படுக்கை அறை சர்ச்சைகள்! போட்டுப் பொளக்கும் ஹீரோயின்கள்!

""ஹாலிவுட் டைரக்டர் ஒருவரின் செக்ஸ் இம்சையிலிருந்து ஐஸ்வர்யாராயை காப்பாற்றுவதற்குள் நான்பட்டபாடு ஆண்டவனுக்குத் தான் தெரியும் என ஓப்பனாக ஸ்டேட்மெண்ட் விட்டவர், ஐஸ்வர்யாராய்க்கு மேனேஜராக இருக்கும் அமெரிக்காவாசி ஒருவர்.

ஜப்பான்ல ஜாக்கிசான் கூப்ட்டாக, அமெரிக்காவுல மைக்கேல் ஜாக்சன் கூப்ட்டாகன்னு கரகாட்டக்காரனில் கோவை சரளா சொன்ன மாதிரி, நடிக்க சான்ஸ் வேணும்னா படுக்கவான்னு அந்த டைரக்டர் கூப்ட்டாரு, இந்த புரொடியூசர் கூப்ட்டாரு, அந்த ஹீரோ கூப்ட்டாருன்னு அவ்வப்போது "அல்ல, இப்போதெல்லாம் அடிக்கடி பேட்டி கொடுத்து சினிமா ஃபீல்டையே கிறுகிறுக்க வைக்கிறார்கள் ஹீரோயின்கள்.

நம்ம ஊர்ல சுசித்ரான்னு ஒரு பிரபல(??!!) பாடகி இருக்காரு. வீக் எண்ட் பார்ட்டியில செம வீக்கான பார்ட்டி இது. ஹலோ பிரபா ஒயின்ஸ் ஓனருங்களா, கடை எப்ப சார் திறப்பீங்கன்னு கேக்குற அளவுக்கு தில் இருக்கும் பார்ட்டி இது. பார்ட்டிகளில் நடிகர்களும் நடிகைகளும் நாக்கு குளறும் நேரத்தில் செஃபோனில் படம் எடுத்து வைத்துக் கொள்வார் சுசித்ரா. அப்படி எடுத்த ஃபோட்டோக்களை கொஞ்ச நாள் முன்பு லீக் பண்ணி, இவ அவனோட படுத்தா, அவன் இவளோட போனான்னு செம மயக்கத்துல ட்விட்டைப் போட்டு தனுஷ், த்ரிஷாவையெல்லாம் அலறவிட்டார். அய்யய்யோ எம்பொண்டாட்டிக்கு மெண்டலாகிப் போச்சுன்னு சுசித்ராவோட புருஷரு புலம்ப ஆரம்பிச்சாரு.

அந்த மேட்டரு அத்தோட அடங்கிப் போச்சு.

இப்ப தெலுங்குல ஸ்ரீரெட்டிங்கிற நடிகை ஒருவர் களத்தில் குதித்து தெலுங்கு பிரபலங்களின் நாடிநரம்பையெல்லாம் ஆடவச்சுக்கிட்டிருக்காரு. வாய்ப்புக் கேட்கும் நடிகைகளை படுக்கைக்கு அழைத்து பாடாய்ப்படுத்தும் தெலுங்கு சினிமாவின் முக்கியப் புள்ளிகளின் முகமூடியை ஸ்ரீலீக்ஸ்ங்கிற ஃபேஸ்புக்கில் போட்டு கிழிகிழின்னு கிழிக்கப் போறேன்னு டெரர் காட்டியிருக்காரு. ஸ்ரீரெட்டி முதலில் கிழித்திருப்பது பிரபல தெலுங்கு டைரக்டரான சேகர் கமுலாவை. ""பெண்களின் சம உரிமைக்கும் அவர்களின் மேம்பாட்டுக்கும் பாடுபடும் என்னைப் போய் இப்படிச் சொல்லிட்டாளே, அவளை சும்மாவிடமாட்டேன்'' என மார்தட்டியிருக்கிறார் சேகர் கமுலா. அட தேவுடா ஏழுகொண்டலவாலா இது என்ன தெலுங்கு தேசத்துக்கு வந்த சோதனை.

அடுத்ததா ரெட் சிக்னல் போட்டிருப்பது நம்ம சரத்குமாரோட டாட்டர் வரலட்சுமி தான். ""பாம்பன் படத்துல முதல்முறையா எங்க அப்பாவோடு சேர்ந்து நடிக்கிற அனுபவம் மறக்க முடியாதது. கலர்ஸ் தமிழ் சேனலுக்காக எங்க வீட்டு மாப்பிள்ளை புரோக்கிராமுக்காக ஆர்யாவுடன் கலந்து கொண்டது செம ஹேப்பி. இப்ப சன்பிக்சர்ஸ் தயாரிக்கும் விஜய் படத்தில் வில்லி, நீயா-2-ல் பாம்புப் பெண் என வெரைட்டியான கேரக்டர்களில் நடிக்கிறேன். எனக்கு முக்கியத்துவம் இருக்கும் கேரக்டர்களைத் தான் செலக்ட் பண்ணி நடிக்கிறேன். அதே நேரம் சான்சுக்காக நடிகைகளை படுக்கைக்கு அழைக்கும் பழக்கம் தமிழ் சினிமாவிலும் இருப்பதை மறைப் பதற்கில்லை. படுக்கை சமாச்சாரங்களை எதிர்கொள்வதே நடிகைகளுக்கு பெரிய சவாலாக இருக்கிறது'' இப்படி அதிரடி, சரவெடியாக போட்டுப் பொளந்திருக்கிறார் வரலட்சுமி சரத்குமார்.

ஸ்ஸ்ஸ்ஸ்ஸ்ஸ் ஸ்ஸ்... ஸப்பா ஓவரா கண்ணக்கட்டுதே.