கூட்டுத் தொழில் யோகம்!

இன்றைய காலத்தில் மக்கள் சம்பாதிக்க வேண்டுமென்னும் எண்ணத்துடன் வாழ்வில் எதிர்நீச்சல் போட்டுக்கொண்டிருக்கின்றனர்.

பொதுவாக படித்து முடித்த இளைஞர்கள் சொந்த மாகத் தொழில் செய்யவேண்டு மென்னும் எண்ணத்துடன் செயல்படுகின்ற னர். அப்படி செயல்படும் பொழுது சிலர் உடனிருப் பவர்களுடன் கூட்டுசேர்ந்து தொழில் செய்கின்ற னர். சிலருக்கு கூட்டுத்தொழில் வெற்றி தருகிறது.

சிலருக்கு கூட்டுத் தொழில்மூலம் பெருத்த ஏமாற்றத்தை சந்திக்கும் நிலை ஏற்படுகிறது. ஜோதிடரீதியாக தொழில் யோகம்- குறிப்பாக கூட்டுத் தொழில் யோகத்தைப் பற்றியும், கூட்டுத் தொழிலில் யார் அனுகூலமாக இருப்பார் கள் என்பதைப் பற்றியும் இங்கு பார்ப்போம்.

சொந்தத் தொழில் யோகத்தைப் பற்றி பார்க்கும் பொழுது ஒருவர் ஜாதகத்தில் 10-ஆமதிபதி ஆட்சி, உச்சம்பெற்று அல்லது கேந்திர, திரிகோணத்தில் வலுவாக அமையப்பெற்று, தொழில் செய்யும் காலத்தில் நடைபெறும் தசாபுக்தியும் சாதகமானதாக இருந்தால் சொந்தத் தொழில் செய்யலாம். ஒருவர் ஜாதகத்தில் 10-ஆமதிபதி பலவீனமாக இருக்கும்பொழுது அவர்கள் சொந்தத் தொழில் செய்யக்கூடாது. அப்படிப்பட்ட நிலையில் அவர்களுக்கு பிறருடன் இணைந்து செய்யக் கூடிய யோகம் இருக்கிறதா என பார்க்கும்பொழுது அதற்கும் ஜாதகரீதியாக நல்ல அமைப்பு இருக்க வேண்டும்.

ஜென்ம லக்னத்திற்கு 10-ஆம் வீட்டுக்கு 10-ஆம் வீடான லக்னத்திற்கு 7-ஆம் பாவம் கூட்டுத் தொழில் ஸ்தானமாகும். 7-ஆமதிபதி ஆட்சி, உச்சம் பெற்று கேந்திர, திரிகோண ஸ்தானங்களில் அமையப் பெற்று, 7, 10-க்கு அதிபதிகள் இணைந்து பலமாக இருந்தாலும்; 7, 10-க்கு அதிபதிகள் பரிவர்த்தனை பெற்றிருந்தாலும்; 10-ஆமதிபதியைவிட 7-ஆமதிபதி வலுவாக இருக்கின்ற பொழுதும் கூட்டுத் தொழில்மூலம் அனுகூலங்களை அடையமுடியும்.

ஒருவர் ஜாதகத்தில் 7-ஆமதிபதி பலமாக இருக்கும்பொழுது கூட்டுத்தொழில் ஏற்படுமென்றாலும், ஜாதகத்தில் எந்த கிரகம் வலுவாக இருக்கிறதோ அந்த கிரகம் தொடர்புடைய நபர்களைக் கூட்டாக இணைத்துக்கொண்டு தொழில் செய்யும்பொழுது மேலும் சிறப்பான பலன்களை அடையமுடியும்.

