட்டாளிகள்மூலமாக ஒரு சில ஆதாயத்தை அடையக்கூடிய அதிர்ஷ்டமானது உங்களுக்கு இருக்கிறது. அதிக முதலீடுகள்கொண்ட செயல்களை தற்காலிகமாக தள்ளிவைப்பது உத்தமம். வேலைக்கு செல்பவர்களுக்கு வேலைப்பளு இருந்தாலும் எதையும் சமாளிக்கக்கூடியப்பலம் உண்டாகும். அதிகாரியிடம் பேசுகின்ற பொழுது வீண் பேச்சை குறைத்துவிட்டு உங்கள் பணியில் மட்டும் கவனம் செலுத்தவேண்டும். உங்கள் ராசிக்கு 7-ல் புதன், 11-ல் ராகு சஞ்சரிப்பதால் இக்கட்டான நேரத்தில் எதிர்பாராத உதவிகள் சில கிடைக்கும். மாணவ- மாணவியர்களுக்கு ஞாபக மறதி ஏற்படக்கூடிய நேரமென்பதால் படிப்பில் கவனம் செலுத்தவேண்டிய காலமாகும். வரும் நாட்களில் வளமான பலன்களைப்பெற சிவன் ஸ்தலங்களுக்கு சென்றுவருவது, மகாலட்சுமி வழிபாடு மேற்கொள்வதன்மூலம் அனுகூலங்கள் ஏற்படும்.

வெற்றி தரும் நாட்கள்: 2, 3, 6.

உங்கள் ராசிக்கு 7-ல் சுக்கிரன், லாப ஸ்தானத்தில் சனி சஞ்சரிப்பதால் எதிலும் தைரியத்தோடு செயல்பட்டு வளமான பலன்களைப் பெறுவீர்கள். உங்கள் உழைப்புக்கான பலனை அடையக்கூடிய வாய்ப்புகள் உண்டு. தொழில், வியாபாரத்தில் சந்தை சூழ்நிலை உங்களுக்கு சாதகமாக இருப்பதால் நல்ல லாபத்தை ஈட்டக்கூடிய வாய்ப்புகள் இருக்கிறது. சில நாட்களாக இருந்து வந்த நெருக்கடிகள் எல்லாம் தற்போது குறைவதால் தொழில்ரீதியாக மனமகிழ்ச்சி ஏற்படக்கூடிய நாட்களாக வருகின்ற நாட்கள் இருக்கும். மற்றவர்களுக்கு நீங்கள் கொடுத்த வாக்குறுதிகளை எளிதில் காப்பாற்றமுடியும். உங்கள் ராசிக்கு 7-ல் சூரியன், செவ்வாய் சஞ்சாரம் செய்வதால் கணவன்- மனைவியிடையே ஒருவருக்கொருவர் கௌரவம் பார்க்காமல் விட்டுக் கொடுத்து செல்வது நல்லது. வேலைக்கு செல்பவர்களுக்கு நீங்கள் எதிர்பார்த்த பதவி உயர்வுகள் கிடைப்பது மட்டுமில்லாமல் விரும்பிய இடம் மாற்றங்கள் கிடைத்து வரும் நாட்களில் மனமகிழ்ச்சி ஏற்படும். மாணவ- மாணவியர்கள் படிப்பில் சிறப்பாக செயல்பட்டு எதிர்பார்த்ததைவிட சிறப்பான மதிப்பெண்களை எடுக்கக்கூடிய வாய்ப்புகள் வரும் நாட்களில் இருக்கிறது. வரும் நாட்களில் வளமான பலன்களை நீங்கள் பெறுவதற்கு துர்க்கையம்மனுக்கு தீபமேற்றுவது, முருக வழிபாடு மேற்கொள்வதன்மூலமாக அனுகூலங்கள் உண்டாகும்.

வெற்றி தரும் நாட்கள்: 2, 3, 4, 5.

