பொறியியல் நிபுணராக ஜோதிட நெறிகள்! -முருகு பாலமுருகன்

இன்றைய சமுதாயத்தில் பரபரப்பாக பேசக்கூடிய கல்வியாக பொறியியல் கல்வி விளங்குகிறது. கடந்த பத்து ஆண்டுகளுக்கு முன்பெல்லாம் பொறியியல் கல்வியில் சேர்வ தென்பது எட்டாக் கனியாக இருந்தது. ஆனால், தற்போது பொறியியல் கல்வி என்பது சாதாரண மக்கள்கூட சேர்ந்து படிக்கக்கூடிய கல்வியாக மாறி விட்டது.

பொதுவாக பட்டக் கல்வி, உயர் கல்வி படிப்பதெற்கெல்லாம், ஜாதக அமைப்பு பலமாக இருந்தால் கல்வியில் சாதனை செய்யக்கூடிய அமைப்பு உண்டாகி றது. எப்படிப்பட்ட கிரக அமைப்புகள் இருந்தால் பொறியியல் கல்வி கற்கக்கூடிய அமைப்புண்டாகும் என்பதனை இங்கு பார்ப்போம்.

கல்வி காரகன் புதன் பலமாக இருப்பதும், ஜென்ம லக்னத்திற்கு நட்பு வீட்டிற்கு அதிபதியாக இருப்பதும் மிகவும் நல்லது. சூரியன்- புதன் சேர்க்கை ஏற்பட்டு கேந்திர திரிகோணங்களில் அமைவதும், 3, 11 ஆகிய பாவங்களில் அமைவதும் சிறப்பான அமைப் பாகும். கேந்திர ஸ்தானங்களில் கிரகங்கள் ஆட்சி, உச்சம்பெற்று பஞ்சமகா புருஷ யோகம் அமைவதும் சிறப்பான யோக மாகும். அதுபோல சனி- செவ்வாய் ஒருவரை யொருவர் பார்த்துக்கொள்வதும், இணைந் திருப்பதும் சிறப்பான அமைப்பாகும். சுக்கிரன்- சனி சேர்க்கை ஏற்படுவதும், இருவரும் ஒருவருக்கொருவர் பார்த்துக் கொள்வதும் சிறப்பான அமைப்பாகும்.

அதுபோல ராகு பகவான் பலமாக இருப்பது நவீனகரமான கல்வியில் ஈடுபாடு கொடுக்கும். செவ்வாய் பலமாக அமையப்பெற்றால் சிறப் பான நிர்வாகத் திறமையை உண்டாக்கும்.

சிலகிரக அமைப்புகள் வாழ்வில் சாதனை செய்யும் அமைப்புகளை உண்டாக்குகிறது. ஜென்ம லக்னத்திற்கு 4-ஆம் பாவம் கல்வி ஸ்தானம் என்பதுபோல ஜீவன பாவமான 10-ஆம் பாவம் தொழில் ஸ்தானமாகும்.

சூரியன், புதன் பலமாக சேர்க்கை பெற்றிருந்தாலும் சந்திரன், குரு, புதன் பலமாக சேர்க்கை பெற்றிருந்தாலும் மெக்கானிக்கல் எஞ்சினியர் ஆகக்கூடிய அமைப்பு உண்டாகும்.

சூரியன், புதன் பலமாக சேர்க்கைபெற்று சனி பார்வை பெற்றால் கம்ப்யூட்டர் எஞ்சினியர் ஆகக்கூடிய அமைப்பு உண்டாகும். சுக்கிரன், ராகு சேர்க்கை பெற்றா லும் ராகு பலமாக அமையப்பெற்றா லும் எலக்ட்ரானிக் எஞ்னியர் ஆகக்கூடிய அமைப்பு உண்டாகும்.

புதன், சுக்கிரன் சேர்க்கை பெற்றால் கெமிக்கல், எலக்ட்ரிக்கல் தொடர்புடைய துறையும், செவ்வாய், புதன், சனி சேர்க்கைபெற்றால் தொழில்நுட்பக் கல்வியிலும், சந்திரன், புதன் சேர்க்கை பெற்றால் டெக்ஸ்டைல் துறையிலும், சந்திரன், செவ்வாய், புதன் சேர்க்கைபெற்றால் கப்பல் துறையிலும், சந்திரன், சனி, புதன் அல்லது செவ்வாய் சேர்க்கைபெற்றால நிலக்கரி துறையிலும், செவ்வாய், புதன், சுக்கிரன் சேர்க்கை கட்டடத் துறை, சுக்கிரன் பலமாக இருந்தால் கட்டட வரைபட நிபுணர் ஆகக்கூடிய அமைப்பு உண்டாகும்.

அதுபோல சூரியன், செவ்வாய், சனி அல்லது சுக்கிரன் சேர்க்கை பெற்றாலோ, செவ்வாய், புதன் சேர்க்கை, புதன், சனி சேர்க்கை, சனி, சுக்கிரன் சேர்க்கை உண்டானால், வானிலை ஆராய்ச்சி மையம், தகவல் தொடர்புத் துறை போன்றவற்றில் பொறியாளராகக்கூடிய அமைப்பு உண்டாகும்.