ஒருவர் ஜாதகத்தில் 7-ஆமதிபதி பலம்பெற்று, சூரியன் வலுவாக இருந்து, 5, 9-ஆம் பாவங்கள் பலமாக இருந்தால் அந்த ஜாதகர் தந்தை செய்த தொழில், பூர்வீகமாக உறவினர்கள் செய்த தொழிலை எடுத்துச்செய்யும் யோகம் ஏற்படும். அடுத்து சூரியன் வலுவாக இருக்கும்பொழுது தந்தை, வயது மூத்தவர்கள், தந்தைவழி உறவினர்களுடன் இணைந்து செய்யக்கூடிய தொழில் வெற்றியைத் தரும்.

ஒருவர் ஜாதகத்தில் சூரியன் பகை கிரகங்களான ராகு, கேது, சனி சாரம்பெற்றிருந்தாலும் 5, 9-ஆம் பாவங்கள் பாதிக்கப்பட்டிருந்தாலும் அவர்கள் முடிந்த வரை பங்காளிகளையும், தந்தைவழி உறவினர்களையும் தொழிலில் ஈடுபடுத்தாமல் இருப்பது நல்லது. அது மட்டுமல்லாமல் 5, 9-ஆம் பாவங்கள் பாதிக்கப்பட்ட ஜாதக நேயர்கள் முடிந்தவரை பூர்வீகத்தை விட்டுவிட்டு வேறேதாவது மாநிலத்திற்கோ நாட்டிற்கோ சென்று செய்யக்கூடிய செயல்கள் வெற்றியை ஏற்படுத்துகிறது.

அடுத்து 7-ஆம் பாவம் பலமாக இருந்து சந்திரன் வலுவாக இருந்தால், அந்த ஜாதகர் மூத்த சகோதரி, தாய், தாய்வழி உறவினர்கள், வயது மூத்த பெண்களை இணைத்துக்கொண்டு தொழில் செய்யும்பொழுது வளர்ச்சியடைய முடியும்.

7-ஆம் பாவம் பலமாக இருந்து, லக்னத்திற்கு 3, 11-ஆம் பாவங்களும் பலமாக இருந்து, உடன்பிறப்பை குறிக்கக்கூடிய கிரகமான செவ்வாய் பலமாக இருந்தால், உடன்பிறந்த சகோதரர்களை இணைத்துக்கொண்டு தொழில் செய்தால் வெற்றியடையமுடியும். அதுமட்டு மல்லாமல் வயது குறைவான ஆண்களைத் தொழிலில் இணைத்துக்கொண்டு செய்யக்கூடிய செயல்கள் வெற்றியைத் தருகிறது.

செவ்வாய் ஒரு ஜாதகத்தில் வக்ரம் பெற்றிருந்தாலோ, பலவீனமாக இருந்தாலோ உடன்பிறந்தவர்கள்வழியிலும், வயது குறைவான ஆண்கள்மூலமாகவும் தொழிலில் சில இடர்ப்பாடுகளை சந்திக்க நேரிடும்.

7-ஆம் பாவம் பலமாக இருந்து, ஒரு ஆணென்றால் சுக்கிரன் வலுவாக இருந்தால் மனைவியைத் தொழிலில் இணைத்துக்கொண்டு, மனைவிபேரில் செய்யக்கூடிய தொழில் வெற்றியைத் தருகிறது. அதுபோல சுக்கிரன் வலுப்பெற்ற ஜாதகர்கள் இளம்பெண்களைத் தொழில் நிமித்தமாக ஈடுபடுத்தும்பொழுது வெற்றியடையும் யோகம் உண்டாகிறது. இளைய சகோதரிகளைக்கூட கூட்டாகத் தொழிலில் இணைத்துக்கொண்டு செய்கின்ற செயல்கள் வெற்றி தருகிறது.

சுக்கிரன் ஒரு ஜாதகத்தில் வக்ரம் பெற்றிருந்தாலோ, பலவீனமாக இருந்தாலோ உடன்பிறந்தவர்கள், சகோதரிகள்வழியிலும், வயது குறைவான பெண்கள் மூலமாகவும் தொழிலில் சில இடர்ப்பாடுகளை சந்திக்க நேரிடும்.

