இந்த வாரத்தில் அனுகூலமான நாளும் 21-9-2025 முதல் 27-9-2025 வரை

சூரியன்: உத்திரம்- 3.

சந்திரன்: பூரம்- 4.

செவ்வாய்: சித்திரை- 4. 

புதன்: அஸ்தம்-1. 

குரு: புனர்பூசம்- 3. 

சுக்கிரன்: மகம்- 3. 

சனி:  உத்திரட்டாதி- 1 (வ).

ராகு: பூரட்டாதி- 2.

கேது: பூரம்- 4. 

இல்லை.

ஆரம்பம்: சிம்மம்

21-9-2025 பகல் 3.58 மணிக்கு கன்னி

24-9-2025 அதிகாலை 2.56 மணிக்கு துலாம்

26-9-2025 பகல் 3.24 மணிக்கு விருச்சிகம்

உங்கள் ராசிக்கு பஞ்சம ஸ்தானமான 5-ல் சுக்கிரன், ருண, ரோக ஸ்தானமான 6-ல் சூரியன், 11-ல் ராகு சஞ்சரிப்பதால் நல்ல வாய்ப்புகள் உங்களுக்கு கிடைக்கும். உங்களுக்கு எதிர்ப்பு தெரிவித்தவர்கள் கூட தற்போது உங்களுடன் நட்புடன் பழகுவார்கள். கொடுக்கல்- வாங்கல் விஷயத்தில் சற்று நிதானத்தோடு செயல்படுவது, கணவன்- மனைவியிடையே விட்டுக்கொடுத்து செல்வது நல்லது. தொழில், வியாபாரத்தில் சூழ்நிலையை புரிந்து நடந்துகொண்டால் போட்ட முதலை எடுக்கக்கூடிய வாய்ப்புகள் உண்டாகும். ஒருசில நேரங்களில் உங்களது முன்கோபத்தை சற்று குறைத்துக்கொண்டு எதிலும் பொறுமையோடு செயல்படுவதன்மூலமாக வீண் பிரச்சினைகளைத் தவிர்க்கமுடியும். கணவன்- மனைவியிடையே ஒருவருக்கொருவர் கௌரவம் பார்க்காமல் அனுசரித்துசெல்வது நல்லது. வேலைக்கு செல்பவர்களுக்கு அதிகாரிகள் ஒத்துழைப்பு சிறப்பாக இருப்பதால் கடினமான பணியைகூட சுலபமாக செய்து முடிக்கக்கூடிய பலம் உண்டாகும். கடந்தகாலங்களில் உங்களுக்கு இருந்துவந்த பிரச்சினைகள் தற்போது குறையும். மாணவ- மாணவியர்கள் எதிலும் உற்சாகத்தோடு செயல்பட்டு சிறப்பான மதிப்பெண்களைப் பெறக்கூடிய நாட்களாக வருகின்ற நாட்கள் இருக்கும். வரும் நாட்களில் அனுகூல பலன்களைப் பெறுவதற்கு தட்சிணாமூர்த்தி வழிபாடு மேற்கொள்வது, முருக வழிபாடு மேற்கொள்வதன்மூலமாக நல்லது நடக்கும்.

வெற்றி தரும் நாட்கள்: 22, 23, 24, 25.

