இந்த வார ராசிபலன் 3-8-2025 முதல் 9-8-2025 வரை

சூரியன்: ஆயில்யம்- 1.

சந்திரன்: விசாகம்- 4.

செவ்வாய்: உத்திரம்- 2. 

புதன் : பூசம்- 3 (வ).

குரு: திருவாதிரை- 4. 

சுக்கிரன்: திருவாதிரை- 1. 

சனி: உத்திரட்டாதி- 2 (வ).

ராகு: பூரட்டாதி- 2.

கேது: பூரம்- 4.  

கிரக மாற்றம்: இல்லை

ஆரம்பம்: விருச்சிகம் 

5-8-2025 பகல் 11.23 மணிக்கு தனுசு.

7-8-2025 இரவு 8.11 மணிக்கு மகரம்.

உங்கள் ராசியாதிபதி செவ்வாய் 6-ல் வலுவாக சஞ்சரிப்பதாலும், 11-ல் ராகு சஞ்சரிப்பதாலும் எதிலும் தைரியத்தோடு செயல்பட்டு ஏற்றமிகுந்த பலன்களை அடைவீர்கள். உங்கள் ராசிக்கு 3-ல் குரு, 4-ல் சூரியன் சஞ்சரிப்பதால் பணவரவில் ஒரு ஏற்ற- இறக்கமான நிலை, அலைச்சல் காரணமாக இருப்பதை அனுபவிக்க இடையூறுகள் ஏற்படும். கொடுக்கல்- வாங்கல் விஷயத்தில் சற்று சிக்கனத்தோடு இருப்பது, ஆடம்பரச் செலவுகளை குறைத்துக்கொள்வது நல்லது. சனி வக்ரகதியில் இருப்பதால் தொழில், வியாபாரத்தில் ஒரு நல்ல முன்னேற்றம், எதிர்பாராத லாபத்தை அடையக்கூடிய வாய்ப்புகள், வேலையாட்கள் ஒத்துழைப்பு சிறப்பாக இருக்கக்கூடிய நிலை, அரசாங்கவழியில் எதிர்பார்த்த உதவிகள் கிடைக்கக்கூடிய யோகம் ஏற்படும். வேலைக்குச் செல்பவர்களுக்கு எடுத்த பணியை குறித்த நேரத் தில் செய்துமுடித்து நல்ல பெயர் எடுக்கக்கூடிய வாய்ப்புகள் உண்டு. ஒருசிலருக்கு வெளியூர் மூலமாக அனுகூலமான பலன்கள் கிடைக்கக்கூடிய வாய்ப்புகள் இருக்கிறது. மாணவ- மாணவியர்கள் எதிலும் உற்சாகத்தோடு செயல்பட்டு பெற்றோர் களுடைய பாராட்டுதலை பெறக்கூடிய நேரமாக வருகின்ற நாட்கள் இருக்கும். வரும் நாட்களில் வளமான பலன்களைப்பெற சிவன் ஸ்தலங்களுக்கு சென்றுவருவத தட்சிணா மூர்த்தி வழிபாடு மேற்கொள்வது நன்மை தரும்.

வெற்றி தரும் நாட்கள்: 8, 9.

உங்கள் ராசியாதிபதி சுக்கிரன்- குரு சேர்க்கை பெற்று 2-ல் சஞ்சரிப்பதும், 3-ல் சூரியன், புதன் சஞ்சரிப்பதும் அற்புதமான அமைப்பு என்பதால் நீங்கள் நினைத்ததெல்லாம் நடக்கும். எடுத்த காரியத்தை குறித்த நேரத்தில் செய்து முடிக்கமுடியும். குடும்ப ஒற்றுமை மிகச்சிறப்பாக இருக்கும். குடும்பத்தில் மங்களகரமான சுபகாரியங்கள் கைகூடக்கூடிய வாய்ப்புகள் உண்டு. பிள்ளைகள் வழியில் ஒருசில அனுகூலமான பலன்களை அடையக் கூடிய அதிர்ஷ்டமானது உங்களுக்கு இருக்கிறது. நண்பர்கள்மூலமாக ஒருசில ஆதாயத்தை பெறுவீர்கள். தொழில், வியாபாரத்தில் சந்தை சூழ்நிலை உங்க ளுக்கு சாதகமாக இருப்பதால் எதிர்பாராத ஏற்றத்தை அடையமுடியும். போட்ட முதலை எளிதில் எடுக்கக்கூடிய வாய்ப்புகள் உண்டு. சட்டரீதியாக இருந்த சிக்கல்களுக்கு எல்லாம் தற்போது ஒரு நல்ல முடிவு கிடைத்து மனநிம்மதி ஏற்படும். உத்தியோகத்தில் இருப்பவர்களுக்கு எடுத்தப்பணியை குறித்த நேரத்தில் முடிப்பது மட்டுமில்லாமல் மற்றவர்களால் முடிக்க முடியாத பணியைகூட நீங்கள் தலையிட்டு சிறப்பாக செய்து முடிக்க கூடிய வாய்ப்புகள் உண்டு. மாணவ- மாணவியர்கள் சிறப்பான ஞாபக சக்திவுடன் செயல் பட்டு நல்ல மதிப்பெண்களை பெறக்கூடிய நாட்களாக வருகின்ற நாட்கள் இருக்கிறது. உணவு விஷயத்தில் கட்டுப்பாடோடு இருந்தால் ஆரோக்கியம் சிறப்பாக இருக்கும். விநாயகர் வழிபாடு மேற்கொள்வது, முருகனுக்கு அர்ச்சனை செய்வதன்மூலமாக வளமான பலன்களைப் பெறமுடியும்.

வெற்றி தரும் நாட்கள்: 3, 4.