கிரக இணைவுகள் தரும் நன்மையும் தீமையும்!  -ஆர். மகாலட்சுமி சென்ற இதழ் தொடர்ச்சி.....

கும்ப லக்னம், கும்ப ராசி

சூரியன்+சந்திரன்: கும்பத்தாருக்கு இந்த அமைப்பு சுபத்துவமாக இருந்தால், இவர்கள் வேலை விஷயமாக நிறைய மனிதர்களை சந்திக்க நேரிடும். நிறைய பேர். ஐ.த.ஞ. ஆக இருப்பர். வியாபாரத்தில் கடுமையாக உழைப்பர். நிறைய பணியாளர்களை சமாளித்து வேலை வாங்க வேண்டியிருக்கும். சிலர் தாய்மாமன் மகளை திருமணம் செய்துகொள்வர். அரசு சார்ந்த செய்தி துறை, தகவல் துறை வேலை கிடைக்கும். இவர்கள் வேலை பார்க்கும் இடத்தின் அருகே, ஏதேனும் நீர் நிலை இருக்க வாய்ப்புண்டு. இவர்களின் பெற்றோர் அரசு பணிபுரிவர். அல்லது வாழ்க்கைத்துணை அரசுதுறையில் இருப்பார். 

சூரியன்+ சந்திரன்: கும்பத் தாருக்கு இந்த இணைவு, அசுபத் தன்மையுடன் இருந்தால், சொந்தத்தொழில் விருத்தி யாக இராது. வேலையில் ஏதே னும் சஞ்சலமும், கௌரவக் குறைச்ச"லும் இருந்து கொண்டே இருக் கும். வாழ்க்கைத் துணையுடன் எப்போதும் சண்டை வரும். உங்கள் தந்தை பரிந்து போய்விடுவதால், உங்கள் தாய் கடின உழைப்பாளி ஆகவேண்டிய நிர்ப்பந்தம் நேரிடும். அல்லது உங்கள் தாய் எப்போது நோயாளியாக இருப்பார்.

பரிகாரம்: சிவன் கோவில்களில் உழவாரப்பணி செய்வது நல்லது. பெற்றோர் வயதுடையவர்களுக்கு, மருத்துவம் சார்ந்த உதவி செய்யவும்.

செவ்வாய்+ புதன்: கும்பத்தாருக்கு இந்த கிரக சேர்க்கை, சுபமாக அமைந்திருப்பின், உங்களின் யோசனை, சிந்தனைத்திறன் அலாதியாக, அபிரிமிதமாக அமையும். எல்லாருக்கும் ஒரு வழியில் சிந்தித்தால், நீங்கள் முற்றிலும், எதிர்மறையாக யோசித்து, புது வழியை கண்டு பிடித்து விடுவீர்கள். இந்த குயுக்தியான ஆற்றல் திறனால், தொழிலில் முதன் மை அடைவீர்கள். கலைத் தொழிலில் மிகவும் வேறுபட்ட சினிமா தயாரித்து வெற்றி பெறுவீர்கள். தொலைக் காட்சியிலும், மாறுபட்ட தயாரிப்பு களால் மிக சிறப்பு அடைவீர்கள். பங்குவர்த்தக தொழிலில், நீங்கள் எடுக்கும் அடாவடி முடிவுகள் வெற்றிபெற்று, பிறரை ஆச்சர்யப்படுத்தும். ஆக உங்களின் ஆவேச மூளை, அதிரடி காட்டும்.

செவ்வாய்+புதன்: இந்த கிரக சேர்க்கை, மிகுந்த ஞபாக மறதி, வம்பு பேசுவது, முயற்சி இல்லாதது. அதனால் முன்னேற்றமின்றி இருப்பது, சிறு தூரப்பயணங்களில் அவ்வப்போது அடிபட்டுக்கொள்வது, முட்டாள்தனமாக பேசி அடிவாங்குவது, இதனால் கௌரவமின்றி திரிவது, வாடகை சரியாக கொடுக்க முடியாததால், அடிக்கடி வீடு மாற வேண்டிய கட்டாயம், சீரற்ற உடல்நிலை என இவர்கள் வாழ்க்கை நிலையின்றி அமையும்.

