12 பாவங்களில் ராகு!

மேஷ லக்னத்தில் ராகு இருந்தால் ஜாதகரின் தோற்றம் சுமாராகவே இருக்கும். உடல்நலத்தில் சில பிரச்சினைகள் தோன்றும். மனதில் கவலை இருக்கும். இந்த ராகுவால் ஜாதகர் சில மந்திர- தந்திர செயல்களைச் செய்து வசதி படைத்தவராவார்.

2-ஆம் பாவத்தில் ராகு, சுக்கிரன் வீட்டி-ருந்தால், பணப் பிரச்சினை இருக்கும். வருமானம் குறையும். பல கஷ்டங்களைச் சந்திக்கவேண்டியதிருக்கும். ஆனால், ராகு தசை வந்தால் ஜாதகர் தைரியமாகப் பேசுவார். பணம் சம்பாதிப்பார்.

3-ஆம் பாவத்தில் மிதுன ராசியில் ராகு இருந்தால், ஜாதகர் தைரியமாக இருப்பார். உடன்பிறப்புகள் சந்தோஷமாக வாழ்வார்கள். ஜாதகர் வெளியே கம்பீரமாகக் காட்சியளிப்பார். ஆனால், அவரது மனதில் கவலை இருக்கும். வெளியே யாருக்கும் அது தெரியாது. ஜாதகர் தன்னம்பிக்கை உள்ளவராக இருப்பார்.

4-ஆம் பாவத்தில் ராகு இருந்தால், தாயின் உடல்நலம் பாதிக்கப்படும். பூமி, வாகனம் வாங்கும்போது, சில பிரச்சினைகள் உண்டாகும். வீட்டில் சந்தோஷம் குறையும்.

சிலருக்கு அதிக அலைச்சல்கள் இருப்பதால், வீட்டை கவனிக்கமுடியாமல் இருப்பார்கள்.

5-ஆம் பாவத்தில் ராகு இருந்தால், வாரிசு உண்டாவதில் சில பிரச்சினைகள் இருக்கும். மிகக் கடுமையாக உழைத்துப் படிக்கவேண்டியதிருக்கும். ஜாதகருக்கு அவருடைய பிள்ளைகளால் பிரச்சினைகள் ஏற்படும்.

6-ஆம் பாவத்தில் ராகு இருந்தால், ஜாதகருக்கு விரோதிகள் இருப்பார்கள். அடிக்கடி சண்டை, சச்சரவுகள் நடக்கும். ஆனால், தைரியமாக அனைத்து காரியங்களிலும் ஈடுபட்டு வெற்றியைக் காண்பார். நல்ல வருமானம் இருக்கும்.

7-ஆம் பாவத்தில் சுக்கிரனின் துலா ராசியில் ராகு இருந்தால், மனைவியின் உடல்நலத்தில் பாதிப்பு இருக்கும். வர்த்தகத்தில் சிக்கல்கள் ஏற்படும். ஆனால், ஜாதகர் தன் நண்பர்களின் ஒத்துழைப்புடன் புத்திசா-த்தனமாக செயல்பட்டு வெற்றி பெறுவார்.

8-ஆம் பாவத்தில் ராகு, விருச்சிக ராசியில் இருந்தால், ஜாதகருக்கு பல நேரங்களில் பல கஷ்டங்கள் உண்டாகும். தேவையற்ற விஷயங்களைப் பேசுவார். அதனால் பிரச்சினைகள் உண்டாகும்.

9-ஆம் பாவத்தில் ராகு குருவின் ராசியில் இருந்தால், கடுமையாக உழைத்துக்கொண்டிருக்கும் வேளையில் பிரச்சினைகள் உண்டாகும். தர்மத்தைக் கடைப்பிடிப்பதில் பிரச்சினை ஏற்படும். கடவுள் நம்பிக்கை குறையும். பெயர், புகழ்பெறும் நேரத்தில் எதிர்பாராத தடைகள் உண்டாகும்.

10-ஆம் பாவத்தில் ராகு பகவான் மகர ராசியில் இருந்தால், ராகு தசையில் பெயர், புகழ் கிடைக்கும். ஆனால், அதற்காக கடுமையாக உழைக்கவேண்டியதிருக்கும். தாயின் உடல்நலத்தில் பாதிப்பு ஏற்படும்.

11-ஆம் பாவத்தில் சனியின் ராசியில் ராகு இருந்தால், பல வகைகளில் லாபம் கிடைக்கும். ஜாதகர் தன் முயற்சிகளில் வெற்றிகளைக் காண்பர். பிள்ளைகளின் உடல்நலத்தில் பிரச்சினை இருக்கும். கடுமையாக உழைப்பதால், சிலருக்கு மூட்டுவ- இருக்கும்.

12-ஆம் பாவத்தில் குருவின் மீன ராசியில் ராகு இருந்தால் செலவுகள் அதிகமாக இருக்கும். அதனால், பணக் கஷ்டம் இருக்கும். எதிர்பாராத சில சிக்கல்கள் உண்டாகும். எனினும், ஜாதகர் தைரியமாகத் தன் செயல்களைச் செய்வார். சிலருக்கு சரியாகத் தூக்கம் வராது.

செல்: 98401 11534