கும்ப லக்னத்தில் ராகு இருந்தால், என்ன நடக்கும்?

கும்ப லக்னத்தில், சனியின் கும்ப ராசியில் ராகு இருந்தால் உடலில் காயம் உண்டாக லாம். ஜாதகருக்கு சுமாரான தோற்றம் இருக்கும். மனதில் வீணான சிந்தனைகள் உண்டாகும். பல நேரங்களில் ரகசிய செயல்களில் ஈடுபட்டு, பணத்தை நன்கு சம்பாதிப்பார். மனதில் தைரியம் இருக்கும்.

2-ஆம் பாவத்தில் குருவின் மீன ராசியில் ராகு இருந்தால் குடும்பத்தில் வீண் விவாதம் நடக்கும். அதனால், அனைவருக்கும் மனக் கஷ்டம் ஏற்படும். ஜாதகர் தைரியசாலியாக இருப்பார். பல கஷ்டங்களைக் கடந்து, அவர் தன் காரியங்களை முடிப்பார். பல வெற்றி களைப் பெறுவார். பணத்தை சம்பாதிப்பார்.

3-ஆம் பாவத்தில் செவ்வாயின் மேஷ ராசியில் ராகு இருந்தால் ஜாதகருக்கு தைரியம் இருக்கும். உடன்பிறந்தோருடன் உறவு நன்றாக இருக்காது. ஜாதகர் தன் புத்திசாலித் தனத்தைப் பயன்படுத்தி, துணிச்சலாக செயல்பட்டு, கடுமையாக உழைத்து பல வெற்றிகளைப் பெறுவார். நன்கு பணம் சம்பாதித்து, சந்தோஷமாக வாழ்வார்.

4-ஆம் பாவத்தில் சுக்கிரனின் ரிஷப ராசியில் ராகு இருந்தால் அன்னைக்கு பல பிரச்சினைகள் உண்டாகும். குடும்ப வாழ்க்கையில் மன நிம்மதி இருக்காது.எப்போதும் சில கஷ்டங்கள் இருக்கும். சிலருக்கு சீதளம் இருக்கும்.

5-ஆம் பாவத்தில், திரிகோணத்தில், புதனின் மிதுன ராசியில் ராகு உச்சமடைகிறது. அதனால் சிலருக்கு படிப்பு விஷயத்தில் தடைகளைக் கடந்து வெற்றி கிடைக்கும். வாரிசு தாமதமாக உருவாகும். சிலருக்கு பல தடைகளைக் கடந்து குழந்தை பிறக் கும். ஜாதகர் பேச்சாற்றல் கொண்டவராக இருப்பார். மனதில் தைரியம் இருக்கும்.

6-ஆம் பாவத்தில் சந்திரனின் கடக ராசியில் ராகு இருந்தால் ஜாதகர் பகைவர் களை வெல்வார். எப்போதும் பல தவறான குறுக்குவழிகளில் பயணித்து, புத்திசாலித்தனமாக செயல்பட்டு பல சிக்கல்களைக் கடந்து நன்கு பணத்தை சம்பாதிப்பார்.

7-ஆம் பாவத்தில் சூரியனின் சிம்ம ராசியில் ராகு இருந்தால் மனைவிக்கு கஷ்டங் கள் இருக்கும். மனைவியால் கணவருக்கு பிரச்சினைகள் உண்டாகும். திருமண வாழ்க்கை சந்தோஷமாக இருக்காது. இல் வாழ்க்கையில் பல பிரச்சினைகள் ஏற்படும்.

ஜாதகர் கடுமையான உழைப்பாளியாக இருப்பார்.

தைரியசாலியாக இருப்பார். மனைவி கோப குணம் கொண்டவளாக இருப்பாள். ஜாதகர் பல கஷ்டங்களைக் கடந்து வாழ்வார்.

8-ஆம் பாவத்தில் புதனின் கன்னி ராசியில் ராகு இருந்தால் நோய்களின் பாதிப்பிருக்கும். சிலருக்கு அடிவயிற்றில் பிரச்சினை ஏற்படும். நீண்ட ஆயுள் இருக்கும். ஜாதகர் நன்கு பணம் சம்பாதிப்பார். கடுமையாகப் பேசுவார்.

9-ஆம் பாவத்தில், திரிகோணத்தில், சுக்கிரனின் துலா ராசியில் ராகு இருந்தால் தர்ம காரியங்களைச்ச் செய்வதில் பல கஷ்டங்கள் இருக்கும்.

ஜாதகர் பல ரகசிய செயல்களில் ஈடுபட்டு, புத்திசாலித்தனமாக பணம் சம்பாதிப்பார்.

10-ஆம் பாவத்தில் செவ்வாயின் விருச்சிக ராசியில் ராகு இருந்தால் ஜாதகருக்கு தந்தையுடன் கருத்து வேறுபாடு உண்டாகும். அரசாங்க விஷயத்தில் பிரச்சினை இருக்கும். வியாபாரத்தில் தடைகள் இருக்கும். ஜாதகர் கடுமையாக உழைத்து, பல தடைகளைக் கடந்து வெற்றிபெறுவார். பெரிய அளவில் பெயர், புகழ் கிடைக்கும்.

11-ஆம் பாவத்தில் குருவின் தனுசு ராசியில் ராகு இருந்தால் வியாபாரத்தில் பல தடைகள் இருக்கும்.

ஜாதகர் பல ரகசிய செயல்களில் ஈடுபட்டு, புத்திசாலித்தனமாக பணத்தைச் சம்பாதிப்பார். சிறிய அளவில் வெற்றி கிடைக்கும். ஒரு காலில் ஏதாவது நோய் இருக்கலாம்.

12-ஆம் பாவத்தில் சனியின் மகர ராசியில் ராகு இருந் தால் செலவுகள் அதிகமாக இருக்கும். அதனால் ஜாதகரின் மனதில் கவலை உண்டாகும். அதிகமாக சிந்திப்பார். கடுமையாக உழைப்பார். வெளித்தொடர்புகளில் வீணான செலவுகள் உண்டாகும். ஜாதகர் பல தவறான செயல்களில் ஈடுபடுவார்.

செல்: 98401 11534