தமிழகத்தின் பொருளாதார வளர்ச்சி விகிதம் 10 ஆண்டுகளில் இல்லாத அளவில் 9.69 சதவீதமாக உயர்ந்து புதிய உச்சத்தை அடைந்துள்ளது என மத்திய அரசு தெரிவித்துள்ளது. இதே நிலை நீடித்தால் 2032-33-க்குள் டிரில்லியன் டாலர் பொருளாதார இலக்கை அடைய முடியும் என பொருளாதார வல்லுநர்கள் தெரிவித் துள்ளனர். மத்திய புள்ளியியல் மற்றும் திட்ட அமலாக்க அமைச்சகம் அண்மையில் இந்தியாவில் உள்ள மாநிலங்களின் பொருளாதார வளர்ச்சி குறித்த தரவுகளை வெளியிட்டுள்ளது. இந்தியாவிலேயே அதிக பொருளாதார வளர்ச்சி விகிதம் உள்ள மாநிலமாக தமிழகம் திகழ்கிறது என்று மத்திய அரசின் புள்ளிவிவரத்தில் இருந்து தெரிய வந்துள்ளது.

10 ஆண்டுகளில் தமிழகத்தின் பொருளாதார வளர்ச்சி விகிதத்தில் இதுவே மிக உயர்ந்த வளர்ச்சி விகித மாகும். இதற்கு முன்பு அதிகபட்சமாக 2017-18-ஆம் நிதியாண்டில் தமிழகத்தின் உண்மையான பொருளாதார வளர்ச்சி விகிதம் 8.59 சதவீதம் ஆக இருந்தது. கொரோனா நோய்த்தொற்றால் 2020-21-ஆம் நிதியாண்டில் தமிழகத்தின் உண்மையான பொருளாதார வளர்ச்சி 0.07 சதவீதம் என்ற மிக குறைவான அளவில் இருந்தது. பணவீக்கத்தைக் (Inflation) கணக்கில் கொள்ளாமல் மதிப்பிடப்படும் வளர்ச்சி வீதமே உண்மை வளர்ச்சி வீதம் ஆகும். பணவீக்கத்தையும் கணக்கில் கொண்டு மதிப்பிடப்படும் வளர்ச்சி வீதமே பெயரளவு வளர்ச்சி வீதம் (Nominal Growth Rate) ஆகும்.

tt

மொத்த மாநில உள்நாட்டு உற்பத்தியின் மதிப்பு 2023-24-ஆம் ஆண்டு ரூ.15,71,368 ஆக இருந்து 2024-25-ஆம் ஆண்டு 17,23,698 ஆக உயர்ந்துள்ளது.

பொருளாதார வளர்ச்சி விகிதத்தில் தமிழகத்திற்கு அடுத்த இடங்களில் ஆந்திர பிரதேசம் 8.21 சதவீதம், ராஜஸ்தான் 7.82 சதவீதம், அரியானா 7.55 சதவீதம் ஆகிய மாநிலங்கள் உள்ளன. மேலும் குஜராத், உத்தர பிரதேசம், பீகார் உள்ளிட்ட 14 மாநிலங்களின் பொருளாதார வளர்ச்சி விகிதத்தை மத்திய அரசு வெளியிடவில்லை.

மத்திய அமைச்சகத்தால் வெளியிடப் பட்ட பொருளாதார வளர்ச்சி விகிதத்தின் புள்ளிவிவரம், தமிழக அரசு முதன்முதலாக மார்ச் 2025 இரண்டாம் வாரத்தில் வெளியிட்ட பொருளாதார ஆய்வறிக்கையில் முன்கணிப்பு செய்யப்பட்ட வளர்ச்சி வீதத்துடன் ஒத்துப்போகிறது. இந்த கணக்கெடுப்பு 8 சதவீதத்திற்கும் அதிகமான வளர்ச்சியை கணித்திருந்தது. கடந்த ஆண்டு ஜூலை மாதத்தில் வெளியிடப்பட்ட கட்டுரையின்படி, 9.3 சதவீதம் கணிக்கப்பட்டது. ஆனால், ஆண்டின் இறுதியில், இது இரண்டு மடங்கு அதிகமாக இருந்தது.

ss

Advertisment

சேவைகள் துறையில் மூன்றாம் நிலையில் 12.7 சதவீத வளர்ச்சியும், இரண்டாம் நிலையில் 9 சதவீத வளர்ச்சியும் மாநிலத்தின் செயல்திறனை ஊக்கப்படுத்தியுள்ளது. மாநிலத்தின் மொத்த மதிப்பு கூட்டலில் மூன்றாம் நிலைத் துறையின் பங்களிப்பு சுமார் 53 சதவீதமாகவும், இரண்டாம் நிலை 37 சதவீதமாகவும், முதன்மைத் துறை 10 சதவீதமாகவும் உள்ளது. குடியிருப்பு மற்றும் தொழில்முறை சேவைகளின் உரிமையை உள்ளடக்கிய ரியல் எஸ்டேட் 13.6 சதவீதம், அதை தொடர்ந்து தகவல்தொடர்பு மற்றும் ஒளிபரப்பு தொடர்பான சேவைகள் 13 சதவீதம், வர்த்தகம், பழுது நீக்குதல், ஓட்டல்கள் மற்றும் உணவகங்கள் 11.7 சதவீதம், இவை அனைத்தும் மூன்றாம் நிலை பிரிவுகளில் அடங்கும்.

இரண்டாம் நிலை துறைகளை பொறுத்தவரை, உற்பத்தி மற்றும் கட்டுமானம் முறையே 8 மற்றும் 10.6 சதவீதமும் வளர்ச்சியடைந்துள்ளன. முதன்மை துறையில், பயிர்கள் மற்றும் கால்நடைகள் ஆதிக்கம் செலுத்தும் பிரிவுகள், இவை இரண்டும் சமமாக செயல்பட்டுள்ளன. பயிர்கள் பிரிவில் 5.93 சதவீத வளர்ச்சியும், கால்நடைகள் பிரிவில் 3.84 சதவீத வளர்ச்சியும் பதிவாகியுள்ளது. 2021-22-ஆம் முதல் தமிழகத்தில் தொடர்ந்து 8 சதவீதம் அல்லது அதற்கு மேல் அதிகரித்து வருகிறது.

வரும் ஆண்டுகளில் இதே 9.7 சதவீதத்தை தக்க வைத்துக் கொண்டால், வலுவான ஏற்றுமதிகளுடன், இது 2032-33-க்குள் டிரில்-லியன் டாலர் பொருளாதாரத்தை எட்டும், அனைத்து துறைகளும் 2024-25-ஆம் ஆண்டில் செய்ததை விட 0.5 சதவீத புள்ளிகள் அதிகமாக வளர்ந்தால், 2025-26-ஆம் ஆண்டில் மாநிலத்தின் வளர்ச்சி 10.7 சதவீதமாக இருக்கும். 2025-26-ஆம் ஆண்டில் 14.5 சதவீத பெயரளவு வளர்ச்சி நிதிநிலை அறிக்கையில் கணிக்கப்பட்டுள்ளது.

Advertisment