பெண்கள் ஜாதகத்தில் 7-ஆம் பாவம் பலமாக இருந்து, செவ்வாய் வலுவாக இருந்தால் கணவரை இணைத்துக்கொண்டு, கணவர் பெயரில் செய்யக்கூடிய தொழில் வெற்றியைத் தருகிறது.

7-ஆம் பாவம், புதன் பலமாக இருந்தால் தாய்மாமன், ரத்த உறவுகளைக் கூட்டாக இணைத்துக்கொண்டு செய்யக்கூடிய செயல்கள் வெற்றியைத் தருகிறது.

7-ஆம் பாவம் பலமாக இருந்து குரு வலுவாக இருக்கும்பொழுது, பெற்றெடுத்த பிள்ளைகளை கூட்டாளிகளாக இணைத்துக்கொண்டு செய்யக்கூடிய செயல்கள் வெற்றியைத் தருகிறது.

7-ஆம் பாவம் பலமாக இருந்து சனி வலுவாக இருக்கும் நபர்களுக்கு வேலையாட்களைக்கூட தொழிலில் இணைத்துக்கொண்டு- அதாவது தொழிலில் ஒரு கூட்டாளியாக இணைத்துக்கொண்டு வெற்றியடைய யோகம் உண்டாகிறது. சனி ஒரு ஜாதகத்தில் வக்ரம் பெற்றிருந்தாலோ, பலவீனமாக இருந்தாலோ வேலையாட்கள்மூலமாக தொழிலில் சில இடர்ப்பாடுகளை சந்திக்க நேரிடும் என்பதால், வேலையாட்கள் விஷயத்தில் கவனமாக செயல்படுவது நல்லது.

ஒருவர் ஜாதகத்தில் 7-ஆம் பாவம் பலமாக இருந்து, ராகு- கேதுவின் ஆதிக்கம் பலமாக இருந்தால் மாற்று மதத்தினர்களால்கூட தொழிலில் வெற்றியடையக்கூடிய யோகம் உண்டாகிறது. எந்த ஒரு ஜாதகத்தில் 7-ஆம் பாவம் பலமாக இருந்து, ராகு பலமாக இருக்கும் ஜாதகருக்கு முஸ்லிம் மதத்தை சார்ந்தவர்களும், முஸ்லிம் மதம் பிரதானமாக இருக்கும் நாட்டின்மூலமும் அனுகூலங்கள் ஏற்படுகிறது. அதுபோல 7-ஆம் பாவம் பலமாக இருந்து கேதுவின் ஆதிக்கம் பலமாக இருக்கும்பொழுது கிறித்துவ மதத்தைச் சார்ந்தவர்கள் தொழில் வளர்ச்சிக்கு உதவியாக இருக்கும் நிலையும், அவர்கள் பிரதானமாக வாழக்கூடிய நாட்டின் மூலமாகவும் ஆதாயங்கள் அடையக்கூடிய யோகம் உண்டாகிறது.

7-ஆம் பாவம் பலமாக இருந்து, தொழில் செய்யும்பொழுது கூட்டுமூலமாக வெற்றிகள் உண்டாகிறது. 7-ஆமதிபதி வலுவாக இருக்கும் பொழுது ஆதாயம் அடையமுடியும். 7-ஆமதிபதி 6, 8, 12-ல் மறைந்திருந்தாலும், பாதகாதிபதியுடன் இணைந்திருந்தாலும் கூட்டுத் தொழில் நன்றாக இருக்காது. அதுபோல உபய லக்னமான மிதுனம், கன்னி, தனுசு, மீனத்தில் பிறந்த நேயர்களுக்கு 7-ஆம் வீடு பாதகஸ்தானம் என்னும் காரணத்தால், உபய லக்னத்தில் பிறந்தவர்கள் முடிந்தவரை கூட்டுத் தொழிலைத் தவிர்ப்பது நல்லது.