ஜோதிட சந்தேகங்கள்! -முனைவர் ஆர். மகாலட்சுமி 29.11.25

சர்மா சாராsharmasara150@gmail.com

14-9-1996-ல் பிறந்தவர். தனுசு லக்னம், கன்னி ராசி, அஸ்த நட்சத்திரம். திருமணம் பற்றி கேட்டுள்ளார்.

இவருக்கு ராசியில் ராகு, 7-ல் கேது, லக்னத்துக்கு 8-ல் நீச செவ்வாய். எனவே இவருக்கு நாகதோஷம், செவ்வாய் தோஷம் உள்ளது. மேலும் சனி, சந்திரன் பார்வை புனர்பூச யோகம் உள்ளது.இவருக்கு ஏற்கெனவே திருமணமாகி முறிந்திருக்க வாய்ப்புள்ளது. அப்படியில்லை யெனில், அம்மனுக்கு தாலி தானம் செய்து விட்டு, திருமண ஏற்பாடு செய்யவும்.2026 மேவரை ராகு தசையில் சுக்கிர புக்தியில் திருமண வாய்ப்புண்டு. அது தட்டி போய்விட்டால், 2028 அக்டோபர் மாதத்திற்குள் நடக்கும். திங்கட்கிழமைதோறும், அம்பாளுக்கு நல்லெண்ணெய் தீபமேற்றி வணங்கவும். அபிஷேகத்திற்கு பால் கொடுக்கவும்.

பெயர் இல்லாத வாசகர்

கணவர் இறந்தபிறகு, தாலி தங்கத்தை என்ன செய்யவேண்டும் என கேட்டுள்ளார். 

பொதுவாக கணவர் இறந்தபிறகு, மனைவியின் தாலியை, ஒரு வருடம் கழித்து, அதனை ஆசாரியிடம் கொடுத்து உருக்கி தங்க கட்டி ஆக்கிவிடுவர். பின் அந்த மாங்கல்ய தங்க கட்டியை கொண்டு, மூத்த மகனுக்கு மோதிரம் செய்து போடுவர். இதுதான் உலக வழக்கம்.தங்கம் விற்கிற விலையில், கோவில் உண்டியலில் எல்லாம் போடவேண்டாம். பொதுவாக, இது பையன்களுக்குச் சேர வேண்டியது. பெண்களுக்கு கொடுக்கும் வழக்கமில்லை.அவ்விதம் பையன் இல்லாவிட்டால் பேரனுக்கு கொடுக்கலாம். சரிதானே! முக்கிய விஷயம்- இந்தமாதிரி விதவைகளின் தாலியை பெண்ணுக்கு கொடுக்கக்கூடாது. ரொம்ப குடும்ப வழக்கம், அது இதுவென்று யோசிக்க வேண்டாம். யைனுக்கு கொடுப்பது பல விதத்திலும் நல்லது. 

எஸ். சுபாஷிணி subhaphykkc@gmail.com

இவர் பூபதி என்பவருக்கு இதுவரையில் வேலை சரியாக அமையவில்லை என்று எழுதியிருக்கிறார்.

பூபதி 19-12-1976-ல் பிறந்தவர். மீன லக்னம், விருச்சிக ராசி, அனுஷ நட்சத்திரம். இவருடைய 6-ஆம் வீடும், 6-ஆம் அதிபதியும் குரு பார்வை பெறுகிறது.அதனால் நிறைய வேலை கிடைத்துக்கொண்டுதான் இருக்கும். ஆனாலும் இவரால், எந்த வேலையிலும் மனம் ஒன்றி, தொடர்ந்து செய்ய இயலாது. ஏனெனில், 6-ஆம் அதிபதியும், பாதகாதிபதியும் சேர்ந்து நிற்கிறார்கள். எனவே வேலை செய்யும் இடத்தில், ஏதோ ஒரு இம்சை வந்துவிடும்.மேலும் இவருக்கு, நடப்பு சுக்கிர தசை. அது இவரின் 8-ஆம் அதிபதி. எனவே இவரை நிம்மதியாக வைத்திருக்காது. அவர் வாங்கிய சாரநாதரும் நீச பங்கம். எனவே மன உளைச்சல் தவிர்க்க முடியாதது.இவருக்கு அரசாங்கமும், உணவும் சேர்ந்தமாதிரி அமையும் வேலை சரிப்படும். முடிந்தபோதெல்லாம் குலதெய்வத்துக்கு விளக்கேற்றி வணங்குங்கள். 

ஜே.பி. ஹர்சன் sudhap1106@gmail.com

திருமணம் எப்போது, வெளிநாட்டு வேலைக்கு செல்வாரா? அல்லது படிப்பு அமையுமா?

31-5-1998-ல் பிறந்தவர். சிம்ம லக்னம், கடக ராசி, ஆயில்ய நட்சத்திரம். கால சர்ப்பதோஷ ஜாதகம். லக்னத்தில் ராகு 7-ல் கேது. நாக தோஷமுள்ளது. மேலும் 7-ஆம் அதிபதி சனி நீசம். கடக ராசிக்கு 8-ல் ராகு ஓடிக்கொண்டிருக்கிறது.நடப்பு, சுக்கிர தசையில், சனி புக்தி 2027, ஜூன்வரை. இது நீச சனியின் புக்தி காலம். எனவே இந்த காலகட்டத்தில் எந்த முக்கிய முடிவும் எடுக்க வேண்டாம். அதன்பிறகு வரும் புதன் புக்தி, இவருக்கு திருமணம், வெளிநாட்டு வேலை வாய்ப்பு என எல்லாம் தரும். அதுவரை, பொறுமையாக இருக்க வும். இந்த காலகட்டத்தில் முக்கிய விஷயம் செய்தால், தோல்வியாகி விடும். முடிந்தால், இந்த ஜாதகர், கல்வியில் அரியர்ஸ் ஏதேனும் வைத்திருந்தால், அதை முடிக்கச் சொல்லவும். அருகிலுள்ள துர்க்கையை வணங்கவும். 

வரதராஜன், மும்பை. 

ஆன்மிக யாத்திரை இப்போது செல்லலாமா?

10-3-1961-ல் பிறந்தவர். மிதுன லக்னம், விருச்சிக ராசி, கேட்டை நட்சத்திரம். நடப்பு ராகு தசையில் சுக்கிர புக்தி. இது 2027 டிசம்பர் வரை உள்ளது. எனவே கண்டிப்பாக சுவாமி தரிசன பயணம் சென்று விட்டு வரவும். தம்பதி சமேதராக ஆன்மிக யாத்திரை அமையும்.பயணங்கள் சிறக்க, விநாயகரை யும் ஆஞ்சனேயரையும் வணங்கி விட்டு செல்லவும்.

பவிக்ஷன்

23-1-2022-ல் பிறந்துள்ளார். இவனுடைய ஜாதகப்படி, இவன் பெற்றோர் நிலை கேட்கப்பட்டுள்ளது.

விருச்சிக லக்னம், கன்னி ராசி, உத்திர நட்சத்திரம். நடப்பு சந்திர தசையில் ராகு புக்தி 2026 அக்டோபர்வரை. அதுவரையில், இவனுடைய பெற்றோர், கொஞ்சம் சண்டையிட்டுக் கொண்டிருப்பர்.  அதன்பிறகு வரும் குரு புக்தி, ஓரளவு சமாதானமாக ஓடும். பௌர்ணமிதோறும், கிரிவலம் வந்தே அல்லது அம்மனை வழிபடுவது நல்லது.