பாலமுருகன் பதில்கள்!

(ஆண்) எந்த மாதிரியான வேலை அமையும்? பிறந்த ஊரில் இருக்கலாமா அல்லது வெளியூரில் இருக்கலாமா என்று கூறுங்கள்?

மூல நட்சத்திரம், தனுசு ராசி, கன்னி லக்னத்தில் பிறந்த உங்களுக்கு லக்னத்திற்கு 10-க்கு அதிபதி புதன் கேந்திர ஸ்தானமான 4-ல் அமையப்பெற்று 10-ஆம் வீட்டை பார்ப்பது மிகமிக அற்புதமான அமைப்பாகும். நல்ல வேலைவாய்ப்பு அமையும் யோகம் உண்டு. ஜனவரிக்குப் பிறகு ஒரு சிறப்பான நிலையினை அடையமுடியும். உங்கள் ஜாதகத்தில் பூர்வ புண்ணிய ஸ்தானமான 5-ல் சனி, ராகு போன்ற பாவ கிரகங்கள் இருப்பதால் பிறந்த ஊரைவிட வெளியூர், வெளிமாநிலங்களில் நல்ல வேலைவாய்ப்பு அமையக்கூடிய யோகங்கள் உண்டு. கல்வித்துறை, கம்ப்யூட்டர்துறை, மற்றவர்களுக்கு வழிகாட்டக்கூடிய துறைகளில் பணிக்காக முயற்சித்தால் நல்ல வாய்ப்புகள் அமையும். சந்திர தசை நடப்பதால் பெருமாள் வழிபாடு மேற்கொள்ளவும். குறிப்பாக சந்திர தசையில் ராகு புக்தி நடப்பதால் 9-6-2024 முதல் நடக்க இருக்கக்கூடிய குரு புக்தி காலத்தில் மேலும் வளமான பலன்களை அடைவீர்கள்.

என் மகளுக்கும் மருமகனுக்கும் கருத்து வேறுபாடு ஏற்பட்டு விவாகரத்து வழக்கு நீதிமன்றத் தில் நிலுவையில் உள்ளது. அவர்கள் மீண்டும் சேர வாய்ப்பிருக்கிறதா? இல்லையென்றால் மறுமணம் செய்யலாமா என்று கூறுங்கள்?

சித்திரை நட்சத்திரம், துலா ராசி, மகர லக்னத்தில் பிறந்த உங்கள் மகள் ஜாதகத்தில் 7-ஆம் அதிபதி சந்திரன் 10-ல் அமைந்திருப்பது நல்ல அமைப்பாகும். செவ்வாயும் ஆட்சிபெற்று இருப்பதால் மணவாழ்க்கைரீதியாக ஒரு சிறப்பான நிலையினை அடையக்கூடிய வாய்ப்புகள் உண்டு. 30-10-23 வரை உங்கள் மகள் ஜாதகரீதியாக ராசிக்கு 1, 7-ல் கேது, ராகு இருந்தது சாதகமற்ற அமைப்பாகும். தற்போது ராகு- கேது பெயர்ச்சி ஏற்பட்டு விட்டதால் பெரிய கெடுதி இல்லை. ஒற்றுமை ஏற்பட வாய்ப்பு உண்டு. மாப்பிள்ளை ஜாதகத்தில் ஏதாவது குறை இருந்தால் தேவையற்ற கருத்து வேறுபாடுகள் ஏற்படலாம். பொறுமை காக்கவும்; நல்லது நடக்கும்.

என் மகனுக்கு திருமணமாகி 12 ஆண்டுகள் ஆகியும் இன்னும் குழந்தை பிறக்கவில்லை. அவருக்கு எப்போது குழந்தை பிறக்கும் என்று கூறுங்கள்?

