துலாம் லக்னத்திற்கு 12 பாவங்களில் ராகு! -மகேஷ் வர்மா

துலாம் லக்னத்தில், சுக்கிரனின் துலாம் ராசியில் ராகு பகவான் இருந்தால் ஜாதகர் மெலிந்த தோற்றத்தைக் கொண்டிருப்பார். உடலில் சிறிய சிறிய பிரச்சினைகள் இருக்கும். தன் வளர்ச்சிக்காக பல தகிடுதத்தங்களையும் செய்வார். தன்னால் முடியாதது எதுவுமே இல்லை என்பதைப்போல மற்றவர்களிடம் தன்னைக் காட்டிக்கொள்வார்.

2-ஆம் பாவத்தில் செவ்வாயின் விருச்சிக ராசியில் ராகு பகவான் இருந்தால் பணம் சம்பாதிப்பதற்காக ஜாதகர் கடுமையாக உழைக்க வேண்டியதிருக்கும்.பணத்தைச் சேமிப்பதென்பது கஷ்டமான விஷயமாக இருக்கும். வாழ்க்கையில் நிறைய சிக்கல்கள் இருக்கும். குடும்பத்தில் உள்ளவர்கள் பல பிரச்சினைகளை உண்டாக்குவார்கள்.

3-ஆம் பாவத்தில் குருவின் தனுசு ராசியில் ராகு பகவான் இருந்தால், ஜாதகரின் தைரியத்தில் குறைவிருக்கும். உடன்பிறப்பு களால் பிரச்சினைகள் இருக்கும்தான் வளர வேண்டும் என்பதற்காக எந்த எல்லைக்கும் செல்ல ஜாதகர் தயாராக இருப்பார். தவறான பாதைகளிலும் அவர் பயணிப்பார்.

4-ஆம் பாவத்தில் சனியின் மகர ராசியில் ராகு பகவான் இருந்தால் ஜாதகரின் அன்னையின் உடல்நலத்தில் பாதிப்பிருக்கும். பூமி, வாகனம் வாங்குவதில் பிரச்சினை ஏற்படும். சனியின் ராசியில் ராகு இருப்பதால், பல குறுக்குவழிகளில் ஜாதகர் பயணிப்பார். கஷ்டங்களைக் கடந்து வெற்றிபெறுவார்.

5-ஆம் பாவத்தில் சனியின் கும்ப ராசியில் ராகு பகவான் இருந்தால் ஜாதகருக்கு பிள்ளைகளால் மனக்கஷ்டம் இருக்கும். எப்போதும் அவர் எதைப் பற்றியாவது சிந்தித்துக்கொண்டேயிருப்பார். குறைவாகவே பேசுவார். எனினும், பேச்சில் காரம் அதிகமாக இருக்கும். சரியான பாதையில் ஜாதகர் எப்போதும் பயணிக்கவே மாட்டார்.

6-ஆம் பாவத்தில் குருவின் மீன ராசியில் ராகு பகவான் இருந்தால் வாழ்க்கையில் சிறிய சிறிய தடங்கல்களும் கஷ்டங்களும் இருக்கும். ஆனால் ஜாதகர் அனைத்தையும் கடந்து வெற்றிபெறுவார். துணிச்சலுடன் செயல்பட்டு தன் பெயரை நிலைநிறுத்துவார்.

7-ஆம் பாவத்தில் செவ்வாயின் மேஷ ராசியில் ராகு பகவான் இருந்தால் கணவன்- மனைவிக்கிடையே சில பிரச்சினைகள் இருக்கும். வியாபாரத்தில் தடங்கல்கள் இருக்கும். ஜாதகர் பல ரகசிய செயல்களைச் செய்து, அவற்றின்மூலம் ஆதாயமடைவார்.

8-ஆம் பாவத்தில் சுக்கிரனின் ரிஷப ராசியில் ராகு பகவான் இருந்தால், ஜாதகருக்கு அவ்வப்போது நோயின் பாதிப்பிருக்கும். சில நேரங்களில் தாங்கிக்கொள்ளமுடியாத அளவிற்கு கஷ்டங்கள் இருக்கும். எனினும் ஜாதகர் அனைத்தையும் துணிச்சலாக சந்தித்து வெற்றிபெறுவார். எப்போதும் எச்சரிக்கை உணர்வுடன் வாழ்வார்.

9-ஆம் பாவத்தில் புதனின் மிதுன ராசியில் ராகு பகவான் உச்சமடைகிறார். அதனால் ஜாதகர் தைரியசாலியாக இருப்பார். இளம்வயதில் பல கஷ்டங்களை அனுபவிப்பார். தர்மச் செயல்களில் ஜாதகர் ஈடுபடுவார். பல பயணங்களை மேற்கொள்வார். அதன்மூலம் அவருக்கு பெயர், புகழ் கிடைக்கும்.

10-ஆம் பாவத்தில் சந்திர னின் கடக ராசியில் ராகு பகவான் இருந்தால் ஜாத கருக்கு தன் தந்தையுடன் கொண்டிருக்கும் உறவில் குறையிருக்கும். அரசாங்கம் சம்பந்தப்பட்ட விஷயங்களில் பிரச்சினைகள் ஏற்படும். சிலர் அரசியல் உலகில் பெரிய பதவிகளை வகிப்பார்கள்.

11-ஆம் பாவத்தில் சூரியனின் சிம்ம ராசியில் ராகு பகவான் இருந்தால் ஜாதகர் பணம் சம்பாதிப்பதற்காக நிறைய உழைக்க வேண்டிய திருக்கும். அவர் பல ரகசிய காரியங்களில் ஈடுபட்டு பணத்தை சம்பாதிப்பார்.

12-ஆம் பாவத்தில் புதனின் கன்னி ராசியில் ராகு பகவான் இருந்தால் ஜாதகருக்கு நிறைய செலவுகள் உண்டாகும். சிலர் சூதாட்டத்தில் ஈடுபடுவார்கள். பலருக்கு பணப் பிரச்சினை இருக்கும். சிலர் வெளியூர் அல்லது வெளிமாநிலம் அல்லது வெளிநாட்டிற்குச் சென்று சம்பாதிப்பார்கள்.

செல்: 98401 11534