சூரியன், சந்திரன், சனி எங்கு இருந்தால் என்ன நடக்கும்?

சூரியன், சந்திரன், சனி லக்னத்தில் இருந்தால், ஜாதகருக்கு பெண் மோகம் அதிகமாக இருக்கும். மனம் சரியாக இருக்காது.

அலை பாய்ந்துகொண்டே இருக்கும். பலரையும் ஜாதகர் ஏமாற்றுவார். பலபெண்களுடன் உறவு இருக்கும். பண பிரச்சினை இருக்கும். சிலருக்கு மறுமணம் நடக்கும்.

சூரியன், சந்திரன், சனி 2-ஆம் பாவத்தில் இருந்தால், ஜாதகர் அதிகமாக பேசுவார். கோப குணம் இருக்கும். வாழ்க்கையின் முன்பகுதியில் பல பிரச்சினைகள் இருக்கும். பண வரவு இருக்கும். மனம் ஒரேநிலையில் இருக்காது. பெண்ணாசை அதிகமாக இருக்கும். வயிற்றில் பிரச்சினை இருக்கும்.

சூரியன், சந்திரன், சனி 3-ஆம் பாவத்தில் இருந்தால், ஜாதகர் தைரியசாலியாக இருப்பார். சகோதரர்களுக்கு இடையே சரியான உறவு இருக் காது. சிலருக்கு சகோதரர்களே இருக்கமாட்டார்கள். சிலர் அரசியல்வாதியாக இருப்பார் கள். சிலர் இரும்பு அல்லது உருக்கு வியாபாரிகளாக இருப்பார்கள். சிலர் சொந்த ஊரிலிருந்து வெளியே சென்று வசிப்பார்கள்.

சூரியன், சந்திரன், சனி 4-ஆம் பாவத்தில் இருந்தால், ஜாதகர் துணிச்சலான மனிதராக இருப்பார். பல கஷ்டங்களைக் கடந்து, சுய முயற்சியால் பணத்தைச் சம்பாதிப்பார். தாயாருடன் சரியான உறவு இருக்காது. சிலர் சொந்த ஊரை விட்டு வெளியூரில் சென்று வாழ்வார்கள். ஜாதகரை நண்பர்கள் ஏமாற்றுவார்கள். சிலர் ஆராய்ச்சியாளராக இருப்பார்கள். சிலர் எந்திரம் சம்பந்தப்பட்ட தொழிலில் இருப்பார்கள். சிலருக்கு இதயத்தில் பிரச்சினை இருக்கும்.

சூரியன், சந்திரன், சனி 5-ஆம் பாவத்தில் இருந்தால், ஜாதகருக்கு ஒரு வாரிசு இருக்கும். சில பெண்களுக்கு கர்ப்பச்சிதைவு உண்டாகும்.

ஜாதகர் நன்கு படித்தவராக இருப்பார். சிலர் விஞ்ஞானியாக இருப்பார்கள். தேவையற்ற விஷயத் தில் மூளையைச் செலுத்தி, மன அமைதி இல்லாமல் இருப்பார்கள். சிலருக்கு வயிற்றில் பிரச்சினை இருக்கும். சிலர் பெரிய அரசாங்க பதவிகளில் இருப்பார்கள்.

சூரியன், சந்திரன், சனி 6-ஆம் பாவத்தில் இருந்தால், தூக்கம் சரியாக வராது. வயிற்றில் பித்தம் இருக்கும். பகைவர்கள் குறைவார்கள். ஜாதகருக்கு பேச்சாற்றல் இருக்கும். கணவன்- மனைவி உறவில் பிரச்சினை இருக்கும். சிலருக்கு மறுமணம் நடக்கும். வெளிநாட்டு தொடர்புகளின்மூலம் பணம் வரும்.

சூரியன், சந்திரன், சனி 7-ஆம் பாவத்தில் இருந்தால், மனம் சரியாக இருக்காது. இல்வாழ்க்கையில் பிரச்சினை இருக்கும். சிலர் தொழிலதிபர்களாக இருப்பார்கள். பல தொழில்களைச் செய்வார்கள். மனைவி அழகாக இருப்பாள். வயிற்றில் பிரச்சினை இருக்கும். ஜாதகருக்கு நல்லபேச்சாற்றல் இருக்கும். அதன்மூலம் பணம் சம்பாதிப்பார். செலவுகள் அதிகமாக இருக்கும்.

சூரியன், சந்திரன், சனி 8-ஆம் பாவத்தில் இருந்தால், வாழ்க்கையின் முன் பகுதியில் பலநோய்கள் இருக்கும். பல கஷ்டங்கள் இருக்கும். அடிக்கடி விபத்து நடக்கும். முட்டுச் சந்தில் அல்லது தெருவின் இறுதியில் வீடு இருக்கும்.

பிரச்சினைகள் இருக்கும். கனவுகள் அதிகமாக வரும். சிலர் தூக்கத்தில் உளறுவார்கள். வயிற்றில் நோய் வரலாம்.

சூரியன், சந்திரன், சனி 9-ஆம் பாவத்தில் இருந்தால், தந்தை- மகன் உறவு சரியாக இருக்காது. ஜாதகர் கடுமையாக உழைத்து வாழ்க்கையில் முன்னுக்கு வருவார். நிறைய படித்தவராக இருப்பார். பல தொழில்களைச் செய்வார். சிலர் பொறியியல் நிபுணர்களாக இருப்பார்கள். சிலர் கட்டுமான துறையில் இருப்பார்கள். 36 வயதிற்குப்பிறகு பணத்தைச் சேமிப்பார்கள்.

சூரியன், சந்திரன், சனி 10-ஆம் பாவத்தில் இருந்தால், ஜாதகர் கடுமையான உழைப்பாளியாக இருப்பார். வாழ்க்கையின் முன்பகுதியில் பல மாற்றங்கள் நடக்கும். சிலர் நீதிபதிகளாக இருப்பார்கள். சிலர் அரசியல்வாதிகளாக இருப்பார்கள். சிலர் தொழிலதிபர்களாக இருப்பார்கள். 46 வயதிற்குப்பிறகு பெயர், புகழுடன் இருப்பார்கள். தந்தையுடன் ஜாதகருக்கு சுமாரான உறவு இருக்கும்.

சூரியன், சந்திரன், சனி 11-ஆம் பாவத்தில் இருந்தால், ஜாதகர் பணக்காரராக இருப்பார். பெயர், புகழுடன் இருப்பார். ஒரு வாரிசு இருக்கும். ஜாதகர் எப்போதும் தன் வாரிசு பற்றிய நினைப்பிலேயே இருப்பார். சிலருக்கு தாமதமாக வாரிசு பிறக்கும். சில பெண்களுக்கு கர்ப்பப்பையில் பிரச்சினை இருக்கும். சில ஆண்கள் அரசியல்வாதிகளாக வரலாம்.

சூரியன், சந்திரன், சனி 12-ஆம் பாவத்தில் இருந்தால், செலவுகள் அதிகமாக இருக்கும். இல்வாழ்க்கையில் பிரச்சினை இருக்கும். ஜாதகர் தர்மத்திற்கு எதிரான வேலைகளைச் செய்வார். சிலர் போதைப் பழக்கத்திற்கு அடிமைகளாக இருப்பார்கள். லக்னாதிபதி சரியாக இல்லாதிருந்தால், சிலருக்கு நோய்களின் பாதிப்பு இருக்கும். சிலர் சொந்த ஊரை விட்டு வெளியே சென்று வாழ்வார்கள்.

செல்: 98401 11534