‘ரஜினி கேங்’ பட ஃபர்ஸ்ட் லுக் வெளியீடு

மிஷ்ரி எண்டர்பிரைசஸ் தயாரிப்பில் இயக்குநர் எம். ரமேஷ் பாரதி இயக்கத்தில் ஹாரர் காமெடி ஜானரில் உருவாகியுள்ள திரைப்படம் ‘ரஜினி கேங்’. இப்படத்தை ரஜினி கிஷன் தயாரித்து நடிக்கிறார். இவரோடு திவிகா நாயகியாகவும் மொட்டை ராஜேந்திரன், ராம் தாஸ்,கூல் சுரேஷ், கல்கி ராஜா ஆகியோர் முக்கிய கதாப்பாத்திரங்களிலும் நடித்துள்ளனர். ப்ளூ எனும் நாய் படம் முழுக்க ஒரு கதாப்பாத்திரத்தில் வருகிறது. 

இப்படத்திற்கு பொறியாளன், போங்கு, சட்டம் என் கையில் போன்ற படங்களின் இசையமைப்பாளர் ஜோன்ஸ் ரூபர்ட் இசையமைக்கிறார். ஊரை விட்டு ஓடிப்போகும் ஒரு காதல் ஜோடி, கல்யாணம் செய்துகொள்ளும் நிலையில், அவர்கள் எதிர்பாராவிதமாக சந்திக்கும் அமானுஷ்ய அனுபவங்கள், அதை தொடர்ந்து நடக்கும் சம்பவங்களை கமர்ஷியல் ஹாரர் காமெடியாக இப்படம் உருவாகியுள்ளது. இப்படத்தின் படப்பிடிப்பு சென்னையின்  படப்பை,  மறைமலைநகர் போன்ற பகுதிகளில் நடத்தி முடிக்கப்பட்டுள்ளது.  

இந்த நிலையில் இப்படத்தின் ஃபர்ஸ்ட் லுக் மற்றும் டைட்டில்  டீசர் வெளியாகி 2.5 மில்லியன் பார்வைகளைப் பெற்றுள்ளது. படத்தின் இறுதிக்கட்ட பணிகள் பரபரப்பாக நடந்து வருகிறது. இந்த வருட இறுதியில் இப்படத்தைத் திரைக்குக் கொண்டுவரப் படக்குழு திட்டமிட்டுள்ளது.