Rajinikanth receives Lifetime Achievement Award at IFFI
திரைத்துறையில் தனது ஸ்டைலாலும் துடிப்பான நடிப்பாலும் ரசிகர்கள் மனதில் நீங்கா இடம் பிடித்தவர் ரஜினிகாந்த். அபூர்வ ராகம் படம் மூலம் 1975 ஆம் ஆண்டில் அடி எடுத்து வைத்த அவர் பின்பு பல்வேறு ஹிட் படங்களை கொடுத்து வசூல் சக்கரவர்த்தியாக இன்றளவும் இருக்கிறார். தனது 75 வது வயதிலும் தொடர்ந்து துடிப்பாக நடித்து வரும் ரஜினிகாந்த் திரைத்துறையில் 50ஆவது ஆண்டில் பயணித்து வருகிறார்.
இவரது ஐம்பதாவது ஆண்டு திரைப்பயணத்தை முன்னிட்டு, அவருக்கு விழா எடுக்க அவர்கள் ரசிகர்கள் கோரிக்கை வைத்தனர். மேலும் தென்னிந்திய நடிகர் சங்கமும் அதை பரிசலீத்து வருவதாக சங்கத்தின் பொதுச்செயலாளர் விஷால் பேட்டி கொடுத்திருந்தார். அடுத்த மாதம் அவரது பிறந்த நாள் வருவதால் அந்த விழா நடக்கும் என ரசிகர்கள் எதிர்பார்க்கின்றனர்.
இந்த நிலையில், கோவை திரைப்பட விழாவில் அவருக்கு வாழ்நாள் சாதனையாளர் விருது வழங்க முடிவு செய்யப்பட்டுள்ளதாக அவ்விழா குழு சார்பில் தெரிவிக்கப்பட்டது. அதன்படி, இந்த விழாவில் நிறைவு நாளான இன்று ரஜினிகாந்துக்கு வாழ்நாள் சாதனையாளர் விருது வழங்கி கெளரவவிக்கப்பட்டது.
விருதை வாங்கியப் பிறகு பேசிய ரஜினிகாந்த், “சினிமாவில் இருந்த 50 ஆண்டு திரைப்பயணம், 10 ஆண்டுகள் போல வேகமாக கடந்துவிட்டது. இன்னும் ஜன்மங்கள் இருந்தாலும் அனைத்திலும் நான் ஒரு நடிகராகவும் ரஜினிகாந்தாகவும் பிறக்க விரும்புகிறேன். இந்தப் பெருமை அனைத்தும் சினிமாத் துறையினருக்கும், முக்கியமாக என்னை வாழவைக்கும் தெய்வங்களான தமிழ் மக்களுக்கும் செல்கிறது” என்று பேசினார். கோவாவில் 56வது இந்திய சர்வதேச திரைப்பட விழா கடந்த 20ஆம் தேதி முதல் இன்று (28-11-25) வரை நடைபெற்றது என்பது குறிப்பிடத்தக்கது.
Follow Us