உங்கள் ராசியாதிபதி சுக்கிரன் 4-ல் சஞ்சரிப்பதும், 5-ல் புதன், 6-ல் செவ்வாய் சஞ்சரிப்பதும் அற்புதமான அமைப்பு என்பதால் நீங்கள் நினைத்ததெல்லாம் நடக்கும். பிறருக்கு தந்த வாக்குறுதிகளை எளிதில் நிறைவேற்றக் கூடிய பலம் உண்டாகும். உடன்பிறந்தவர்கள் மூலமாக அனுகூலமான பலன்களைப் பெறுவீர்கள். குடும்பத்தில் மங்களகரமான சுபகாரியங்கள் கைகூடக்கூடிய வாய்ப்புகள் உண்டு. கடந்த காலங்களில் உங்களுக்கு இருந்துவந்த கடன்கள் தற்போது குறையும். தொழில், வியாபாரத்தில் நல்ல வளர்ச்சியை அடையக் கூடிய வாய்ப்புகளும் அரசாங்க பணியில் நீங்கள் எதிர்பார்த்த உதவிகளை பெறக்கூடிய யோகங்களும் வரும் நாட்களில் உங்களுக்கு உண்டு. வேலையாட்கள் ஒத்துழைப்பு உங்களுக்கு சிறப்பாக இருப்பதால் கடினமான காரியங்களைகூட வெகு சுலபமாக முடித்து வாடிக்கையாளர்களிடம் நல்லபெயர் எடுக்கக்கூடிய நாட்களாக வருகின்ற நாட்கள் இருக்கும். உத்தியோகத்தில் இருப்பவர்களுக்கு எதிர்பார்த்த பதவி உயர்வுகள் கிடைப்பது மட்டுமில்லாமல் விரும்பிய இடமாற்றங்கள் கிடைக்கக்கூடிய நாட்களாக வருகின்ற நாட்கள் இருக்கும். மாணவ- மாணவியர்கள் போட்டித் தேர்வுகளில் பங்குபெற்று பரிசுகளை வெல்லக்கூடிய நேரமாகும். விநாயகர் வழிபாடு மேற்கொள்வதன்மூலமாகவும், உடல் ஊனமுற்றவர்களுக்கு உங்களால் முடிந்த உதவிகளைச் செய்வதன்மூலமாகவும் வளமான பலன்களைப் பெறலாம்.

வெற்றி தரும் நாட்கள்: 24, 25, 26, 27.

ஜென்ம ராசியில் குரு, 4-ல் சூரியன், 5-ல் செவ்வாய் சஞ்சரிப்பதால் எதிலும் நிதானத்தோடு செயல்படவேண்டிய நாட்களாக வருகின்ற நாட்கள் இருக்கிறது. அலைச்சல் காரணமாக இருப்பதை அனுபவிக்க இடையூறுகள் உண்டாகும். வண்டி, வாகனங்கள்மூலமாக வீண் செலவுகள் ஏற்படக்கூடிய நேரமாகும். தொழில், வியாபாரத்தில் நீங்கள் நினைப்பது ஒன்று நடப்பது ஒன்றாக இருக்கும். வேலையாட்கள் ஒத்துழைப்பு சிறப்பாக இருக்காது என்பதால் ஒருசில செயல்களில் நீங்களே முன்நின்று செயல்பட்டால்தான் எடுத்த பணியை முடிக்கக்கூடிய வாய்ப்புகள் உங்களுக்கு உண்டு. அரசாங்கவழியில் தேவையில்லாத கெடுபிடிகள் ஏற்படக்கூடிய நேரமென்பதால் தொழில் தொடர்பான கணக்கு வழக்குகளை சரியான முறையில் பராமரிப்பது நல்லது. உத்தியோகத்தில் இருப்பவர்களுக்கு வேலைப்பளு அதிகரிப்பது மட்டுமில்லாமல் நீங்கள் சிறப்பாக செயல்பட்டாலும் சக ஊழியர்கள் உங்கள்மீது வீண் பழிச்சொற்களை சொல்லக்கூடிய நேரமென்பதால் எதிலும் சற்று கவனத்தோடு இருக்கவேண்டும். மாணவ- மாணவியர்கள் பொழுதுபோக்கு விஷயங்களில் நேரத்தை செலவிடுவதைவிட படிப்பில் நேரத்தை செலவிடுவது மிகவும் நல்லது. வரும் நாட்களில் வளமான பலன்களைப்பெற சிவன் ஸ்தலங்களுக்கு சென்றுவருவது, தட்சிணாமூர்த்தி வழிபாடு மேற்கொள்வதன்மூலம் அனுகூலப் பலன்கள் ஏற்படும்.

