அட்சய திருதியை ஏப்ரல். 30 (சித்திரை 17) 2025

ஒவ்வொரு வருடமும், சித்திரை மாதம் அமாவாசையை அடுத்த மூன்றாம் நாளில் வரும் வளர்பிறை த்ருதியை- அட்சய த்ருதியை என்பர். அட்சய என்றால் வளர்வது என்று அர்த்தம். அதனால்தான் கிருஷ்ணன் பகவான் திரௌபதிக்கு கொடுத்த பாத்திரத்திற்கு, அட்சய பாத்திரம் என்று பெயராயிற்று.

அட்சய த்ருதியை அன்று எத்தனை செய்தாலும், அது பன்மடங்கு பலன் தரும் என்பர். அதனால்தான் அன்று தானம் செய்தால், அதன் பலன், புண்ணியம் நமக்கு பல மடங்கு பெருகும். மேலும் அன்று எந்தப் பொருள் வாங்கினாலும், அந்த வருடம் முழுவதும், அந்தப் பொருளை வாங்கிக்கொண்டே இருப்போம். இதன் காரணமாகவே உப்பு, பூக்கள் என இவற்றை வாங்கச் சொல்கிறார்கள். உப்பு வாங்கினால், வருடம் முழுவதும் அன்ன பாக்கியம் கிடைக்கும். பூக்கள் பூஜை மற்றும் சுப விசேஷம் பொருட்டு வாங்கலாம்.

சித்திரை மாதம் எனில், சூரியன் உச்சமாகி விடுவார். இதில் நோ டவுட். இந்த வருடம் கூடுதல் பயனாக சுக்கிரன் உச்சம். புதன் நீசபங்கம். குரு- சுக்கிரன் பரிவர்த்தனை. இதனால் தங்கம் எவ்வளவு விலை விற்றாலும் மக்கள், கொஞ்சமாவது தங்கம் வாங்கிவிடுவர். இந்த வருடம் கூடுதல் விஷயமாக, வெள்ளி நகைகளில் தங்க முலாம் பூசிய ஆபரண விற்பனை அதிகமாக இருக்கும். இது நீங்கள் தங்கம் விற்கும் விலை பற்றி யோசித்தாலும், ஜோதிட கணக்குப்படி, சுக்கிரன், குரு பரிவர்த்தனை இவ்வித வியாபாரத்தை பெருக்கும் எனக் கூறலாம்.

Advertisment

ss

புதன் நீசபங்க யோகம் பெற்றிருப்பதால், தங்க விலை ஏற்றத்தை முன்னிட்டு, வங்கிகள், நகைக் கடைக்காரர்கள், புதுவித, கடன் தவணை முறைமூலம், நகை வாங்க ஏற்பாடு செய்வார்கள்.

திருக்கணிதப்படி, சுக்கிரன், புதன் கூடவே இருக்கும். சனி, வியாபாரத்தையும் லாபத்தையும் பெருக்குவார். கூடவே பழைய மாடல் நகை அல்லது பழமையான முறையில் செய்த ஆபரணம் விலைக்கு வரும். முன் காலத்தில் நகையினுள் அரக்கை பொதிந்து வைத்து, நகை செய்வதால், நகை காத்ரமாக வும் இருக்கும். ரொம்ப நாள் ஆண்டு வரும். பார்ப்பதற்கு நிறைய தங்கம் பயன்படுத்தி செய்ததுபோல் இருக்கும். இதனை சனி பகவான் செவ்வனே செய்வார்.

காலபுருசனின் 11-ஆமிடம் எனும் லாபத்தில் செல்லும் ராகுவும், குரு எனும் பொன்காரகனின் சாரம் பெற்று அமர்ந் திருப்பதால், கள்ள கடத்தல் தங்கம். போலி தங்கம், கள்ள கணக்கு தங்கம் என இவற்றை மிக சுறு சுறுப்பாக்கி, வியாபாரிகளுக்கு மிக லாபம் தருவார்.

இந்த வருட அட்சய த்ருதியை நாளின் கோட்சார கணக்குப்படி செவ்வாய் நீசமாகி உள்ளார். இதில் குறிப்பிட வேண்டிய முக்கிய விஷயம், உச்ச சூரியனுக்கு வீடு கொடுத்தவரும் செவ்வாய்தான். குருவின் சாரநாதரும் செவ்வாய் ஆவார். இதனால், மக்களும் சரி, வியாபாரிகளும் சரி, நிறைய திருட்டை சந்திக்க நேரிடும். காவல் துறை எத்தனை கண்டிப்பாக இருந்தாலும், திருட்டை தடுக்க முடியாது. மேலும் திருட்டுபோன தங்க நகை திரும்ப கிடைக்கவே கிடைக்காது. மிகக் கவனமாக இருங்கள்.