திருவாதிரை நட்சத்திரம், மிதுன ராசி, மீன லக்னத்தில் பிறந்த உங்கள் மகனுக்கு 5-ஆம் அதிபதி சந்திரன் ராகு சேர்க்கைப்பெற்று ராகு நட்சத்திரத்தில் இருக்கிறார். புத்திரகாரகன் குரு 8-ல் மறைந்து ராகு நட்சத்திரத்தில் இருக்கிறார். இது புத்திர தோஷம் ஆகும். கடந்த காலங்களில் 7-ல் அமையப்பெற்ற சனி தசை நடந்ததும் சாதகமற்ற அமைப்பாகும். தற்போது புதன் தசையில் சுக்கிர புக்தி 3-8-2026 முடிய நடப்பதால் ஒரு பெண் வாரிசு ஏற்பட வாய்ப்பு உண்டு. அம்மன் வழிபாடு, துர்க்கை வழிபாடு மேற்கொள்ளவும். முறையான சிகிச்சைகள் எடுத்துக்கொள்ளவும். இறையருளால் நல்லது நடக்கட்டும்.

என் மகனுக்கு திருமணம் எப்போது நடைபெறும்? சொந்தத்தில் திருமணம் செய்யலாமா என்று கூறுங்கள்? -முருகேஸ்வரி, ஸ்ரீவில்லிபுத்தூர்.

உத்திர நட்சத்திரம், கன்னி ராசி, மேஷ லக்னத்தில் பிறந்த உங்கள் மகனுக்கு 7-ஆம் அதிபதி சுக்கிரன் 8-ல் மறைந்திருக்கிறது. 7-ல் ராகு அமைந்திருப்பதால் மேலோட்டமாக பார்க்கின்றபொழுது ராகு- கேது தோஷம் என்றாலும் பாவகரீதியாக ராகு 6-ல் இருப்பதால் பெரிய கெடுதியை செய்யமாட்டார். தற்போது ராகு தசையில் புதன் புக்தி நடப்பதால் திருமண முயற்சிகளைத் தற்போது மேற்கொண்டால் மே மாதத்துக்குள் திருமணம் நடப்பதற்கான வாய்ப்பு உண்டு. அப்படி இல்லையென்றால் 2025 ஆகஸ்டுக்கு பிறகு ராகு தசையில் சுக்கிர புக்தி நடக்கின்றபொழுது நல்ல வாழ்க்கை அமையும். குறிப்பாக 8-ல் கூட்டு கிரகச் சேர்க்கை இருப்பதால் மேலோட்டமாக ஜாதகம் பார்ப்பவர்கள் ஏதாவது ஒருகுறையை சொல்லிவிடுவார்கள். அதன் காரணமாக திருமணத் தடை ஏற்பட்டுகொண்டிருக்கிறது. சுக்கிரன், சூரியன், குரு ஆகிய கிரகங்கள் சுப நட்சத்திரத்தில் அமைந்திருப்பதால் சொந்தத்தில் திருமணம் செய்யலாம். ராகு தசை நடப்பதால் அம்மன் வழிபாடு, துர்க்கை வழிபாடு, குலதெய்வ வழிபாடு மேற்கொள்ளவும்; விரைவில் நல்லது நடக்கும்.

கடன் பிரச்சினை எப்போது தீரும் என்று கூறுங்கள்? -செந்தில்குமார்.

