கன்னி லக்னத்தில் சந்திர பகவான் புதனின் ராசியில் இருந்தால் ஜாதகர் அழகான தோற்றத்தைக் கொண்டிருப்பார். மனபலம் அதிகமாக இருக்கும். தன் உழைப்பால் நிறைய பணம் சம்பாதிப்பார். அத னால் பெயர், புகழ் கிடைக்கும். குடும்ப வாழ்க்கை சந்தோஷமாக இருக்கும்.

2-ஆம் பாவத்தில் சந்திர பகவான் துலா ராசியில் இருந்தால் குடும்பத்தில் நல்ல உறவு நிலவும். பணவரவிருக்கும். பணத்தை சேமிக்கும் சூழல் இருக்கும்.

3-ஆம் பாவத்தில் விருச்சிக ராசியில் சந்திரன் நீசமடைகிறார். அதனால் உடன்பிறப்புகளுடனான உறவில் பிரச்சினைகள் உண்டாகும். மன தைரியம் குறைவாக இருக்கும். மனதில் எப்போதும் சிந்தனைகள் இருந்து கொண்டேயிருக்கும். பணம் சம்பாதிப்பதில் பல கஷ்டங்கள் ஏற்படும். கடுமையாக உழைத்தால்தான் பணம் வரும்.

4-ஆம் பாவத்தில் தனுசு ராசியில் சந்திரன் இருந்தால் ஜாதகர் சந்தோஷமாக இருப்பார். தாயாரின் உடல்நலம் நன்றாக இருக்கும். சொந்தத்தில் வீடிருக்கும். ஜாதகர் அனைவரிடமும் நன்கு பழகுவார்.

Advertisment

dd

5-ஆம் பாவத்தில் சந்திர பகவான் சனியின் மகர ராசியில் இருந்தால் தன் புத்திக்கூர்மையால் ஜாதகர் பணம் சம்பாதிப்பார். பிள்ளைகளால் பெருமை கிடைக்கும். ஜாதகர் அறிவைப் பயன்படுத்திப் புகழ்பெறுவார்.

6-ஆம் பாவத்தில் சனியின் கும்ப ராசியில் சந்திர பகவான் இருந்தால் ஜாதகருக்கு மனதில் குழப்பமிருக்கும். நிதானமாகப் பேசி தன் எதிரிகளை வெல்வார். நீதிமன்றம், வழக்கு விஷயங்களில் வெற்றி கிடைக்கும்.

7-ஆம் பாவத்தில் குருவின் மீன ராசியில் சந்திர பகவான் இருந் தால் ஜாதகரின் மனைவி அழகாக இருப்பாள். பெண்ணாக இருந்தால் கணவர் அழகாக இருப்பார். கணவன்- மனைவி உறவு சந்தோஷம் நிறைந்ததாக இருக்கும். ஜாதகர் வர்த்தகத்தில் நன்கு பணம் சம்பாதிப் பார். பெயர், புகழுடன் விளங்குவார்.

8-ஆம் பாவத்தில் செவ்வாயின் மேஷ ராசியில் சந்திர பகவான் இருந்தால் ஜாதகருக்கு நீண்ட ஆயுள் இருக்கும். முன்னோரின் சொத்து கிடைப்பதற்கு வாய்ப் பிருக்கிறது. அன்றாட வருமானத் தில் சிறிய தடங்கல்கள் இருக் கும். ஜாதகர் தன் வெளித் தொடர்புகளைப் பயன் படுத்தி பணம் சம்பாதிப்பார்.

9-ஆம் பாவத்தில் சுக்கிர னின் ரிஷப ராசியில் சந்திர பகவான் உச்சமடைகிறார்.

அதனால் ஜாதகர் தர்ம காரியங்களில் ஈடுபடுவார். நிறைய பணம் சம்பாதிப்பார். நல்ல நினைவாற்றல் இருக்கும். அவருக்கு கடவுளின் அருள் கிட்டும். அதிர்ஷ்டம் கதவைத் தட்டும். எதிர்பாராத வகையில் பணம் வரும்.

10-ஆம் பாவத்தில் சந்திர பகவான் புதனின் மிதுன ராசியில் இருந்தால் ஜாதகருக்கு தந்தையால் சந்தோஷம் கிடைக்கும். வர்த்தகத்தில் நல்ல லாபம் கிடைக்கும். ஜாதகர் பலரைக் காப்பாற்றுவார். வீட்டில் மகிழ்ச்சி நிலவும். ஜாதகர் பெயர், புகழ் உள்ளவராக இருப்பார்.

11-ஆம் பாவத்தில் சந்திர பகவான் சுய ராசியான கடகத்தில் இருந்தால் ஜாதகர் நன்கு பணம் சம்பாதிப்பார். சூரியன் 12-க்கு அதிபதியாக இருப்பதால், அதிக செலவுகள் உண்டாகும். ஜாதகர் தன் வெளித் தொடர்புகளால் பணம் சம்பாதிப்பார்; புகழ் பெறுவார்.

12-ஆம் பாவத்தில் சிம்ம ராசியில் சந்திர பகவான் இருந்தால் ஜாதகருக்கு அதிக செலவுகள் உண்டாகும். வெளித் தொடர்புகளின்மூலம் ஆதாயம் கிடைக்கும். வரவும் செலவும் சமநிலையில் இருக் கும். அதனால் எப்போதும் சிந்தனையில் இருப்பார்.

செல்: 98401 11534