ரஜினியின் ஹிட் வசனம்; அரங்கத்தை அதிர செய்த ரன்வீர் சிங்

கோவாவில் கடந்த 20ஆம் தேதி தொடங்கிய இந்திய சர்வதேச திரைப்பட விழா, நேற்றைய தினமான 28ஆம் தேதி நிறைவுற்றது. நிறைவு விழாவில் ரஜினிகாந்தின் 50 ஆண்டுகால திரைப்பயணத்தை கௌரவிக்கும் வகையில் அவருக்கு வாழ்நாள் சாதனையாளர் விருது வழங்கப்பட்டது. 

விருதினை கோவா முதல்வர் பிரமோத் சாவந்த் வழங்கி சிறப்பித்தார். அப்போது மேடையில் மத்திய இணை அமைச்சர் எல் முருகன். தகவல் ஒலிபரப்பு அமைச்சகத்தின் செயலாளர் சஞ்சய் ஜாஜூ மற்றும் பாலிவுட் நடிகர் ரன்வீர் சிங் ஆகியோர் உடன் இருந்தனர். அப்போது ரன்வீர் சிங்கிடம் ரஜினி குறித்து ஏதாவது கூறுங்கள் என தொகுப்பாளர்கள் கேள்வி கேட்டனர். அதற்கு பதிலளித்த அவர், “இந்த ஆளுமையைப் பற்றி பேச நான் மிகவும் சிறியவன். ஒன்று மட்டும் என்னால் சொல்ல முடியும். அவருடைய ஜெயிலர் 2 படத்துக்காக ஆவலுடன் காத்திருக்கிறேன்” என்றார். 

பின்பு ஜெயிலர் படத்தின் பிரபல வசனமான ‘ஹுக்கும்’ என பேசினார். அடுத்து அரங்கில் அமர்ந்தவர்களிடம் மைக்கை காண்பித்து மீண்டும் ஒருமுறை ஹுக்கும் என சொன்னார். உடனே அரங்கத்தில் கைதட்டல்கள் சத்தம் அதிகரித்தது.