வெற்றி தரும் நாட்கள்: 21, 27,

உங்கள் ராசிக்கு 2-ல் சுக்கிரன், 3-ல் சூரியன், புதன் சஞ்சரிப்பதால் அசட்டு தைரியத்தோடு செயல்பட்டு எதையும் எதிர்கொள்ளக்கூடிய பலம் உண்டாகும். இக்கட்டான நேரத்தில் எதிர்பாராத உதவிகள் கிடைத்து உங்களுக்கு இருக்கக்கூடிய பிரச்சினைகள் சற்றுக் குறையும். உடல் ஆரோக்கியத்தில் அக்கறை எடுத்துக்கொள்வது, உணவு விஷயத்தில் சற்று கட்டுப்பாடோடு இருப்பது மிகவும் நல்லது. பணவரவில் ஏற்ற- இறக்கமான நிலை இருக்கும் என்பதால் ஆடம்பரச் செலவுகளை குறைத்துக்கொண்டு எதிலும் சிக்கனத்தோடு இருக்கவேண்டும். தொழில், வியாபாரத்தில் தற்போது கிடைக்கக்கூடிய வாய்ப்புகளை பயன்படுத்திக்கொண்டால் விரைவில் ஒரு நல்ல வளர்ச்சியினை அடையக்கூடிய நாட்களாக வருகின்ற நாட்கள் இருக்கும். வெளியூர் தொடர்புகள்மூலமாக அனுகூலமான பலன்களை பெறக்கூடிய வாய்ப்புகள் உங்களுக்கு உண்டு. உத்தியோகத்தில் இருப்பவர்களுக்கு பணியில் சிறப்பாக செயல்பட்டு அதிகாரியிடம் நல்ல பெயர் எடுக்கக்கூடிய நேரமாகும். சக ஊழியரிடம் இருந்துவந்த மனஸ்தாபங்கள் சற்று குறைந்து மன நிம்மதி ஏற்படும். மாணவ- மாணவியர்கள் முனைப்புடன் செயல்பட்டால் அடையவேண்டிய மதிப்பெண்களை எடுத்து பெரியோர்களிடம் நல்ல பெயர் எடுக்கமுடியும். அம்மன் வழிபாடு மேற்கொள்வது, வியாழக்கிழமைகளில் தட்சிணாமூர்த்திக்கு நெய் தீபம் ஏற்றுவதன்மூலம் ஏற்றமிகுந்த பலன்களைப் பெறமுடியும்.

வெற்றி தரும் நாட்கள்:  22, 23.

ஜென்ம ராசியில் சுக்கிரன், 2-ல் புதன், 3-ல் செவ்வாய் சஞ்சரிப்பது மிகவும் அற்புதமான அமைப்பாகும். தனகாரகன் குருபகவான் லாப ஸ்தானத்தில் சஞ்சரிப்பதால் பணவரவுகள் மிகவும் தாராளமாக இருந்து உங்கள் தேவைகள் பூர்த்தியாவது மட்டுமில்லாமல் மற்றவர்களுக்கு நீங்கள் கொடுத்த வாக்குறுதிகளை எளிதில் காப்பாற்றக்கூடியப் பலம் உண்டாகும். இருக்கக்கூடிய இடத்தில் உங்களது செல்வம் செல்வாக்கு அதிகரிக்ககூடிய நேரமாகும். தொழில், வியாபாரத்தில் நீங்கள் எதிர்பார்த்ததை விட அதிகப்படியான லாபத்தை ஈட்டக்கூடிய நாட்களாக வருகின்ற நாட்கள் இருக்கும். கூட்டாளிகள் ஆதரவு சிறப்பாக இருப்பதால் ஒரு பெருந்தொகையை லாபமாக அடையக்கூடிய யோகமானது உங்களுக்கு உண்டு. வேலைக்கு செல்பவர்களுக்கு பணியில் சிறப்பாக செயல்படுவது மட்டுமில்லாமல் அதிகாரியுடைய ஆதரவும் சிறப் பாக இருக்கக்கூடிய நாட்களாக வருகின்ற நாட்கள் இருக்கும். ஒருசில நேரங்களில் உங்களது கோபத்தை குறைத்துக்கொண்டு பொறுமையோடு இருப்பது நல்லது. மாணவ- மாணவியர்கள் படிப்பில் சிறப்பாக செயல்படுவது மட்டுமில்லாமல் பெற்றோர் மற்றும் ஆசிரியரிடம் நல்ல பெயர் எடுக்கக்கூடிய நேரமாக வருகின்ற நாட்கள் இருக்கும். வரும் நாட்களில் மேலும் அனுகூலமான பலன்களைப்பெற சிவன் ஸ்தலங்களுக்கு சென்றுவருவது, காலபைரவர் வழிபாடு செய்வது நல்லது.

