உடலே உன் வீடு! - புதிய வாஸ்து சாஸ்திரம் (24)

"தேடு நிலை நஞ்சை புஞ்சை திரவிய வைப்பெடுப்பு

வீடுநிலை தோட்டம் தெப்பம் விளைபுலன் அப்பு தோப்பு

ஆடுநிலை அத்தனைக்கும் ஆழியின் விரலின் கீழே

நீடுநிலை காட்டும் ஒற்றை நேமியான் மேடு தானே.'

-கமல முனிவர்.

பொருள்: பௌத்திர விரலுக்கு (மோதிர விரல்) கீழே அறியப்படும். மேடே, சூரிய மேடு. இந்த மேடு அசையா சொத்து, அந்தஸ்து, கௌரவம் போன்றவற்றைத் தெளிவாக விளக்கும்.

தாயை நினைவுபடுத்தும் தொப்புள் அடையாளமும், தலைவிதியை நிர்ணயிக் கும் கைரேகையும், ஜனனம்முதல் மரணம்வரை மாறுவதில்லை. கைரேகை, மரபணு, கருவிழித்திரை அடையாளம் போன்றவையே ஒவ்வொரு மனிதரின் தனித்தன்மை யையும் வேறுபடுத்திக் காட்டுவதாகும்.

சூரிய மேடு: இது மோதிர விரலின்கீழே உள்ள பகுதி யாகும். ஜாதகத்தில் சூரியன் மேஷத்தில் உச்சம் பெற்றிருந் தாலும் சிம்மத்தில் ஆட்சி பலத்தின் ஆளுமை அடைந் தாலும் சூரிய மேடு உயர்ந்திருக் கும். அரசியல் மற்றும் தலை மைப் பொறுப்புகளில் சிறந்து விளங்குவார்கள்.

* சூரிய மேடு தீர்க்கமாக அமைந்தால் செல்வாக்கு, அரசு ஆதரவு, அதிகாரம் உண்டாகும்.

* சூரிய மேட்டில் ஒரு ரேகை மட்டும் செங்குத்தாக அமைந்தவர், சமுதாயத் தில் போற்றப்படுபவராவார். ஒரு செங்குத்து ரேகையும் அதன்மேல், நட்சத்திர குறியுமிருந் தால் சகலகலா வல்லவராக, ஒரு குழுவின் தலைவராக விளங்குவார். செங்குத்து ரேகை இல்லாமல் நட்சத்திரக்குறி மட்டும் அமைந் தால் வாழ்வின் மத்திய பாகத்தில் திடீர் அதிஷ்டத்தால் தலைவராவார்.

* சூரிய மேட்டில் சதுரக்குறியோ, சிலுவை அடையாளமோ அமைந்திருந்தால், செல்வ மிருந்தும், எளிமையான வாழ்க்கை வாழ்வார்.

* சூரிய மேடு நன்கு அமைந்து, அதில் வட்டமிருந்தால் வாழ்வின் இறுதிப் பகுதியில் வெற்றிபெறுவார்.

* சூரிய மேடு வலுவிழந்தால், அரசு வேலை யோ, அரசின் ஆதரவோ கிடைக்காது.

* சூரிய மேட்டில் முக்கோணம் இருந் தால், உயர் கல்வியிலும், ஆராய்ச்சித் துறையிலும் வெற்றி உண்டாகும்.

* சூரிய மேட்டில் திரிசூல அமைப் பிருந்தால், அளவில்லாத செல்வம் குவியும்.

* சூரிய மேட்டில் தீவுக்குறி இருந்தால் தனிமைப்படுத்தப்படுவார்.

சூரிய ரேகை

சூரிய ரேகை, இடதுகையின் மோதிர விரலுக்குக் கீழ் காணப்படுகிறது. பலருடைய கைகளில் இந்த ரேகை நன்றாகவே தெரியும். இந்த ரேகை தெளிவாக அமையாமல் போனால், திறமையிருந்தாலும் வெற்றியும் அங்கீகாரமும் கிடைக்காது.

* இடதுகையில் மோதிர விரலின்கீழே இருக்கும் சூரிய ரேகை, வெற்றி, பெயர், புகழ் ஆகியவற்றைக் குறிக்கும்.

* சூரிய ரேகை தெளிவாக, எந்தவொரு குறுக்கீடும் இல்லாமல் அமைந்தால் கௌரமான வாழ்க்கை அமையும்.

* இதய ரேகையை சூரிய ரேகை வெட்டி, பிளவு ஏற்படுத்தினால் வெற்றி தாமதமாகும்.

* சூரிய ரேகையின்மேல் மச்சம் அமைந் தால், அவமானமும் அவப்பெயரும் உண்டாகும்.

* சூரிய ரேகை வளைந்து, நெளிந்து காணப்பட்டால், தன்னம்பிக்கைக் குறைவு, எதிரிகளால் தோற்கடிக்கப்படுவார். வாழ்க்கை முழுவதும் அடிமையாக இருப்பார்.

* சூரிய ரேகை, எந்த மேட்டை நோக்கியுள்ளது என்பதையும் ஆராய வேண்டும்.

* மேல் செவ்வாய் மேட்டை நோக்கினால், மக்களிடம் செல்வாக்கு மிகுந்த தலைவர்.

* சந்திர மேட்டை நோக்கினால், அதிர்ஷ்டம் நிறைந்த தொழிலதிபர்.

* சூரிய ரேகை, ஆயுள் ரேகை யைத் தொடர்புகொண்டால் சகலகலா வல்லவர்.

* சூரிய ரேகை, விதி ரேகையைத் தொடர்புகொண்டால், உழைப்பால் உயரும் உத்தமர்.

* சூரிய ரேகை, இதய ரேகையைத் தொடர்புகொண்டால், ஜாதகத்தில், சூரியன், சர்ப்ப கிரகங்களின் பிடியிலிருப்பார். முப்பத்து மூன்றுவயதில் வாழ்க்கை வளமாகும்.

* சூரிய ரேகை, திருமண ரேகையை வெட்டிப் பிளவுபடுத்தாமல் தொடர்பு கொண்டால், மணவாழ்வு சிறக்கும்.

(தொடரும்)

செல்: 63819 58636