சித்திரை நட்சத்திரம், துலா ராசி, மீன லக்னத்தில் பிறந்த உங்களுக்கு தற்போது 7-ல் குரு சஞ்சரிப்பதால் பணவரவுகள் சிறப்பாக இருந்து உங்களுக்கு உள்ள கடன் பிரச்சினைகள் குறைய வாய்ப்பு உண்டு. குறிப்பாக தற்போது உங்களுக்கு சனி மகா தசையில் ராகு புக்தி 21-1-2026 முடிய நடைபெறுகிறது. பொதுவாக சனி தசை நடைபெற்றால் கடன் ஏற்படும். சனி பரிவர்த்தனை பெற்றிருப்பதால் வாங்கிய கடனை அடைக்கக்கூடிய அளவுக்கு சக்தி கிடைக்கும். கவலைப்படவேண்டாம். அம்மன் வழிபாடு, துர்க்கை வழிபாடு மேற்கொள்ளவும். படிப்படியாக பிரச்சினைகள் குறையும். 2026 ஜனவரிக்கு பிறகு சனி தசையில் குரு புக்தி தொடங்குகின்றபொழுது கடன்கள் முழுமையாக குறைந்து மன நிம்மதி ஏற்படும். நான் அரசு வேலைக்காக முயற்சி செய்து கொண்டிருக்கின்றேன். எனக்கு அரசு வேலை எப்போது கிடைக்கும் என்று கூறுங்கள்? -பழனிக்குமார், இராமநாதபுரம். உத்திராட நட்சத்திரம், மகர ராசி, துலா லக்னத்தில் பிறந்த உங்களுக்கு 10-ஆம் அதிபதி சந்திரன், சூரிய நட்சத்திரத்தில் 4-ல் இருந்தாலும் பாவகரீதியாக 3-ல் உள்ளார். 10-ஆம் வீட்டில் சூரியன் இருக்கின்ற ஒரே காரணத்துக்காக அரசு வேலை என்று கூறிவிட முடியாது. சூரியன் 10-ல் இருக்கின்ற காரணத்தால் அரசு சார்ந்த துறைகளில் வேலை கிடைக்கக்கூடிய வாய்ப்புகள் உண்டு. அதிலும் குறிப்பாக தற்போது பாவகரீதியாக 12லில் இருக்கக்கூடிய ராகு தசை நடைபெறுவதால் பன்னாட்டு நிறுவனத் தில் பணிபுரிவதற்காக முயற்சித்தால் வெளியூர் வேலைவாய்ப்பு, வெளிநாடு செல்லக்கூடிய யோகங்கள் அனுகூலத்தை தரும். பிறந்த ஊர், பிறந்த மாநிலத்தைவிட வேலை நிமித்தமாக வெளியூர், வெளிநாடு செல்வதற்கான வாய்ப்புகள் பலமாக இருக்கிறது; முயற்சிக்கவும். அம்மன் வழிபாடு, துர்க்கை வழிபாடு மேற்கொள்ளவும்; நல்லது நடக்கும்.

இவருக்கு ஜாதகப்படி திருமணம் நடைபெறுமா என்று கூறுங்கள்? -குணசேகரன், திருமுல்லைவாயில்.

ரேவதி நட்சத்திரம், மீன ராசி, மகர லக்னத்தில் பிறந்த இந்த ஜாதகத்திற்கு 7-ஆம் அதிபதி சந்திரன் 3-ல் இருப்பதும் லக்னத்தில் சுக்கிரன் இருப்பதும் சிறப் பான அமைப்பு என்றாலும் குரு, சனி, செவ்வாய் ஆகிய கிரகங்கள் வக்ரம் பெற்றிருப்பதால் நல்லகாரியம் நடக்கத் தடை ஏற்படுகிறது. பிறக்கின்றபொழுதே சூரியன் ராகு சாரம் பெற்றிருப்பதும், மூன்று கிரகங்கள் வக்ரம் பெற்றிருப்பதும் தோஷம் என்ற காரணத்தினால் நல்லது நடக்க இடையூறுகள் ஏற்படுகிறது. அந்நியத்தில் திருமணத்திற்காக முயற்சிகள் மேற்கொள்வது, அந்நிய ஜாதிப் பெண்ணை திருமணத்திற்காக முயற்சி மேற்கொள்வது நற்பலனை தர வாய்ப்பு உண்டு. 9-5-2024 முதல் 7-ஆம் அதிபதி சந்திர தசை நடக்கின்றபொழுது இறையருளால் ஒரு நல்லது நடக்க வாய்ப்பு உள்ளது. தொடர்ந்து குலதெய்வ வழிபாடு மேற்கொள்ளவும்.