உங்கள் ராசிக்கு ருண, ரோக ஸ்தானமான 6-ல் சூரியன், செவ்வாய் சஞ்சரிப்பது மிகவும் அற்புதமான அமைப்பு ஆகும். ராசியாதிபதி புதன் 5-ல் சஞ்சரிப்பதால் நீங்கள் நினைத்ததெல்லாம் நடக்கும். இருக்கக்கூடிய இடத்தில் உங்களுடைய மதிப்பும், மரியாதையும் அதிகரிக்கும். உங்களுக்கு இருந்த மறைமுக எதிர்ப்புகள் தற்போது இருந்த இடம் தெரியாமல் மறையும். வெளியூர் தொடர்புகள் மூலமாக அனுகூலமான பலன்களை அடையக்கூடிய வாய்ப்புகள் உண்டு. தொழில், வியாபாரத்தில் உங்கள் உழைப்புக்கான பலனை அடையக்கூடிய அதிர்ஷ்டமானது இருக்கிறது. திறமைவாய்ந்த வேலை ஆட்கள் உங்கள் தொழிலில் இணைவதால் நல்ல முன்னேற்றத்தை அடையக்கூடிய வாய்ப்பு உண்டாகும். வாடிக்கையாளர்களுடைய தேவையை எளிதில் பூர்த்தி செய்யமுடியும். பணவரவுகள் சாதகமாக இருப்பதால் உங்களுக்கிருந்த பொருளாதார நெருக்கடிகள் குறைவது மட்டுமில்லாமல் அசையும், அசையா சொத்துகளில் முதலீடு செய்யக்கூடிய வாய்ப்புகள் உங்களுக்கு உண்டு. உத்தியோகத்தில் இருப்பவர்களுக்கு நீங்கள் பட்ட கஷ்டத்திற்கு தற்போது ஒரு விடிவு காலம் பிறந்து சமுதாயத்தில் ஒரு கௌரவமான நிலையினை எட்ட முடியும். கடந்தகால பிரச்சினைகள் எல்லாம் குறைந்து மன நிம்மதி உண்டாகும். இந்த வாரத்தில் ஏற்றமிகுந்த பலன்களை நீங்கள் பெறுவதற்கு தட்சிணாமூர்த்தி வழிபாடு மேற்கொள்வது, ஆஞ்சனேயர் வழிபாடு மேற்கொள்வது மிகவும் நல்லது.

வெற்றி தரும் நாட்கள்: 30, 1, 2, 3, 6. 

உங்கள் ராசிக்கு 4-ல் புதன், 5-ல் சுக்கிரன், 9-ல் சனி சஞ்சரிப்பதால் எதிர்நீச்சல் போட்டாவது அடைய வேண்டிய இலக்கை அடையக் கூடிய வாய்ப்புகள் உண்டு. சின்னசின்ன நெருக்கடிகள் இருந்தாலும் எதிர்பாராத பணஉதவிகள் கிடைப்பதால் ஒரு வளமான பலன்களை அடையக்கூடிய அதிர்ஷ்டமானது உங்களுக்கு இருக்கிறது. எந்த ஒரு விஷயத்திலும் சாமர்த்தியமாக செயல்பட்டு அடைய வேண்டிய இலக்கை அடையக்கூடிய வாய்ப்புகள் ஏற்படும். வெளியூர் தொடர்புகள்மூலமாக ஒருசில ஆதாயத்தை பெறக்கூடிய யோகமானதுஉங்களுக்கு இருக்கிறது. பிள்ளைகள்வழியில் தேவையில் லாத மனக்கவலைகள் உண்டாகும். உணவு விஷயத்தில் சற்று கட்டுப்பாடுடன் இருந்தால் உடல் ஆரோக்கியமானது சிறப்பாக இருக்கும். பண விஷயத்தில் சற்று சிக்கனத்தோடு இருப்பது, பிறருக்கு வாக்குறுதி கொடுக்காமல் இருப்பது நல்லது. தொழில், வியாபாரத்தில் நல்ல வளர்ச்சியை அடையக்கூடிய வாய்ப்புகள் உங்களுக்கு இருக்கிறது. உத்தியோகத்தில் இருப்பவர்கள் பணியில் சிறப்பாக செயல்பட்டு அதிகாரியிடம் நல்லபெயர் எடுப்பது மட்டுமில்லாமல் மற்றவர்களால் முடிக்க முடியாத பணியைக்கூட நீங்கள் தலையிட்டு சிறப்பாக செய்து முடிக்கக்கூடிய வாய்ப்புகள் வரும் நாட்களில் உங்களுக்கு இருக்கிறது. வரும் நாட்களில் அனுகூலமான பலன்களைப் பெறுவதற்கு துர்க்கையம்மனுக்கு ராகு காலத்தில் தீபம் ஏற்றுவது, தட்சிணாமூர்த்திக்கு வியாழக்கிழமைகளில் மஞ்சள் நிற சாஸ்திரம் சாற்றுவது சிறப்பு.

