Skip to main content

அமைச்சர் ஜெயக்குமாரைக் கிளிச்சிட்டாங்க... என்.ஜி.கே படத்தின் ரசிகர்கள் விமர்சனம்

Published on 31/05/2019 | Edited on 27/06/2019

சூரியா நடிப்பில் செல்வராகவன் இயக்கியிருக்கும் என்.ஜி.கே படத்தின் முதல் காட்சி இன்று அதிகாலையே வெளியானது. இந்த படத்திற்காக வருடக்கணக்கில் காத்திருந்த ரசிகர்கள் மேல தாளங்களுடன் பட்டாசு வெடித்துப் படத்தைக் கொண்டாடினர். படம் பார்த்து வெளியே வந்த பலதரப்பு ரசிகர்களும் படத்தைப் பற்றி தெரிவித்தக் கருத்துக்களின் தொகுப்பு...

 

 

NGK movie's fans review

 

செல்வராகவன், சூர்யா காம்போ சூப்பரா ஒர்க் அவுட் ஆகியிருக்கு. சூர்யா நல்லா நடிச்சுருக்கார். 
 

செல்வராகவன் சூப்பரா இயக்கியிருக்கார். சாய் பல்லவி நல்லா நடிச்சுருக்காங்க. 
 

செல்வராகவன்தான் படமே. அரசியலில் இறங்குறவுங்க தைரியமா இறங்கனும், அப்படிங்குறதுதான் கதையே. தைரியமா அரசியலுக்கு வாங்க.
 

புதுப்பேட்டைக்கு பிறகு யுவன் சங்கர் ராஜாவின் மியூசிக்கும், செல்வராகவனுடைய மேஜிக் திரைக்கதையும் சரியா க்ளிக் ஆகியிருக்கு. படத்தோட பெரிய ப்ளஸ் வசனம்தான். க்ளைமேக்ஸில் ஒரு வசனம் வரும் சூப்பரா இருக்கும், ஸ்ட்ராங்கான மெசேஜ் சொல்லியிருக்காங்க.
 

படத்தை இன்னும்கொஞ்சம் பார்க்க முடியாதான்னு யோசிச்சோம். டக்குன்னு முடிஞ்சுட்டு.
 

வழக்கமான செல்வராகவன் படம். நல்லாயிருக்கா இல்லையான்னு சொல்ல முடியாத அளவுக்கு இருக்கு. 
 

வேற லெவல் படம். க்ளைமேக்ஸுக்காக எத்தனை தடவை வேணும்னாலும் படம் பார்க்கலாம். 
 

படம் பக்கா, அமைச்சர் ஜெயக்குமாரைக் கிளிச்சிட்டாங்க. 
 

இது சூரியா படம் இல்லை, செல்வராகவன் படம்தான். வித்தியாசமா சூப்பரா இருக்கு.  
செல்வராகவன் திரைக்கதை சூப்பரா இருக்கு. 
 

எதையோ சொல்ல வந்தாங்க, அதுக்குள்ள படம் முடிஞ்சுட்டு. இதுக்கு எல்.கே.ஜி படமே நல்லாயிருந்துச்சு. சர்கார், எல்.கே.ஜி எல்லாத்தையும் சேர்த்த மாதிரி இருக்கு. 
 

நல்லாயிருக்கு. ஆனால், பழைய படத்தோட சாயல் அதிகமா இருக்கு. 
 

யுவனின் பிஜிஎம் வேற லெவல், சூர்யா சில சீன்ல கண்ணாலயே மிரட்டியிருக்கார். சாய் பல்லவி நல்லா நடிச்சுருக்காங்க. அவங்களுக்கு நிறைய ஆக்டிங் ஸ்கோப் இருக்க படம்.


படம் இப்போ நடக்கிற எதார்த்தத்தை சொல்லியிருக்கு. இருந்தாலும் இது இளைஞர்களுக்கு முன் உதாரணமான்னு தெரியலை. 


படத்தில் செல்வராகவன் இன்புட் கொஞ்சம் குறைவா இருக்கு. ஒரு தடவை பார்க்கலாம், செல்வராகவன் சூர்யா காம்போ முடியல...
 

ஃபுல்லி வேஸ்ட், 2 ஆம் பாதி போர் அடிச்சுது, 
 

கரண்ட் அரசியலைத்தான் சொல்லியிருக்காங்க. படம் அவ்ளோவா நல்லா இல்லை.  போர் அடிக்குற இடத்தில் பாட்டையும் சண்டையையும் வச்சு எடுத்திருக்காங்க. 


முதல் பாதி ஒகே. ஆனால், 2 ஆம் பாதி மொக்கைதான். படம் வேஸ்ட். நிறைய எதிர்ப்பார்த்தோம். ஒன்னுமே இல்லை. நாங்க பேனர் வச்சதெல்லாம் வேஸ்ட்.


படம் நல்லாயிருக்கு, இருந்தாலும் 10 வருஷம் கழிச்சுதான் ஹிட் ஆகும்.