பரிகாரம்: நரசிம்மருக்கு தினமும் துளசி தளங்களை ஆய்ந்து, சீராக்கிக்கொடுக்கவும். பணியை கேட்டு, வாங்கி செய்யவும். 

சுக்கிரன்+சனி: கும்பத்தாருக்கு, இந்த இணைவு சுபத்தன்மையுடன் இருப்பின், உங்கள் பெற்றோர், பிறந்த இடத்தைவிட்டு, வெளியூர், வெளிமாநிலம், வெளிநாட்டில் வசிப்பர் உங்கள் தந்தை, மனை, வாகனத் தில் அதிக முதலீடு செய்வார். உங்களின் மேற்கல்வி வெளிநாட்டில் அமையும். சிலர் சட்டத்துறையில் பெரிய பதவி வகிப்பர். பலர், ரியல் எஸ்டேட் துறையில், அதிக முதலீட்டில், செயலாற்றுவர். சிலர் குடிநீர், கழிவுநீர் அதிகாரியாக இருப்பீர்கள்.  மீன்பிடி தொழில் சார்ந்த முதன்மை இருக்கும். வெளிநாட்டு பல்கலைக்கழகங்களில் அனேக விஷயங்கள் சார்ந்து பேருரை ஆற்றுவீர்கள்.

சுக்கிரன்+சனி: கும்பத்தாருக்கு, இவ்வமைப்பு, அசுபமாக இருப்பின் பெற்றோர்களே, முதல்தர எதிரிகளாக இருப்பர். அல்லது பிறந்த ஊரைவிட்டு, சிறுவயதிலேயே எங்காவது ஓடி இருப்பீர்கள். இதனால் கல்வி என்பது கிட்டேயே வந்திருக்காது. உங்கள் வாழ்விடம் அடிக்கடி மாறும். அலைந்துகொண்டே இருப்பதால், கையில் சேமிப்பு என்பதே இருக்காது. நாடு முழுக்க, வண்டி ஓட்டும் ஓட்டுனர்களாக இருப்பீர்கள்.

பரிகாரம்: பெருமாளும், தாயாரும் சேர்ந்த கோவில்களில் விளக்கேற்றுவதும், பிராகாரம் சுற்றி வலம்வந்து வணங்குவதும் நல்லது.

குரு+ராகு அல்லது கேது: கும்பத் தாருக்கு இந்த அமைப்பு இருந்தால், இவர்களில் பெரும்பாலோர், அரசியல் அமைப்பில் இருப்பார்கள். அரசியல் இவர்களுக்கு ரொம்ப ஆகிவரும். 

அத்தனை அட்ராசிட்டிகளையும் கையாண்டு, அரசியல் பதவிகளை ஒன்றொன் டாக கைப்பற்றி விடுவர். மிகுந்த வாய் சாமர்த்தியசாலிகள். பேசி, பேசியே எதிரில் உள்ளவர்களை மட்டுமல்ல, எதிர் நாட்டினரையும் கவிழ்த்துவிடுவர். இதனால் கையில் எப்போதும், உள்நாட்டு, வெளிநாட்டு பணப்புழக்கம் இருந்துகொண்டே இருக்கும். இவர்கள் சைவ சமையல் மட்டுமல்ல, அசைவ சமையலிலும் கெட்டிக்காரர்களாக இருப்பர். இவர்களது மூத்த சகோதரன் நல்ல அனுசரணையோடு இருப்பார். சிலருக்கு, இரண்டாவது மனைவியால், எதிர்மறை தன்மையோடு, முன்னேற்றம் ஏற்படும். பதவி உயர்வு வேண்டுமென்றால், எவ்வளவு பணம் என்றாலும் யோசிக்காமல், லஞ்சமாக கொடுத்துவிடுவர். வழிகளை பற்றி சிந்திக்காமல், வாழ்வின் முன்னேற்றத்தை மட்டுமே யோசிப்பார்கள்.

பரிகாரம்: சிவன் வழிபாடும், சிவன் கோவில் மடப்பள்ளியை சீரமைக்கும் பணியும் மிகவும் மேன்மை தரும். 