வெற்றி தரும் நாட்கள்: 2, 3, 4, 5.

உங்கள் ராசியாதிபதி சூரியன்- செவ்வாய் சேர்க்கைப் பெற்று 4-ல் சஞ்சரிப்பதும், 7-ல் ராகு, 8-ல் சனி சஞ்சரிப்பதும் தேவையற்ற நெருக்கடிகளை ஏற்படுத்தக்கூடிய அமைப்பு என்பதால் எதிலும் சற்று கவனத்தோடு இருக்கவேண்டும். சுலபமாக முடியவேண்டிய காரியங்கள் சற்று தாமதமாகும். வசதி வாய்ப்புகள் இருந்தாலும் அதனை அனுபவிக்க இடையூறுகள் ஏற்படும். குடும்பத்தில் கணவன்- மனைவியிடையே தேவையற்ற கருத்து வேறுபாடுகள் ஏற்படக்கூடிய நாட்களாக வருகின்ற நாட்கள் இருக்கிறது. முடிந்தவரை உடனிருப்பவர்களை அனுசரித் துச் செல்வது நல்லது. உணவு விஷயத்தில் சற்று கட்டுப்பாடோடு இருந்தால் ஆரோக்கியம் சிறப்பாக இருக்கும். பணவரவில் ஏற்ற- இறக்கமான நிலை இருக்கும் என்பதால் ஆடம்பரத்தை சற்று குறைத்துக்கொள்வது நல்லது. தொழில், வியாபாரத்தில் எதிலும் பொறுமையோடு இருப்பது, சின்ன வாய்ப்பையும் உதாசீனப்படுத்தாமல் இருப்பது நல்லது. வேலைக்கு செல்பவர்களுக்கு பணியில் நீங்கள் சாமர்த்தியமாக செயல்பட்டாலும் உடனிருப்பவர்கள் உங்கள்மீது வீண்பழிச் சொற்களை சொல்லக்கூடிய நாட்களாக வருகின்ற நாட்கள் இருக்கிறது. மாணவ- மாணவியர்கள் தேவையற்ற நட்புகளை குறைத்துக்கொள்வது நல்லது. வரும் நாட்களில் அனுகூல பலன்களைப் பெறுவதற்கு முருக வழிபாடு மேற்கொள்வது, காலபைரவரை தரிசிப்பதன்மூலம் நல்லது நடக்கும்.

வெற்றி தரும் நாட்கள்: 4, 5, 6.

