கல்வியால் முன்னேற்றம் தரும் நான்காம் பாவகம்! -பிரசன்ன ஜோதிடர் ஐ. ஆனந்தி சென்ற இதழ் தொடர்ச்சி...

நான்காம் அதிபதி ஆறில் இருந்தால் ஜாதகர் நோய் நிறைந்தவராக இருப்பார். அல்லது ஜாதகரின் தாயார் நோய் உள்ளவராக இருப்பார். 

ஜாதகருக்கு தாயின் அன்பு அரவணைப்பு இருக்காது. அல்லது வறுமை, கடன், நோய் காரணமாக படிப்பில் தடை ஏற்படும். ஆரோக்கிய குறைபாடு காரணமாக கல்வியில் நாட்டம் குறையும். ஜாதகரை வழிநடத்த நல்ல உறவுகள் இருக்க மாட்டார்கள். ஜாதகரின் தாய்மாமா எப்படி வாழ்ந்தாரோ அவரின் வாழ்க்கை போலவே ஜாதகரின் வாழ்க்கை இருக்கும். கற்ற கல்விக்கு தகுந்த வேலை கிடைக்காது. தனக்கு நல்ல வேலை கிடைத்தால் அதை பிறருக்கு தாரை வார்க்கும் மனிதருள் மாணிக்கமாக இருப்பார்கள்.

இதற்கு சுப கிரக சம்பந்தம் இருந் தால் ஜாதகர் கடனுதவி பெற்று அல்லது பொருள் உதவி பெற்று படிப்பார். சிலருக்கு சொத்துகளை விற்று படிக்கக்கூடிய நிலைமை இருக்கும்.சிலர் சிறுவயதிலேயே ஏதாவது தவறுகள் செய்து சிறுவர் சீர்திருத்த பள்ளியில் படிப்பார்கள்.

நான்காம் அதிபதி 7-ல் இருந்தால்

இளம் வயதில் படிக்கும் காலத்தில் உடல்நல குறைவால் கல்வியில் தடை இருக்கும். அல்லது இளம் வயதிலேயே திருமணம் நடக்கும்.

சிலருக்கு கெட்ட சகவாசத்தால் கல்வியை தொடர முடியாது. சிலருக்கு இயல்பாகவே திருமணத்திற்குபிறகு படிக்கும் ஆர்வம் அதிகரிக்கும். இரண்டாவது குழந்தை பிறந்தபிறகு படித்து அதன்மூலமாக வாழ்க்கையில் முன்னேற்றம் ஏற்படும். இளம்வயதில் திருமணம் நடந்து விவாகரத்து ஏற்பட்டு குடும்ப சூழ்நிலைக்காக படித்து பட்டம் பெற்று வாழ்க்கையில் உயர்ந்த நிலைக்கு செல்வார்கள்.

கல்வி கற்க அரசாங்க ஆதரவு கிடைக்கும். 

அல்லது ஸ்காலர்ஷிப் வாங்கி படிப்பார்கள். அல்லது சமுதாயத்தில் உயர்ந்த மனிதர்கள் மூலமாக நலஉதவி கிடைக்கப்பெற்று கல்வி கற்கும் சந்தர்ப்பம் உருவாகும்.

கற்ற கல்வியின்மூலம் சமுதாய அங்கீகாரம் உயரும். 

தான் கற்ற கல்வியின்மூலமாக சமுதாய அந்தஸ்து பெற்று பிறருக்கு கல்வி உதவி செய்வார்கள்.

நான்காம் அதிபதி எட்டில் இருந்தால் கல்வியில் அதிக தடை இருக்கும். மந்தத்தன்மை அதிகமாக இருக்கும். படிக்கும் பாடம் புரியாது. அல்லது குடும்ப சூழ்நிலை காரணமாக கவனிப்பதற்கு ஆளில் லாமல் படிக்கும் வயதில் தவறான செயல்களில் ஈடுபடுவார் கள்.

தவறான நட்பு, தவறான பழக்க வழக்கங் கள், அரசின் சட்ட திட்டங்களுக்கு எதிராக செயல்படும் குணம் இருக்கும். பால்ய வயதில் வாழ்க்கையில் சந்திக்ககூடாத பிரச்சினைகளை சந்தித்து கல்வியில் நாட்டம் குறையும். சிலர் விடுதியில் தங்கி படிப்பார்கள். சிலர் சிறுவர் சீர்திருத்த பள்ளியில் படிப்பார்கள். 

அல்லது அரசு நலப் பள்ளியில் படிப்பார்கள். சிலருக்கு அறுவை சிகிச்சை அல்லது தீராத நோய் காரணமாக கல்வியை தொடர முடியாத சூழ்நிலை இருக்கும். அல்லது ஒவ்வொரு வகுப்பிலும் இரண்டு மூன்று ஆண்டுகள் படிப்பார்கள். படித்து முடிக்க முடியாதவகையில் அரியர்ஸ் அதிகமாக வைத்திருப்பார்கள்.