மீன லக்னம், மீன ராசி

சூரியன்+சந்திரன்: மீனத்தாருக்கு, இந்த கிரக சேர்க்கை சுபத்தன்மையாக அமைந்தால், குலதெய்வக் கோவில்களில், சேவை புரிவீர்கள். பூர்வீகம் சம்பந்தமான வேலைகள் ஆகிவிடும். வாரிசுகள் நல்ல பெயர் தருவர். உங்கள் தந்தை கடும் உழைப்பாளியாக இருப்பார். உங்கள் தாய் பழமை பண்புகளோடு, தெய்வ நம்பிக்கையுடன் இருப்பார். நீங்கள் அரசியலில் இருப்பின், கடும் உழைப்பு, நல்ல பதவி வாங்கித் தரும். அரசு பணியில் அதிகாரி ஆகலாம். கலைத்துறையில், நடிப்பு தவிர மற்ற துறையில் பங்கெடுப்பீர்கள் உங்களில் சிலர் அரசு ஆசிரியர்களாக சேவை செய்வீர்கள். உங்களின் வேகமான மதிநுட்ப யோசனைகள் பாராட்டை வாங்கித்தரும். குழந்தைகள் நல மருத்துவராக இருக்கலாம்.

சூரியன்+சந்திரன்: மீனத்தாருக்கு, இது அசுப நிலையில் சேர்க்கையாகி இருந்தால், வயிறு அஜீரண நோய் இருந்துகொண்டே இருக்கும். சற்று மக்கு மாதிரி இருப்பீர்கள். உங்கள் பெற்றோர், உங்களுக்கு இம்சை தருவர். பெண்களாக இருப்பின், கர்ப்பபையில் நீர்க்கட்டி ஏற்படும். கலைத்துறை கடனாளி ஆக்கிவிடும். பங்கு வர்த்தகம் பதறச் செய்யும்.

பரிகாரம்: ஞாயிற்றுக்கிழமைகளில், சிவன்- அம்பாளுக்கு விளக்கு ஏற்றுவதுடன், கோவில் பொருட்களை சுத்தம் செய்யும் பணியை கேட்டு வாங்கிச் செய்யவும். 

செவ்வாய்+புதன்: மீனத்தாருக்கு, இந்த அமைப்பு சுபத்தன்மையுடன் இருப்பின், பெற்றோர்கள்மூலம் நல்லதிர்ஷ்டம் கிடைக்கும். இந்த அதிர்ஷ்டம், மக்கள் பழக்கம் ஏற்படுத்தி தரும். இந்த வெகு ஜன தொடர்பு வணிகம் மற்றும் அரசியலில் மேன்மை, நன்மை, நல்ல பணவரவு இவற்றை கொண்டுவந்து தரும். பொதுவாக திருமணம் நடந்தால் நிறைய செலவாகும். ஆனால் இந்த அமைப்பு, திருமணத்தின்மூலம் நல்ல பணவரவை தரும். உயர்கல்வி, பண கணக்கு அல்லது மக்கள் தொடர்பு அல்லது வழக்கறிஞர் சார்ந்து அமையும். இவர்களுக்கு கிடைக்கும்  பங்குதாரர், இவர்களைவிட பல மடங்கு உயர்ந்து, புத்திசாலியாகவும் இருப்பார். வீடு, தோட்ட பெருக்கம் உண்டு.

செவ்வாய்+புதன்: மீனத்தாருக்கு, இந்த அமைப்பு அசுபத்தன்மையுடன் இருந்தால், கல்யாணம் என்ற ஒன்று ஆனதிலிருந்து ரொம்ப கஷ்டப்படுவீர்கள். பெற்றோர்மூலம், பணக்கஷ்டம் உண்டாகும். பரீட்சை எழுதும்போது, பதில்கள் மறந்து போவதால், கல்வி நிலை குறைபாடு உடையதாக அமையும். வீடு, வாகனம் நல்லபடியாக அமையாது. ஊர்ல எல்லா பயலும் நல்லா இருக்கான். நமக்கு மட்டும் ஒரு நல்லதும் அமைய மாட்டேன்கிறதே எனும் சுய பச்சாதாபம் மற்றும் வயிற்றெரிச்சல் இருந்துகொண்டே இருக்கும்.

பரிகாரம்: நரசிம்மருக்கு, விளக்கேற்றி வணங்கி, அந்த அர்ச்சகரின் தேவையறிந்து கிணறு அல்லது குழாயில் நல்ல தண்ணீர் சேகரித்துக் கொடுங்கள். 