உங்கள் ராசிக்கு முயற்சி ஸ்தானமான 3-ல் சூரியன், செவ்வாய், 6-ல் ராகு சஞ்சரிப்பது மிகவும் அற்புதமான அமைப்பாகும். நீங்கள் மேற்கொள்ளக்கூடிய ஒவ்வொரு செயல்களுக்கும் நல்ல ஆதரவு கிடைக்கும். உங்களுக்கு எதிர்ப்பு தெரிவித்தவர்கள்கூட தற்போது உங்களுடன் நட்புடன் பழகுவார்கள். குடும்பத்தில் நிலவிய பிரச்சினைகள் எல்லாம் தற்போது குறைந்து மனநிம்மதி உண்டாகும். உறவினர்கள்மூலமாக ஒருசில ஆதாயங்கள் அடையக்கூடிய வாய்ப்புகள் உங்களுக்கு உண்டு. எந்த ஒரு விஷயத்திலும் சாமர்த்தியமாக செயல்படக்கூடியப் பலம் உண்டாகும். தொழில் வியாபாரத்தில் நல்ல ஒரு வளர்ச்சியை அடையக்கூடிய நேரமாகும். உங்கள் பொருட்களுக்கு நல்ல விலை கிடைப்பதால் போட்ட முதலை எளிதில் எடுக்கமுடியும். தொழில் நிமித்தமாக பயணங்கள் மேற்கொண்டு ஒரு வளமான பலன்களைப் பெறுவீர்கள். வேலைக்கு செல்பவர்களுக்கு கடினமான பணிகளைக்கூட நீங்கள் குறித்த நேரத்தில் முடித்து மற்றவர்களிடம் நல்ல பெயர் எடுக்கக்கூடிய நாட்களாக வருகின்ற நாட்கள் இருக்கும். புதிய வாய்ப்பு எதிர்பார்த்தவர்களுக்கு பெரிய நிறுவனத்தில் இருந்து அழைப்பு வரக்கூடிய நேரமாகும். மாணவ- மாணவியர்கள் படிப்பில் சிறப்பாக கவனம் செலுத்தி நல்ல மதிப்பெண்கள் எடுக்கக்கூடிய வாய்ப்புகள் உண்டாகும். வரும் நாட்களில் அனுகூல பலன்களைப் பெறுவதற்கு விநாயகர் வழிபாடு மேற்கொள்வது, லட்சுமி நரசிம்மர் வழிபாடு மேற்கொள்வதன்மூலம் நன்மை கிடைக்கும்.

வெற்றி தரும் நாட்கள்: 30, 1, 6. 

ஜென்ம ராசியில் புதன், 2-ல் சுக்கிரன், 6-ல் சனி சஞ்சரிப்பது மிகவும் அற்புதமான அமைப்பாகும். தன வரவுகள் சிறப்பாக இருந்து உங்களின் அனைத்து தேவைகளும் பூர்த்தியாகக்கூடிய வாய்ப்புகள் உண்டு. உங்களுக்கு இருக்கக்கூடிய மறைமுக எதிர்ப்புகள் எல்லாம் தற்போது குறைந்து எதிலும் வளமான பலன்களை அடையக்கூடிய வாய்ப்புகள் உங்களுக்கு உண்டு. உடல்ரீதியாக இருந்த பிரச்சினைகள் எல்லாம் தற்போது விலகுவதால் எதிலும் சுறுசுறுப்பாக செயல்படுவீர்கள். உங்கள் ராசிக்கு 2-ல் சூரியன்- செவ்வாய் சஞ்சரிப்பதால் பேச்சில் சற்று பொறுமையோடு இருப்பது, உடனிருப்பவர்களை அனுசரித்துச் செல்வது நல்லது. தொழில் வியாபாரத்தில் சிறப்பான முன்னேற்றத்தை அடையக்கூடிய வாய்ப்புகள் உங்களுக்கு இருக்கிறது. தொழில் வளர்ச்சிக்காக நீங்கள் எதிர்பார்த்த பொருளாதார உதவிகள் வரும் நாட்களில் உங்களுக்கு கிடைக்கும். வேலைக்கு செல்பவர்களுக்கு பயணங்களால் அனுகூலங்கள் ஏற்படும். கடந்த காலங்களில் உங்கள்மீது இருந்த பழிச் சொற்கள் எல்லாம் தற்போது விலகுவதால் மன நிம்மதி ஏற்படக்கூடிய வாய்ப்புகள் உண்டு. மாணவ- மாணவியர்கள் எதிலும் உற்சாகத்தோடு செயல்பட்டு பெற்றோர், ஆசிரியரிடம் நல்ல பெயர் எடுக்கக்கூடிய நேரமாகும். வரும் நாட்களில் அனுகூல பலன்களை பெறுவதற்கு துர்க்கையம்மனுக்கு ராகு காலத்தில் தீபம் ஏற்றுவது, சிவன் ஸ்தலங்களுக்கு சென்றுவருவது நன்மை தரும்.