நான்காம் அதிபதி ஒன்பதில் இருப்பது மிக சுபத்துவமான அமைப்பாகும். பள்ளி, கல்லூரியில் முதன்மை மதிப்பெண் பெறுவார்கள் மாணவத் தலைவராக இருப்பார்கள்.பள்ளி, கல்லூரி பருவத்தில் அரசியல் ஈடுபாடு வரும். அப்பனுக்கு பாடம் சொன்ன சுப்பனாக இருப்பார்கள்.

குறைந்தது இரண்டு டிகிரியாவது படிப்பார்கள். கல்வியின் மேல் தீராத பற்று ஆவல் இருக்கும். சிலர் வெளியூர் வெளிநாட்டில்  கல்வி கற்கும் வாய்ப்பு ஏற்படும். தியாக சிந்தனை, ஆன்மிக நாட்டம், பயபக்தி நிறைந்தவர்கள். படிக்கும் வயதில் கற்பிக்கும் ஆசிரியருக்கு இணையாக கல்வி ஞானம் இருக்கும். தாயின் தந்தையும் கற்றவர்களாக இருப்பார்கள். தாயும் தந்தையும் ஆசிரியராக இருப்பார்கள். ஜாதகரும் ஆசிரியராக, கல்லூரி விரிவுரையாளராக பணிபுரிவார்கள். அல்லது கல்வி நிறுவனங்கள் அறக்கட்டளை நடத்துவார்கள். எதையும் ஆராய்ந்து செயல்படும் குணம் இருக்கும். தான் கற்ற கல்வியை பிறருக்கு உபதேசிக்கும் ஞானம் இருக்கும். சிலர் குருகுல கல்வி கற்பார்கள்.  சமுதாய அந்தஸ்து நிறைந்த நட்பு வட்டாரங்கள் இருக்கும். வயதிற்கு மீறிய சமுதாய அந்தஸ்து நிறைந்த பெரியோர்களின் நட்பு கிடைக்கும்.

நான்காம் அதிபதி பத்தில் இருந்தால்

இவர்களின் வாழ்க்கை பிராப்த கர்மாவிற்கு ஏற்றார்போல் இருக்கும். கல்வியையும் தொழிலையும் இரு கண்களாக பாவிப்பார்கள்.எந்த கல்வி படிக்க வேண்டும் என்று திட்டமிட்டு படிப்பார்கள். வாழ்வாதாரத்திற்கு பயன் தரும் தொழில் கல்வி கற்பார்கள். தொழில். ஜீவன ஸ்தானம் வலுப்பெற்றவர்கள்.

ஜாதகரின் ஜீவன ஸ்தானத்திற்கு ஏற்ற கல்வியில் ஆர்வம் வரும். விவசாயம், கால்நடை, பண்ணை தொழில், சிவில் இன்ஜினியரிங் போன்ற கல்வியில் தனித்துவம் பெறுவார்கள். கற்ற கல்விக்கு ஏற்ற தொழில், உத்தியோகம் நிச்சயம் உண்டு. 

அரசியல், அரசாங்கம் சார்ந்த விஷயங் களில் ஆர்வம் அதிகமாக இருக்கும். இந்த அமைப்பில் உள்ள சிலர் அரசு உத்தியோகத் தில் ஜீவனம் செய்வார்கள். வம்சா வழியாக ஒரே படிப்பை படித்து ஒரே தொழிலில் இருப்பார்கள். குலத்தொழில் அல்லது வாரிசு உத்தியோகத்தில், பரம்பரை அரசியலில் வாழ்க்கையை நடத்துவார்கள். அடிக்கடி கால் முட்டியில் அடிபடும். 

