தமிழ் சினிமாவில் நகைச்சுவை நடிகராகவும், கதாநாயகனாகவும் பயணித்து கொண்டு வருபவர் யோகிபாபு. அந்த வகையில் தற்போது ஆர்.கண்ணன் இயக்கும் அடுத்த படத்திலும் 'ஏ1', 'பாரீஸ் ஜெயராஜ்', போன்ற படங்களை இயக்கிய ஜான்சன் இயக்கும் 'மெடிக்கல் மிராக்கல்' படத்திலும் கதாநாயகனாக நடித்து வருகிறார். இதனிடையே 'கிருமி' படத்தை இயக்கிய அனுசரண் இயக்கும் ‘பன்னிகுட்டி’ படத்தில் கதாநாயகனாக நடித்துள்ளார். திண்டுக்கல் ஐ. லியோனி, கருணாகரன் உள்ளிட்ட பலர் படத்தின் முக்கிய கதாபாத்திரங்களில் நடித்துள்ளனர். 'லைகா ப்ரோடக்ஷன்' நிறுவனம் தயாரிக்கும் இப்படத்திற்கு கிருஷ்ணகுமார் இசையமைத்துள்ளார். 

இந்நிலையில் ‘பன்னிகுட்டி’ படத்தின் ரிலீஸ் தேதி வெளியாகியுள்ளது. அதன் படி இப்படம் வருகிற ஜூலை 8-ஆம் தேதி திரையரங்குகளில் வெளியாகவுள்ளது. இதனை அதிகாரப்பூர்வமாக சமூக வலைதளத்தில் தெரிவித்து புதிய போஸ்டரையும் படக்குழு வெளியிட்டுள்ளது. காமெடி படமாக உருவாகியுள்ள இப்படத்தின் ட்ரைலர் கடந்த ஆண்டு வெளியாகி நல்ல வரவேற்பை பெற்றது குறிப்பிடத்தக்கது. 

தமிழ் சினிமாவில் முன்னணி காமெடி நடிகராக இருக்கும் யோகி பாபு, அவ்வபோது நல்ல கதையைத் தேர்ந்தெடுத்து கதாநாயகனாகவும் நடித்துவருகிறார். அந்தவகையில், இவர் நடித்த ‘கூர்க்கா’, ‘மண்டேலா’ ஆகிய படங்கள் ரசிகர்கள் மத்தியில் நல்ல வரவேற்பை பெற்றன.

இதனைத் தொடர்ந்து நடிகர் யோகி பாபு, இயக்குநர் அனுசரண் இயக்கும் ‘பன்னிகுட்டி’ படத்தில் கதாநாயகனாக நடித்துள்ளார். திண்டுக்கல் ஐ. லியோனி, கருணாகரன், விஜய் டிவி புகழ் மற்றும் ராமர் ஆகியோர் படத்தின் முக்கிய கதாபாத்திரங்களில் நடித்துள்ளனர். கிருஷ்ணகுமார் இசையமைத்துள்ள இப்படத்திற்கு சதீஸ் ஒளிப்பதிவு செய்துள்ளார். காமெடி படமாக உருவாகியுள்ள இப்படத்தை லைகா புரொடக்சன் நிறுவனம் தயாரிக்கிறது.

இந்நிலையில், ‘பன்னிகுட்டி’ படத்தின்  தமிழ்நாடு, கேரளா, மற்றும் கர்நாடகா மாநிலங்களின் வெளியீட்டு உரிமையை 11:11 புரொடக்சன் நிறுவனம் கைப்பற்றியுள்ளது. இது தொடர்பான அதிகாரபூர்வ அறிவிப்பைப் படக்குழு வெளியிட்டுள்ளது.