வெற்றி தரும் நாட்கள்: 30, 1, 2, 3.

ஜென்ம ராசியில் சூரியன், செவ்வாய், 4-ல் ராகு சஞ்சரிப்பதால் எதிலும் நீங்கள் சற்று நிதானத்தோடு செயல்படுவது, உங்களது முன்கோபத்தை சற்று குறைத்துக்கொள்வது நல்லது. ஒன்றுமே இல்லாத விஷயத்திற்குகூட உடனிருப்பவர்களிடம் மனஸ்தாபங்கள் ஏற்படக்கூடிய நாட்களாக வருகின்ற நாட்கள் இருக்கும். வண்டி வாகனங்கள்மூலமாக சுபச்செலவுகள் ஏற்படக்கூடிய நேரமாகும். குருபகவான் தற்போது வக்ரகதியில் இருப்பதால் பணவரவில் ஒரு ஏற்ற- இறக்கமான நிலை இருக்கும் என்பதால் ஆடம்பரத்தை சற்று குறைத்துக்கொள்வது நல்லது. தொழில், வியாபாரத்தில் கிடைக்கும் வாய்ப்புகளை தற்போது பயன்படுத்திக்கொண்டால் விரைவில் ஒருசில நல்லமாற்றங்கள் ஏற்படக்கூடிய அமைப்பானது இருக்கிறது. பிறரை நம்பி வாக்குறுதி கொடுக்காமல் இருப்பது மிகவும் நல்லது. உத்தியோகத்தில் இருப்பவர்களுக்கு நீங்கள் பணியில் கவனமாக செயல்பட்டாலும் அதிகாரியிடம் தேவையற்ற மனஸ்தாபங்கள் ஏற்படலாம் என்பதால் சூழலுக்கு ஏற்றவாறு சற்று நிதானத்தோடு செயல்படுவது மிகவும் நல்லது. மாணவ- மாணவியர்கள் உடன் பழகக்கூடிய நண்பர்களால் தேவையற்ற நெருக்கடிகள் ஏற்படலாம் என்பதால் நீங்கள் சற்று முன்னெச்சரிக்கையுடன் செயல்படுவது நல்லது. வரும் நாட்களில் ஏற்றத்தை அடைய முருக வழிபாடு மேற்கொள்வது, சிவன் ஸ்தலங்களுக்கு சென்றுவருவது நன்மை தரும்.

வெற்றி தரும் நாட்கள்: 2, 3, 4, 5.

உங்கள் ராசிக்கு 3-ல் ராகு, 11-ல் புதன் சஞ்சரிப்பது சற்று சாதகமான அமைப்பு என்பதால் எதிர்நீச்சல் போட்டாவது அடையவேண்டிய இலக்கை அடைவீர்கள். கொடுக்கல்- வாங்கல் விஷயத்தில் சற்று சிக்கனத்தோடு செயல்பட்டால் தேவையற்ற நெருக்கடிகளை சமாளிக்க முடியும். உங்கள் ராசிக்கு 4-ல் சனி, 12-ல் சூரியன், செவ்வாய் சஞ்சரிப்பதால் அலைச்சல், டென்ஷன், தேவையற்ற பயணங்கள் உண்டாகக்கூடிய நாட்களாக வருகின்ற நாட்கள் இருக்கும். தொழில், வியாபாரத்தில் வேலையாட்களை அனுசரித்து, செல்வது நல்லது. அதிக முதலீடுகள்கொண்ட செயல்களை தற்காலிகமாக தள்ளிவைப்பது உத்தமம். உடன்பிறந்தவர்கள் வழியில் தேவையற்ற மனஸ்தாபங்கள் ஏற்படும். உத்தியோகத்தில் இருப்பவர்களுக்கு உங்களுக்கு ஒதுக்கப்பட்ட பணியில் மட்டும் கவனம் செலுத்தினால் ஒருசில ஆதாயத்தை அடையக்கூடிய வாய்ப்புகள் உண்டு. பணி தொடர்பான முக்கிய விஷயங்களை பொதுவெளியில் பேசாமல் இருப்பது நல்லது. மாணவ- மாணவியர்கள் தேவையற்ற பொழுதுபோக்கு விஷயங்களில் நேரத்தை செலவிடுவதைவிட படிப்புக்காக நேரத்தை செலவிட வேண்டிய காலமாகும். வண்டி, வாகனங்கள்மூலமாக எதிர்பாராத செலவுகள் ஏற்படும். வரும் நாட்களில் அனுகூல பலன்களைப் பெறுவதற்கு முருக வழிபாடு மேற்கொள்வது, ஆஞ்சனேயர் வழிபாடு மேற்கொள்வதன்மூலம் நற்பலன் கிடைக்கும்.