சுக்கிரன்+சனி: மீனத்தாருக்கு இந்த இணைவு சுபத்தன்மையுடன் இருந்தால், கூரியர் சர்வீஸ் கம்பெனி வைத்திருப்பீர்கள். அரசியலில் போக்குவரத்து துறையை பார்த்துக்கொள்வீர்கள். மற்றும் உயர் அரசியல்வாதிகளுக்கு, பாதுகாப்பு கொடுக்கும் பூனைப்படையை சேர்ந்தவர்களாக வேலை செய்வீர்கள். ஏற்றுமதி- இறக்குமதி துறை ஏஜெண்டாக இருப்பீர்கள். வெளிநாட்டுக்கு முக்கிய தஸ்தாவேஜிகளை பரிமாற்றம் செய்யும் பணியில் இருப்பீர்கள்.  பிற நாட்டுக்கு, சமையல் பணியாளர்களை அனுப்பும் ஒப்பந்தம் கிடைக்கும். வெளிநாட்டுக்கு, மளிகை சாமான்கள், மசாலா பொருட்கள், உணவு தயாரிப்புகள், இனிப்புகள் என நாட்டுக்கு ஏற்றபடி அனுப்பும் அமைப்பை நிர்வாகம் செய்வீர்கள். இவர்களின் பல வேலைகள் சட்டபடியே. ஆனால் ரகசியமாக செய்யும்படி அமையும்.

சுக்கிரன்+சனி: மீனத்தாருக்கு, இந்த அமைப்பு அசுபத்தன்மையுடன் அமைந்தால், பணியாளர்களிடம் செமத்தியாக அடிவாங்குவீர்கள். வெளிநாட்டு வேலைக்கு போய், அலறியடித்து திரும்பும் நிலை ஏற்படும். மூத்த சகோதரன் சொத்தை பிடுங்கி கொள்வான். ஏனோ அவ்வப்போது, விபத்தை எதிர் கொள்வீர்கள். வீட்டில் சமையல் செய்தால், வாயில் வைக்க விளங்காது.

பரிகாரம்: பெருமாளும், தாயாரும் இணைந்த கோவில்களில் வஸ்திரம் சாற்றியும், சமையல் பாத்திரங்களை சத்தபடுத்தி கொடுங்கள். 

குரு+ராகு அல்லது கேது: மீனத்தாருக்கு இவ்வமைப்பு இருந்தால், உங்களுக்கு எவ்வளவு பெரிய கௌரவம் ஏற்பட்டாலும், அதில் ஒரு வில்லங்கத்தை பிறர் கண்டுபிடிப்பார்கள். உங்கள் தொழில், பல கிளைகளுடன் விரிவடையும்போது, மக்கள், "இது எப்படி வந்தது எனத் தெரியாதாக்கும்'' என சுளுவாக நக்கல் பேசுவர். நீங்கள் பெரிய நீதிபதியாக இருந்தாலும், இவனையெல்லாம் இந்த பதவியில் இருக்க ஒதுக்க மாட்டோம் என எதிர்ப்பு காண்பிப்பீர். நீங்கள் அரசாங்கத்தில் பெரிய பதவியில் இருந்தாலும் சரி, பெரிய செல்வந்தராக இருந்தாலும் சரி, அரசாங்கம் உங்களுக்கு பெரிய கௌரவப் பட்டம் கொடுத்தாலும் சரி, நிறைய புத்தகங்கள் எழுதியிருந்தாலும் சரி, மக்கள், உங்கள் சுயமரியாதையை குத்தி எடுத்து, உங்கள் கௌரவ புகழ் மற்றும் தன்மானத்தை இழிவுபடுத்துவர். எனினும், இந்த அமைப்புகொண்ட மீனத்தார், சுய கட்டுப்பாடுடன், அனைத்தையும் ஒதுக்கி தள்ளி, இன்னும், இன்னும் மேல் படிகளில் முன்னேறி மிளிர்வர்.

பரிகாரம்: தினமும் சிவனையும் சித்திரை யும் வணங்கவேண்டும். சிவன் கோவிலில் உழவாரப் பணி செய்வோருக்கு, நல்ல உணவு கிடைக்கும்படி ஏற்பாடு செய்யவும்.