சனி தன் எதிரியான செவ்வாயின் வீடான மேஷத்தில் இருந்தால் ஜாதகர் புகழுடன் இருப்பார். நல்ல தோற்றத்தைக் கொண்டிருப்பார். ஆனால் சனி நீசமடைவதால், ஜாதகருக்கு வருமானம் குறைவாக இருக்கும். அரசாங்க வேலைகளில் பிரச்சினைகள் ஏற்படும்.

2-ஆம் பாவத்தில், தன- குடும்ப ஸ்தானத் தில் தன் நண்பர் சுக்கிரனின் ராசியில் சனி இருந்தால் ஜாதகருக்குப் புகழ் கிடைக்கும். பண வருமானம் இருக்கும். குடும்பத்தின் நிலை உயரும். ஆனால், சனியின் 3-ஆம் பார்வை 4-ஆம் வீட்டிற்கு இருப்பதால், தாயின் உடல்நலம் பாதிக்கப்படும். வீடு, வாகனம் வாங்குவதில் பிரச்சினை இருக்கும்.

saturn

3-ஆம் பாவம் பராக்கிரம ஸ்தானம்.

Advertisment

சனி தன் நண்பர் புதனின் மிதுன ராசியில் இருந்தால், ஜாதகர் தைரியமாக இருப்பார். அண்ணன்- தம்பி உறவு நன்றாக இருக்கும். தந்தையால் மகிழ்ச்சி கிடைக்கும். அரசாங்க விஷயத்தில் நல்ல பெயர் கிடைக்கும். ஜாதகர் எதையும் ருசித்து சாப்பிடுவார்.

4-ஆம் பாவத்தில் சனி இருந்தால், தாயின் உடல்நலம் பாதிக்கப்படும். வீடு, நிலம் விஷயத்தில் பிரச்சினை இருக்கும்.

5-ஆம் பாவத்தில் சனி, தன் பகைவரான சூரியனின் வீட்டி-ருந்தால், ஜாதகருக்குத் தன் பிள்ளைகளுடன் கருத்து வேறுபாடு உண்டாகும். மனைவி யால் சந்தோஷம் கிடைக்கும். சனி, சூரியனின் வீட்டி-ருப் பதால் படிப்பு நன்றாக இருக்கும்.

Advertisment

6-ஆம் பாவத்தில் சனி, புதனின் கன்னி ராசியில் இருந்தால், தந்தையுடனான உறவு சரியாக இருக்காது. தொழி-ல் கடுமையாக உழைத்தபிறகுதான் வெற்றி கிடைக்கும். பணவரவு நன்றாக இருக்கும்.

7-ஆம் பாவத்தில் சனி இருந்தால் வர்த்தகத்தில் நல்ல லாபம் கிடைக்கும். சனிபகவான் உச்சமடைவதால், மனைவியின் உடல்நலம் நன்றாக இருக்கும். ஜாதகருக்கு மனைவியால் புகழ் கிடைக்கும். தந்தையின் ஆதரவு எப்போதும் இருக்கும்.

8-ஆம் பாவத்தில் சனி, ஆயுள் காரகனாக இருந்து செவ்வாயின் விருச்சிக ராசியில் இருந்தால் வருமானம் குறையும். நீண்ட ஆயுள் இருக்கும். சிலருக்கு பெரிய அளவில் அதிர்ஷ்டம் உண்டாகும்.

9-ஆம் பாவத்தில் சனி, தர்ம ஸ்தானத்தில் தன் எதிரி குருவின் ராசியில் இருந்தால், இளமையில் கடுமையாக உழைக்க வேண்டிய திருக்கும். ஆனால் வாழ்க்கையின் இரண்டாவது பகுதியில் நல்ல வருமானம் இருக்கும். புகழ் கிடைக்கும். பகைவர்களை ஜாதகர் தோற்கடிப்பார்.

10-ஆம் பாவத்தில் சனி இருந்தால், அரசாங்கப் பணிகளின் மூலம் நல்ல வருமானம் இருக்கும். ஜாதகருக்கு தந்தையின் ஆதரவும், அதனால் ஆதாயமும் கிட்டும். சனி, சுய வீட்டில் இருப்பதால், பணவரவு நன்றாக இருக்கும். வாழ்க்கை சந்தோஷமாக இருக்கும்.

11-ஆம் பாவத்தில் சனி பகவான் தன்னுடைய ராசியில் இருந்தால் பணவரவு நன்றாக இருக்கும். புகழ் கிடைக்கும். தந்தையால் மகிழ்ச்சி கிடைக்கும். படிப்பு விஷயம் நன்றாக இருக்கும். குழந்தை பாக்கியத்தில் பிரச்சினை ஏற்படும். ஜாதகர் சுமாரான தோற்றத்தில் இருப்பார்.

12-ஆம் பாவத்தில் சனிபகவான் இருந்தால் செலவுகள் அதிகமாக இருக்கும். தந்தையுடன் உறவு சரியாக இருக்காது. அரசாங்க விஷயங்களில் பிரச்சினை ஏற்படும். ஜாதகர் தன் குடும்பத்தைக் காப்பாற்றுவதற்கு கடுமையாக உழைக்க வேண்டிய திருக்கும்.