வெற்றி தரும் நாட்கள்: 24, 25.

ஜென்ம ராசியில் சூரியன், 2-ல் செவ்வாய் சஞ்சரிப்பதால் எதிலும் பொறுமையோடு செயல்பட வேண்டிய நாட்களாக வருகின்ற நாட்கள் இருக்கிறது. குருபகவான் 10-ல் சஞ்சரிப்பதால் சக்திக்கு மீறிய செலவுகள் ஏற்படக்கூடிய நாட்களாக வருகின்ற நாட்கள் இருக்கும் என்பதால் பண விஷயத்தில் சற்று சிக்கனத்தோடு இருப்பது நல்லது. தொழில், வியாபாரத்தில் நீங்கள் நினைப்பது ஒன்று நடப்பது ஒன்றாக இருக்கும். எந்த ஒரு விஷயத்திலும் உணர்ச்சிவசப்படாமல் பொறுமையோடு செயல்பட்டால் மட்டுமே நிலைமையை சமாளித்து ஒரு வளமான பலன்களை அடைய முடியும். வேலை ஆட்கள் ஒத்துழைப்பு சொல்-க்கொள்ளும்படி இருக்காது. வேலைக்கு செல்பவர்களுக்கு பணிச்சுமை அதிகரிப்பது மட்டுமில்லாமல் ஓய்வுநேரம் குறையக்கூடிய நாட்களாக வருகின்ற நாட்கள் இருக்கும். ஒருசிலருக்கு மேலதிகாரியிடம் தேவையற்ற மனஸ்தாபங்கள் ஏற்படலாம் என்பதால் பேச்சில் சற்று பொறுமையோடு இருப்பது நல்லது. மாணவ- மாணவியர்கள் படிப்பில் கவனம் செலுத்துவது மட்டுமில்லாமல் சக நண்பர்களிடம் சற்று எச்சரிக்கையோடு இருக்கவேண்டிய நாட்களாக வருகின்ற நாட்கள் இருக்கிறது. வரும் நாட்களில் அனுகூல பலன்களை நீங்கள் பெறுவதற்கு மகாலட்சுமி வழிபாடு மேற்கொள்வது, லட்சுமி நரசிம்மருக்கு அர்ச்சனை செய்வதன்மூலமாக ஏற்றமிகுந்த பலன்களை அடையமுடியும்.

வெற்றி தரும் நாட்கள்: 22, 23, 27.

உங்கள் ராசிக்கு பாக்கிய ஸ்தானத்தில் குரு, லாப ஸ்தானத்தில் சுக்கிரன், கேது சஞ்சரிப்பதால் பணவரவுகள் தாராளமாக இருந்து எல்லாவகையிலும் ஒரு வளமான பலன்களைப் பெறுவீர்கள். ஜென்ம ராசியில் செவ்வாய் சஞ்சரிப்பதால் சில நேரங்களில் கோபத்தை குறைத்துக்கொண்டு பொறுமையோடு இருப்பது நல்லது. பிறருக்கு தந்த வாக்குறுதிகளை எளிதில் நிறைவேற்றக்கூடிய பலம் உண்டாகும். பெண்கள்வழியில் அனுகூலமான பலன்களைப் பெறுவீர்கள். கணவன்- மனைவி யிடையே ஒற்றுமையானது மிகவும் சிறப்பாக இருக்கும். தொழில், வியாபாரத்தில் நல்ல லாபத்தை ஈட்டக்கூடிய வாய்ப்புகள் வரும் நாட்களில் இருக்கிறது. கடந்த காலங்களில் உங்களுக்கு இருந்துவந்த சட்ட சிக்கல்கள் எல்லாம் தற்போது குறைந்து வளமான பலன்களைப் பெறுவீர்கள். வேலைக்கு செல்பவர்களுக்கு மற்றவர்களால் முடிக்க முடியாத பணியைகூட நீங்கள் தலையிட்டு சிறப்பாக செய்துமுடித்து அதிகாரியிடம் நல்ல பெயர் எடுக்கக்கூடிய நேரமாகும். மாணவ- மாணவியர்கள் சிறப்பான ஞாபக சக்தியுடன் செயல்பட்டு நல்ல மதிப்பெண்களை எடுக்கக்கூடிய நேரமாகும். வரும் நாட்களில் ஏற்றமிகுந்த பலன்களை நீங்கள் பெறுவதற்கு சிவன் ஸ்தலங்களுக்கு சென்றுவருவது, ராகு கால நேரத்தில் அம்மனுக்கு எலுமிச்சை பழத்தில் தீபம் ஏற்றுவதன் மூலமாக அனுகூலமான பலன்களை அடையக்கூடிய வாய்ப்புகள் உங்களுக்கு உண்டு.