கோட்சார செவ்வாய், மிக பலவீனமாக இருப்பதால், இவ்விதம் கூறப்பட்டுள்ளது.

தங்கம் வாங்கிவிட்டு, நேராக வீட்டுக்குச் செல்லுங்கள். வீட்டில் இருந்து புறப்படுவதற்கு முன் குலதெய்வத்தை நன்கு வணங்கிவிட்டு செல்லுங்கள்.

தங்கம் என்பது மகாலட்சுமி அம்சம். அது தொலைந்தால், செண்டிமெண்ட்டாக மிக கஷ்டமாகிவிடும். அனேகமாக இந்த வருடம் வெள்ளி விற்பனை அமோகமாக இருக்குமென்று தோன்றுகிறது.

அட்சய த்ருதியை அன்று மகாலட்சுமியை வெண்ணிற பூக்களாலும், மஞ்சளாலும், இனிப்புக்கள் கொண்டும் வணங்கவும்.

கோட்சாரப்படி, 12 ராசிக்காரர்கள் கொடுக்கவேண்டிய தானம்

மேஷ ராசி

வயதான பெண்ணுக்கு, மஞ்சள் மற்றும் மஞ்சள் வஸ்திரம் வாங்கி கொடுக்கவும்.

ரிஷப ராசி

இளம் பெண்ணிற்கு, ஏற்ற உடைகள், அழகான பொட்டு போன்ற அலங்கார பொருட்கள், இனிப்புகள் கொடுக்கவும்.

மிதுன ராசி

படிக்கும் மாணவர்களுக்கு ஜ்யோமெட்ரிக் பாக்ஸ், விளையாட்டுச் சாமான்கள், தின்பண்டம் கொடுக்கவும்.

கடக ராசி

உங்கள் தாயாருக்கு முடிந்தால் நகை வாங்கி கொடுங்கள். அல்லது தாயார் வயது உள்ளவருக்கு ஆடை வாங்கி கொடுங்கள்.

சிம்ம ராசி

உங்கள் தந்தைக்கு, ஆன்மிக புத்தகம் அல்லது அவரிடம் கேட்டு, வெகுநாள் விரும்பிய பொருள் வாங்கி கொடுங்கள் ஆன்மிக புத்தக தானம் நல்லது.

கன்னி ராசி

உங்கள் தாய்மாமனுக்கு ஏதாவது செலவு செய்யுங்கள். ஆன்மிக புத்தகம், சுவாமி படம், பூஜைக்குரிய ஏதாவது ஒரு பொருள் வாங்கி தானம் கொடுங்கள்.

துலா ராசி

உங்க மனைவி அல்லது கணவனுக்கு ஏதேனும் பரிசு கொடுங்கள். கல்யாணம் ஆகப் போகும் பெண்ணிற்கு அலங்காரத்திற்காக இமிடேஷன் நகை வாங்கி கொடுங்கள்.

விருச்சிக ராசி

இந்த வருட அட்சய த்ருதியை நாளில், கோவிலுக்கு போய் அர்ச்சனை செய்துவிட்டு, அந்த அர்ச்சகருக்கு ஏதேனும் காணிக்கை செலுத்திவிட்டு வாருங்கள். இது போதும்.

தனுசு ராசி

குடும்பத்தினருக்கு பணம் கொடுத்து, விரும்பியதை வாங்கி கொள்ளச் சொல்லவும். தாயார் வயதுடைய பெண்களுக்கு நல்ல உணவு வாங்கி கொடுங்கள்.

மகர ராசி

இளைய சகோதரனுக்கு ஏதாவது வாங்கி கொடுங்கள். பணிபுரியும் பையன்களுக்கு அழகான, விளையாட்டு பொருள் வாங்கியும், திண்பண்டமும் கொடுங்கள்.

கும்ப ராசி

உங்கள் தந்தை- தாய்க்கு பணம் கொடுங் கள். அர்ச்சகருக்கு வஸ்திரம் கொடுங்கள். வேறு மத பெண்ணிற்கு ஏதேனும் பரிசு கொடுங்கள்.

மீன ராசி

உங்கள் குடும்பத்தினருக்கு நிறைய செல வளியுங்கள். உங்கள் வீட்டில் பணிபுரிபவர் களுக்கு, ஆடைகள், அழகு பொருள், இனிப்பு உணவு இவை தானம் கொடுங்கள்.

ss