நான்காம் அதிபதி பதினொன்றில் நின்றால் இதற்கு 5, 9 பாவக அதிபதிகளின் சம்பந்தம் இருந்தாலும் கண்டிப்பாக ஜாதகர் டாக்டரேட் பட்டம் பெறுவார். கற்ற கல்வியை பயன்படுத்தி பல தொழில்வித்தகராக இருப்பார்கள். புதுப்புது தொழில் யுத்திகளை கண்டுபிடிப்பார்கள். கற்ற கல்வி பணமாக கொழிக்கும். பல மொழிகள் கற்பார்கள். வாழ்நாள் எண்ணங்கள், லட்சியங்கள் கனவுகள் அனைத்தும் நிறைவேறும். தாயின் அன்பும் ஆசிர்வாதமும் நிரம்ப பெற்றவர்கள். தன்னைப்போல் எல்லோரும் கற்றோர்களாக இருக்க வேண்டும் என்று விரும்புவார்கள். கல்வி அறிவு குறைந்தவர்களை விரும்ப மாட்டார்கள். தன் தகுதிக்கு சமமானவர்களிடம் விரும்பி பழகுவார்கள். இவர்கள் கற்ற கல்வியை இவர்களின் திருமண வாழ்விற்கு எதிரியாக நிற்கும். இந்த அமைப்புள்ளவர்களுக்கு தகுதிக்கு தகுந்த திருமண வாழ்க்கை அமையாது. சிலருக்கு இரண்டாவது திருமண வாழ்க்கை மனநிறைவைத் தரும்.நான்காம் அதிபதி 12-ல் இருந்தால் 4-க்கு 9 என்பதால் வெளியூர், வெளிநாட்டில் கல்வி கற்பார்கள். பெற்றோர்களின் அன்பு ஆதரவும் கிடைக்காது. தனிமை விரும்பியாக இருப்பார்கள். கல்விக்காக அதிக பொருள் விரயம் செய்வார்கள். ஆனால் கற்ற கல்வி பலன் தராது.சிலர் படிக்காத மேதையாக இருப்பார்கள். பலவித கல்வி பற்றிய ஞானம் இருக்கும். பிறகு உபதேசம் செய்துகொண்டே இருப்பார்கள்.

வாழ்க்கை ரகசியமும் மர்மமும் நிறைந்ததாக இருக்கும். அல்லது ஆரோக்கிய குறைவால் படிப்பு தடைப்படும். புத்தகத்தை கையில் எடுத்தவுடன் துக்கமும் தூக்கமும் வரும். படித்த படிப்பு தன் வாழ்க்கைக்கு கை கொடுக்கும் என்பதில் துளியும் நம்பிக்கை இல்லாதவர்கள். ஏதோ ஒரு கல்வி வேண்டும் என்பதற்காக படிப்பார்கள்.

சதுர்த்தாம்சம் 

ஒரு மனிதனின் வாழ்க்கையை நிர்ணயிப்பதில் ராசி சக்கரம் மூலம் அறியும் பலன்களைவிட வர்க்கச்சக்கரம் மூலமாக அறியக்கூடிய பலன்கள்  மிகத்துல்லியமாக இருக்கும்.சதுர்த்தாம்சம் என்பது ஒரு ராசியை நான்கு சம பாகங்களாகப் பிரித்து கிரகங்களின் நிலைகளை ஆராயும் முறையாகும். இதன்மூலம் ஒரு ஜாதகரின், வீடு, மனை, வாகனம், கல்வி ஆகியவற்றை அறிய முடியும். இதன்படி ராசி சக்கரத்தின் லக்னாதிபதியும் நான்காம் பாவகாதிபதியும் சதுர்த்தாம்சத்தில் சுபரின் வீடுகளில் அமர்ந்தால் சுபர் பார்வை பெற்றால் சுபரோடு இணைந்தால் ஜாதகர் நல்ல கல்வி ஞானம் உடையவராக இருப்பார்.

சதுர்த்தாம்ச லக்னாதிபதிக்கும்

ராசி சக்கரத்தின் நான்காம் அதிபதிக்கும் சம்பந்தம் இருந்தால் ஜாதகருக்கு கற்ற கல்வி பலன் தரும்.

சதுர்த்தாம்சத்தில் லக்னாதிபதியும் நான்காம் அதிபதியும் அசுப வலுவப்பெற்றால் ஜாதகருக்கு கல்வி கற்கும் அமைப்பு குறைவாக இருக்கும். கற்ற கல்வியால் பயன் இருக்காது.

பிள்ளைகளின் கல்வி பற்றி மன வருத்தத்தோடு வரும் பெற்றவர்களுக்கு இந்த சதுர்த்தாம்ச சக்கரம்மூலமாக நாம் சொல்லக்கூடிய பலன்கள் மிகப் பொருத்தமாக இருக்கும். மாணவர்களின் கல்விக்கு தெளிவான ஒரு முடிவுகளை கூறமுடியும்.

ஒரு ஜாதகத்தில் எந்த அமைப்பு எப்படி இருந்தாலும் ராசி சக்கரம் பிரதானமானது. அதைபோல் எந்த பாவகம் தொடர்பான பலன்களை நாம் ஆய்வு செய்கிறோமோ அந்த பாவக அதிபதியுடன் சேர்ந்த கிரகங்கள் கிரகச் சேர்க்கையாக  ஜாதகருக்கு வளர்ச்சியையோ அல்லது வீழ்ச்சியையோ தரும். அந்தவகையில்  கல்விக்கு காரண கிரகமான புதனுடன் சேர்ந்த கிரகங்கள் எந்த விதத்தில் ஜாதகருக்கு கல்விக்கு உதவியாக இருக்கும் அல்லது கல்விக்கு பாதகமாக இருக்கும் என்பதை வரும் வாரங்களில் நாம் பார்க்கலாம்.

தொடரும்....

செல்: 98652 20406