 


 

சார்ந்த செய்திகள்

Next Story

“செல்வராகவனை இயக்குவேன் என நினைத்ததில்லை” - தனுஷ்

Published on 22/02/2024 | Edited on 22/02/2024
selvaraghavan look from dhanush 50 raayan movie

கேப்டன் மில்லர் படத்தைத் தொடர்ந்து தற்போது தனது 50 ஆவது படப் பணிகளை கவனித்து வருகிறார் தனுஷ். அவரே இயக்கி நடிக்கும் இப்படத்தின் முழு படப்பிடிப்பும் முடிந்துள்ளது. படத்தின் தலைப்பு மற்றும் ஃபர்ஸ்ட் லுக் போஸ்டர் சமீபத்தில் வெளியானது. அதில் தனுஷ், காளிதாஸ் ஜெயராம், சந்தீப் கிஷன் உள்ளிட்டோர் இடம்பெற்றிருந்தனர். ராயன் எனத் தலைப்பு வைக்கப்பட்டுள்ள இப்படத்திற்கு ஏ.ஆர். ரஹ்மான் இசையமைக்கிறார். இந்தாண்டிற்குள் இப்படம் வெளியாகவுள்ளதாக அறிவிக்கப்பட்டுள்ளது.

முன்னதாக இப்படத்தில் துஷாரா விஜயன், எஸ்.ஜே. சூர்யா, அபர்ணா பாலமுரளி, செல்வராகவன், வரலட்சுமி சரத்குமார் உள்ளிட்ட பலர் நடிக்கவுள்ளதாகத் தகவல் வெளியானது. மேலும் வட சென்னையை மையமாக வைத்து ஒரு கேங்ஸ்டர் ஜானரில் இப்படம் உருவாகி வருவதாகக் கூறப்பட்டது. இதையடுத்து சில தினங்களுக்கு முன்பு செல்வராகவன் இப்படத்தில் நடித்திருப்பதை எக்ஸ் தளம் வாயிலாக அவர் உறுதிப்படுத்தியிருந்தார். மேலும் இப்படம் தனுஷின் கனவு படம் என குறிப்பிட்டிருந்தார்.

இதையடுத்து எஸ்.ஜே. சூர்யா நடித்துள்ளதைப் படக்குழு அவரது கதாபாத்திர லுக் போஸ்டரை வெளியிட்டு உறுதி செய்தது. இந்த நிலையில் தற்போது செல்வராகவன் கதாபாத்திர போஸ்டரை படக்குழு வெளியிட்டுள்ளது. புது லுக்கில் செல்வராகவன் இடம்பெற்றிருக்கிறார். இதுவரையில் செல்வராகவன் இயக்கத்தில் தனுஷ் பல படங்கள் நடித்த நிலையில் இப்படத்தில் செல்வராகவனை தனுஷ் இயக்கியுள்ளார். செல்வராகவனை இயக்குவது குறித்து தனுஷ் வெளியிட்டுள்ள எக்ஸ் பதிவில், “உங்களை ஒரு நாள் இயக்குவேன் என்று நினைத்ததில்லை சார்” என குறிப்பிட்டுள்ளார்.  

Next Story

ராயன் - விளக்கம் கொடுத்து சஸ்பென்ஸ் உடைத்த செல்வராகவன்

Published on 21/02/2024 | Edited on 21/02/2024
dhanush raayan update by selvaraghavan

கேப்டன் மில்லர் படத்தைத் தொடர்ந்து தற்போது தனது 50 ஆவது படப் பணிகளை கவனித்து வருகிறார் தனுஷ். அவரே இயக்கி நடிக்கும் இப்படத்தின் முழு படப்பிடிப்பும் முடிந்துள்ளது. படத்தின் தலைப்பு மற்றும் ஃபர்ஸ்ட் லுக் போஸ்டர் சமீபத்தில் வெளியானது. அதில் தனுஷ், காளிதாஸ் ஜெயராம், சந்தீப் கிஷன் உள்ளிட்டோர் இடம்பெற்றிருந்தனர். ராயன் என தலைப்பு வைக்கப்பட்டுள்ள இப்படத்திற்கு ஏ.ஆர்.ரஹ்மான் இசையமைக்கிறார். இந்தாண்டிற்குள் இப்படம் வெளியாகவுள்ளதாக அறிவிக்கப்பட்டுள்ளது.

சமூக வலைத்தளங்களில் கடந்த சில தினங்களாக, அஜித்தை வைத்து செல்வராகவன் இயக்கவிருந்த காசிமேடு பட கதையைத் தான் தனுஷ், தற்போது ராயன் என்ற தலைப்பில் சிறு மாற்றங்கள் செய்து இயக்கி வருவதாக செய்தி உலா வந்து கொண்டிருக்கிறது. இந்த செய்திக்கு விளக்கம் அளிக்கும் வகையில் செல்வராகவன் அவரது எக்ஸ் பக்கத்தில் பதிவிட்டுள்ளார். அந்த பதிவில், “நண்பர்களே, ராயன் படத்திற்கு நான் ஸ்கிரிப்ட் எழுதியதாக செய்திகள் வந்துள்ளன. ராயன் பட ஸ்கிரிப்ட் அல்லது ஸ்கிரிப்ட் பணிகளிலும் எனக்கு எந்த தொடர்பும் இல்லை என்பதை தெளிவுபடுத்துகிறேன். ராயன் படம் தனுஷின் கனவு ஸ்கிரிப்ட், அதனால் அவரது படமாக எடுத்துள்ளார். இந்த படத்தில் நான் நடிகனாக மட்டுமே இருந்துள்ளேன்” என்றார். 

முன்னதாக இப்படத்தில் துஷாரா விஜயன், எஸ்.ஜே. சூர்யா, அபர்ணா பாலமுரளி, செல்வராகவன், வரலட்சுமி சரத்குமார் உள்ளிட்ட பலர் நடிக்கவுள்ளதாக தகவல் வெளியானது. இந்த சூழலில் செல்வராகவன் இப்படத்தில் நடிப்பதை சொல்லி உறுதிப்படுத்தியுள்ளார்.