வெற்றி தரும் நாட்கள்: 4, 5, 6. 

ராசியாதிபதி சனிபகவான் 3-ல் வலுவாக சஞ்சரிப்பதும், லாப ஸ்தானத்தில் சூரியன், செவ்வாய், சுக்கிரன் சஞ்சரிப்பதும் சிறப்பான அமைப்பு என்பதால் நீங்கள் நினைத்ததெல்லாம் நடக்கும். பல்வேறு வளமான பலன்களை அடையக்கூடிய வாய்ப்புகள் உங்களுக்கு உண்டு. குடும்பத்தில் மங்களகரமான சுப காரியங்கள் கைக்கூடும். நெருங்கியவரிடம் இருந்துவந்த மனஸ்தாபங்கள் எல்லாம் தற்போது குறைந்து ஒற்றுமை அதிகரிக்கும். எந்த ஒரு விஷயத்திலும் துணிச்சலோடு செயல்படுவீர்கள். தொழில், வியாபாரத்தில் நல்ல வாய்ப்புகள் கிடைப்பது மட்டுமில்லாமல் உங்களுக்கு இருந்துவந்த சட்ட சிக்கல்கள் எல்லாம் தற்போது விலகுவதால் தொழிலை திறம்பட செய்யமுடியும். தொழில் வளர்ச்சிக்காக நீங்கள் எதிர்பார்த்த பொருளாதார உதவிகள் கிடைக்கும். வேலைக்கு செல்பவர்களுக்கு உங்கள் உழைப்புக்கான பலனை அடையக்கூடிய நேரமாகும். ஒருசிலர் எதிர்பார்த்த பதவி உயர்வுகள் தற்போது கிடைத்து குடும்பத்தில் மகிழ்ச்சி ஏற்படும். பெரிய மனிதர்களுடைய நட்பு கிடைப்பதால் நீண்டநாளைய சிக்கலுக்கு தற்போது ஒரு முடிவு கிடைக்கும். மாணவ- மாணவியர்கள் படிப்பில் சிறந்து விளங்கி நல்ல மதிப்பெண்கள் எடுக்கமுடியும். வரும் நாட்களில் அனுகூல பலன்களை அடைவதற்கு துர்க்கையம்மனை வழிபாடு செய்வது, விநாயகர் வழிபாடு செய்வதன்மூலமாக நன்மை நடக்கும்.

வெற்றி தரும் நாட்கள்: 30, 1, 6. 