வெற்றி தரும் நாட்கள்: 24, 25.

உங்கள் ராசிக்கு 10-ல் சுக்கிரன், 11-ல் சூரியன், புதன் சஞ்சரிப்பது நல்ல அமைப்பு என்பதால் இருக்கக்கூடிய இடத்தில் உங்களுடைய மதிப்பும், மரியாதையும் அதிகரிக்கும். பெரிய மனிதர்களுடைய நட்பு கிடைப்பதால் நீண்டநாட்களாக தீர்க்க முடியாமல் இருந்த பிரச்சினைகளுக்குத் தற்போது ஒரு நல்ல தீர்வு கிடைக்கும். மற்றவர்களுக்கு நீங்கள் கொடுத்த வாக்குறுதிகளை எளிதில் நிறைவேற்றக்கூடிய பலம் உண்டாகும். அசையும், அசையா சொத்துவகையில் தேவையற்ற வீண் செலவுகள் ஏற்படும். அலைச்சல் காரணமாக இருப்பதை அனுபவிக்க இடையூறுகள் உண்டாகும். தொழில் வியாபாரத்தில் வேலையாட்களை சற்று அனுசரித்துச் செல்வதன் மூலமாக ஒருசில ஆதாயத்தை அடையக்கூடிய நாட்களாக வருகின்ற நாட்கள் இருக்கிறது. பராமரிப்பு செலவுகள் அதிகரிப்ப தால் தேவையற்ற வகையில் உங்களது கையிருப்பு சற்று குறையும். உத்தியோகத்தில் இருப்பவர்களுக்கு வேலைப்பளு இருந்தாலும் அதனை உங்களது தனித்திறமையால் சமாளித்து அதிகாரியிடம் நல்ல பெயர் எடுக்கக் கூடிய நேரமாகும். மாணவ- மாணவியர்கள் பொழுதுபோக்கு விஷயங்களில் நேரத்தை செலவிடாமல் கல்வியில் கவனம் செலுத்தினால் மட்டுமே நல்ல மதிப்பெண்களை எடுக்க முடியும். வரும் நாட்களில் அனுகூல பலன்களைப் பெறுவதற்கு முருக வழிபாடு மேற்கொள்வது, குரு பகவானுக்கு மஞ்சள் நிற வஸ்திரம் சாற்றி வழிபாடு மேற்கொள்வது மிகவும் நல்லது.

வெற்றி தரும் நாட்கள்: 21, 22, 23, 27.

உங்கள் ராசிக்கு 9-ல் சுக்கிரன், 10-ல் சூரியன், புதன், 11-ல் செவ்வாய் சஞ்சரிப்பது மிகவும் உன்னதமான அமைப்பு என்பதால் மறக்க முடியாத இனிய நிகழ்வுகள் வரும் நாட்களில் நடக்கும். நீண்டநாட்களாக உங்களுக்கு இருந்த பொருளாதார நெருக்கடிகள் எல்லாம் தற்போது குறைந்து வளமான பலன்களைப் பெறுவீர்கள். அசையும், அசையா சொத்துகளில் முதலீடு செய்யக்கூடிய வாய்ப்புகளும் உங்களுக்கு இருக்கக்கூடிய கடன்களை குறைத்துக் கொள்ளக்கூடிய ஒரு அதிர்ஷ்டமும் வரும் நாட்களில் இருக்கிறது. தொழில், வியாபாரத்தில் மற்றவர்கள் பார்த்து ஆச்சரியப்படும் அளவிற்கு ஒரு கௌரவமான நிலையினை அடையக்கூடிய வாய்ப்புகள் உங்களுக்கு இருக்கிறது. அரசாங்கவழியில் நீங்கள் எதிர்பார்த்த உத்தரவுகளை வரும் நாட்களில் பெறமுடியும். குடும்பத்தில் கணவன்- மனைவியிடையே ஒற்றுமை சிறப்பாக இருப்பது மட்டுமில்லாமல் நீண்டநாட்களாக இழுபறியில் இருந்துவந்த சுபகாரியங்கள் தற்போது கைகூடி குடும்பத்தில் மகிழ்ச்சி ஏற்படும். வேலைக்கு செல்பவர்களுக்கு மதிப்புமிகுந்த பதவிகள் தேடிவருவது மட்டுமில்லாமல் கடினமான பணியைக்கூட நீங்கள் சுலபமாக செய்து முடித்து நல்ல பெயர் எடுப்பீர்கள். மாணவ- மாணவியர்களுக்கு படிப்பில் சிறப்பாக செயல்பட்டு மற்றவர்களுடைய பாராட்டுதலை பெறக்கூடிய காலமாகும். வரும் நாட்களில் அனுகூலப் பலன்களை பெறுவதற்கு நரசிம்மர் வழிபாடு மேற்கொள்வது, காலபைரவரை வழிபாடு செய்வது மிகவும் நல்லது.

