ரஜினி - கமல் படம்; உள்ளே வந்த பிரபல இயக்குநர்

தமிழ் சினிமாவின் உச்ச நட்சத்திரங்களான ரஜினியும் கமலும் ஆரம்பக்காலத்தில் ஒரே படத்தில் இணைந்து நடித்திருந்தனர். அபூர்வ ராகங்கள், மூன்று முடிச்சு, அவர்கள், பதினாறு வயதினிலே மற்றும் நினைத்தாலே இனிக்கும் உள்ளிட்ட படங்களும் இந்த லிஸ்டில் அடங்கும். கடைசியாக இருவரும் ‘அல்லாவுதீனும் அற்புத விளக்கும்’ படத்தில் நடித்திருந்தனர். இப்படம் 1979ஆம் ஆண்டு வெளியாகியிருந்தது. 

இதனைத் தொடர்ந்து நீண்ட இடைவெளிக்குப் பிறகு கடந்த சில ஆண்டுகளுக்கு முன்பு கொரோனா காலகட்டத்தில் கமல் தயாரிப்பில் லோகேஷ் கனகராஜ் இயக்கத்தில் ரஜினி ஒரு படத்தில் நடிப்பதாக இருந்தது. ஆனால் சில காரணங்களால் இந்த படம் அடுத்தக் கட்டத்திற்கு நகராமல் போனது. இந்த நிலையில் 46 ஆண்டுகளுக்குப் பிறகு ரஜினியும் கமலும் இணைந்து ஒரு படத்தில் நடிக்க தயாராகவுள்ளனர். இப்படத்தை கமலின் ராஜ் கமல் பிலிம்ஸ் இன்டர்நேஷனல் நிறுவனமும் ரெட் ஜெயண்ட் நிறுவனமும் இணைந்து தயாரிக்கவுள்ளதாக கூறப்படுகிறது. ஆனால் இயக்குநர் யார் என்பது இன்னும் இறுதி செய்யப்படாமல் இருந்தது. 

முதலில் லோகேஷ் கனகராஜ் இப்படத்தை இயக்குவதாக தகவல் வெளியானது. ஆனால் தற்போது வந்திருக்கும் லேட்டஸ்ட் தகவல் படி நெல்சன் இயக்கவுள்ளதாக கூறப்படுகிறது. நெல்சன் தற்போது ரஜினியை வைத்து ஜெயிலர் 2 படம் எடுத்து வருகிறார் என்பது குறிப்பிடத்தக்கது.