உங்கள் ராசிக்கு பாக்கிய ஸ்தானமான 9-ல் புதன் சஞ்சரிப்பதும், 10-ல் சூரியன், செவ்வாய், சுக்கிரன் சஞ்சரிப்பதும் அற்புதமான அமைப்பு ஆகும். நல்ல வாய்ப்புகள் உங்களுக்கு கிடைக்கும். உங்களது மதிப்பும் மரியாதையும் அதிகரிக்ககூடிய நேரமாகும். இக்கட்டான நேரத்தில் எதிர்பாராத தனசேர்க்கை ஏற்பட்டு உங்களது தேவைகள் பூர்த்தியாகக்கூடிய வாய்ப்புகள் உண்டு. ஜென்ம ராசியில் ராகு, 2-ல் சனி சஞ்சரிப்பதால் ஒருசில நேரங்களில் உணர்ச்சிவசப்படாமல் நிதானத்தோடு செயல்படுவது நல்லது. நெருங்கியவர்களை அனுசரித்துச் செல்வதன்மூலமாக வீண் பிரச்சினைகளை சமாளிக்க முடியும். கணவன்- மனைவியிடையே ஒருவருக்கொருவர் விட்டுக் கொடுத்து செல்வது நல்லது. தொழில், வியாபாரத்தில் நல்ல முன்னேற்றங்கள் ஏற்பட்டு வளமான பலன்களை அடையக்கூடிய வாய்ப்புகள் உண்டு. புதிய யுக்திகளை பயன்படுத்தி நல்ல லாபத்தை ஈட்டக்கூடிய அதிர்ஷ்டமானது உங்களுக்கு உண்டு. வேலைக்குச் செல்பவர்களுக்கு பணியில் சிறப்பாக செயல்பட்டு எடுத்த காரியத்தை குறித்த நேரத்தில் முடிக்க முடியும். உடனிருப்பவர்கள் ஆதரவாக இருப்பதால் எதிலும் நிம்மதியுடன் செயல்பட முடியும். மாணவ- மாணவியர்கள் படிப்பில் சிறந்து விளங்குவது மட்டுமில்லாமல் போட்டித் தேர்வுகளில் பங்குபெற்று பரிசுகளை வெல்லமுடியும். வரும் நாட்களில் அனுகூல பலன்கள் பெறுவதற்கு சரபேஸ்வரர் வழிபாடு மேற்கொள்வது, வெங்கடேசப் பெருமாளைத் தரிசிப்பதன்மூலம் கெடுதிகள் விலகி நல்லது நடக்கும்.

வெற்றி தரும் நாட்கள்: 2, 3.

உங்கள் ராசிக்கு ருண, ரோக ஸ்தானமான 6-ல் கேது, 9-ல் சூரியன், செவ்வாய், சுக்கிரன் சஞ்சரிப்பதால் நீங்கள் சற்று நிதானத்தோடு செயல்பட்டால் ஒருசில வளமான பலன்களை அடையலாம். ஜென்ம ராசியில் சனி சஞ்சரிப்பதாலும், குரு வக்ரகதியில் இருப்பதாலும் பணவரவில் ஏற்ற- இறக்கமான நிலை இருக்கும் என்பதால் ஆடம்பரச் செலவுகளை குறைத்துக்கொண்டு சிக்கனத்தோடு இருக்கவேண்டும். தேவையற்ற பயணங்களைத் தள்ளிவைப்பது நல்லது. தொழில், வியாபாரத்தில் தற்போது கிடைக்கக்கூடிய சின்ன சின்ன வாய்ப்பைக்கூட உதாசீனப்படுத்தாமல் சரியான முறையில் பயன்படுத்திக்கொண்டால் போட்ட முதலை எடுக்கக்கூடிய வாய்ப்புகள் உண்டு. எல்லாவற்றுக்கும் வேலையாட்களுடைய உதவி எதிர்பார்க்காமல் சில விஷயங்களில் நீங்கள் நேரடியாக செயல்பட்டால்தான் நிலைமையை சமாளிக்கமுடியும். வேலைக்குச் செல்பவர்களுக்கு பணிச்சுமை உங்களுக்கு அதிகப்படியாக இருந்தாலும் நீங்கள் சாமர்த்தியமாக செயல்பட்டு எடுத்த பணியை முடிக்கக்கூடிய வாய்ப்புகள் உண்டு. மாணவ- மாணவியர்கள் வீண் பேச்சை குறைத்துவிட்டு படிப்பில் கவனம் செலுத்தினால் மட்டுமே நல்ல பெயர் எடுக்கமுடியும். வரும் நாட்களில் அனுகூல பலன்கள் அடைவதற்கு லட்சுமி நரசிம்மர் வழிபாடு மேற்கொள்வது, உடல் ஊனமுற்றவர்களுக்கு உங்களால் முடிந்த உதவிகளைச் செய்வதன் மூலமாக ஒருசில ஆதாயத்தை அடையமுடியும்.

வெற்றி தரும் நாட்கள்: 30, 1, 4, 5.