வெற்றி தரும் நாட்கள்: 22, 23, 24, 25.

உங்கள் ராசிக்கு 6-ல் குரு, 8-ல் சுக்கிரன் சஞ்சரிப்பதால் ஆடம்பர செலவுகளை குறைத்துக் கொண்டு எதிலும் சிக்கனத்தோடு இருக்க வேண்டும். உடனிருப்பவர்களை அனுசரித்துச் செல்வது நல்லது. கணவன்- மனைவியிடையே விட்டுக்கொடுத்து செல்லவேண்டிய நேரமாகும். உடல் ஆரோக்கியத்தில் அக்கறை எடுத்துக்கொள்வது, உணவு விஷயத்தில் சற்று கட்டுப்பாடோடு இருப்பது மிகவும் நல்லது. தொழில், வியாபாரத்தில் நீங்கள் நினைப்பது ஒன்று நடப்பது ஒன்றாக இருக்கும். உங்கள் ராசிக்கு 9-ல் புதன், 10-ல் செவ்வாய் சஞ்சரிப்பதால் எவ்வளவு நெருக்கடிகள் வந்தாலும் உங்களின் தனித்திறமையால் அதனை எளிதில் சமாளிக்கக்கூடிய பலம் வரும் நாட்களில் உங்களுக்கு உண்டு. உத்தியோகத்தில் இருப்பவர்களுக்கு வேலைப்பளு சற்று இருந்தாலும் உங்கள் தனித்திறமையால் எதையும் சமாளித்து மற்றவர்களிடம் நல்ல பெயர் எடுப்பதற்கான வாய்ப்புகள் அமையும். அதிகாரியின் ஒத்துழைப்பு சிறப்பாக இருப்பதால் எடுத்த பணியை குறித்த நேரத்தில் செய்து முடிக்கக்கூடிய பலம் ஏற்படும். மாணவ- மாணவியர்கள் முடிந்தவரை பேச்சில் சற்று பொறுமையோடு இருக்கவேண்டும். சக மாணவ- மாணவியர்கள் உங்களை வேற்றுப் பாதைக்கு அழைத்துச் செல்லக்கூடிய நேரமென்பதால் எதிலும் சற்று கவனத்தோடு செயல்படுவது நல்லது. வரும் நாட்களில் வளமான பலன்களைப் பெற அம்மன் வழிபாடு மேற்கொள்வது, மகாலட்சுமிக்கு அர்ச்சனை செய்வதன்மூலமாக அனுகூலங்கள் ஏற்படும்.

