ஜேசன் சஞ்சய் பட டீசர் அப்டேட்!

விஜய்யின் மகனான ஜேசன் சஞ்சய், சந்தீப் கிஷனை வைத்து ‘சிக்மா’ எனும் தலைப்பில் ஒரு படம் இயக்கி வருகிறார். இப்படத்தை லைகா தயாரிக்க தமன் இசையமைக்கிறார். தமிழ் மற்றும் தெலுங்கில் இப்படம் உருவாகிறது. 

படத்தின் அறிவிப்பு 2023ஆம் ஆண்டு வெளியானது. பின்பு கடந்த ஆண்டு மோஷன் போஸ்டர் வெளியானது. மோஷன் போஸ்டரில், ‘தடைசெய்யப்பட்ட ரகசியம்’(Forbidden Secret) என்ற புத்தகம் இடம்பெற்றிருந்தது. அதனால் இதுவரை சொல்லப்படாத கதையை இப்படம் சொல்லும் என எதிர்பார்க்கப்பட்டது. இதையடுத்து எந்த அப்டேட்டும் இல்லாமல் இருந்தது. இடையில் சந்தீப் கிஷன் பிறந்தநாளுக்கும் ஜேசன் சஞ்சய் பிறந்தநாளுக்கும் வாழ்த்து வீடியோ வெளியிடப்பட்டிருந்தது. அதில் படப்பிடிப்பின் காட்சிகள் இடம் பெற்றிருந்தது. 

இதையடுத்து படத்தின் டைட்டில் லுக் வெளியாகியிருந்தது. அதில் சந்தீப் கிஷன், கையில் கட்டு கட்டிக்கொண்டு முகத்தில் சில ரத்தக்கறையுடன் இடம் பெற்றிருக்கிறார். இதை தொடர்ந்து படத்தில் ஒரு குத்துப்பாடல் இருப்பதாகவும் அதற்கு கேத்ரின் தெரசா நடனமாடியுள்ளதாகவும் அவருடன் ஜேசன் சஞ்சையும் நடனமாடியுள்ளதாக தகவல் வெளியாகியிருந்தது. தொடர்ந்து கடந்த 19ஆம் தேதி இப்படத்தின் படப்பிடிப்பு நிறைவடைந்ததாக தெரிவிக்கப்பட்டது. அதோடு பட டீசர் அப்டேட்டும் வெளியாகியிருந்தது. அதாவது படத்தின் டீசர் 23ஆம் தேதி வெளியாகும் என தெரிவில்லப்பட்டிருந்தது. அதன் படி டீசர் நாளை வெளியாகவுள்ள நிலையில் தற்போது அதை நினைவுபடுத்தும் வகையில் ஒரு புது போஸ்டரை படக்குழு வெளியிட்டுள்ளது. இதிலும் நாயகன் சந்தீப் கிஷன் முகத்தில் ரத்தக்கறையோடு தோன்றுகிறார்.  கையில் துப்பாக்கியை சுடும் படி காட்சியளிக்கிறார்.