வெற்றி தரும் நாட்கள்: 24, 25, 26, 27

உங்கள் ராசிக்கு 5-ல் குரு, 7-ல் சுக்கிரன் சஞ்சரிப்பதால் உங்களின் பொருளாதாரநிலை சிறப்பாக இருந்து பல்வேறு வளமான பலன்களைப் பெறுவீர்கள். சுபகாரிய முயற்சிகளைத் தற்போது மேற்கொண்டால் நல்ல செய்தி கிடைக்கக்கூடிய வாய்ப்புகள் உண்டு. உங்கள் ராசிக்கு 8-ல் சூரியன், புதன் சஞ்சரிப்பதால் உடல் நலத்தில் அக்கறை எடுத்துக்கொள்வது, உணவு விஷயத்தில் சற்று கட்டுப்பாடோடு இருப்பது நல்லது. ஒருசில நேரங்களில் தேவையற்ற பயணங்களைத் தள்ளிவைப்பது உத்தமம். தொழில், வியாபாரத்தில் நல்ல லாபத்தை ஈட்டக்கூடிய வாய்ப்புகள் இருந்தாலும் தொழில் தொடர்பான முக்கிய விஷயங்களை பொதுவெளியில் பேசாமல் இருப்பது நல்லது. ஒருசில விஷயங்களில் உணர்ச்சிவசப்படக்கூடிய நேரம் என்பதால் எதிலும் நிதானத்தோடு செயல்படுவது உத்தமம். உத்தியோகத்தில் இருப்பவர்களுக்கு பணியில் மிகச் சிறப்பாக செயல்பட்டு எடுத்த காரியத்தை குறித்த நேரத்தில் முடிக்கமுடியும். அதிகாரியிடம் பேசுகின்றபோது மட்டும் சற்று பொறுமையோடு இருப்பது நல்லது. மாணவ- மாணவியர்கள் படிப்பில் கவனம் செலுத்த வேண்டிய நேரமாகும். நீங்கள் சிறப்பாக செயல்பட்டாலும் ஞாபக மறதி ஏற்படலாம் என்பதால் சற்று எச்சரிக்கையாக இருப்பது நல்லது. வரும் நாட்களில் வளமான பலன்களைப் பெற லட்சுமி நரசிம்மர் வழிபாடு மேற்கொள்வது, சிவன் ஸ்தலங்களுக்கு சென்று வருவது நன்மை தரும்.

வெற்றி தரும் நாட்கள்: 26, 27.

உங்கள் ராசிக்கு 6-ல் சுக்கிரன், 7-ல் சூரியன், 8-ல் செவ்வாய் சஞ்சரிப்பதால் தேவையில்லாத அலைச்சல்கள் ஏற்படும். எளிதில் முடியவேண்டிய காரியங்கள் சற்று தாமதமாகும். கணவன்- மனைவியிடையே ஒற்றுமை குறைவு ஏற்படக்கூடிய நேரமாகும். உடனிருப்பவர்களால் மனநிம்மதி குறைவு உண்டாகும். உடல் ஆரோக்கியத்தில் அக்கறை எடுத்துக்கொள்ளவேண்டும். தேவை யற்ற பயணங்களைத் தள்ளிவைப்பது நல்லது. தொழில், வியாபாரத்தில் நீங்கள் நினைப்பது ஒன்று நடப்பது ஒன்றாக இருக்கும். நீங்கள் சிறப்பாக செயல்பட்டாலும் ஒருசிலர் செய்யக்கூடிய செயல்கள் காரணமாக உங்களுக்கு கிடைக்கவேண்டிய ஒரு நல்ல வாய்ப்புகள் கூட தடைப்படக்கூடிய நாட்களாக வருகின்ற நாட்கள் இருக்கும். தொழில் தொடர்பான கணக்கு வழக்குகளை சரியான முறையில் பராமரிப்பது மிகமிக நல்லது. உடன்பிறந்தவர்களிடம் தேவையற்ற மனஸ்தாபங்கள் ஏற்படும். பண விஷயத்தில் சற்று சிக்கனத்தோடு செயல்பட வேண்டும். உத்தியோகத்தில் இருப்பவர்களுக்கு கூடுதல் பணிசுமை காரணமாக மன நிம்மதி குறைவது மட்டுமில்லாமல் மற்றவர்களுடைய வேலையும் சேர்த்து செய்யவேண்டிய ஒரு நெருக்கடியான நிலை உண்டாகும். மாணவ- மாணவியர்கள் படிப்பில் கவனம் செலுத்தவேண்டிய காலமாகும். வரும் நாட்களில் அனுகூலப் பலன்களைப்பெற முருக வழிபாடு மேற்கொள்வது, சிவன் ஸ்தலங்களுக்கு சென்றுவருவது நல்லது.

வெற்றி தரும் நாட்கள்: 21, 22, 23.