நயன்தாராவை தொடர்ந்து மற்றொரு முன்னணி நடிகையுடன் ஜோடி சேரும் யோகிபாபு

கோலமாவு கோகிலா படத்தில் நயன்தாராவை ஒருதலையாக காதலிக்கும் கதாபாத்திரத்தில் யோகி பாபு நடித்திருந்தார். இந்நிலையில் யோகிபாபுவுடன் அஞ்சலி ஜோடியாக இருப்பதாக தகவல் ஒன்று வெளியாகியுள்ளது. பேன்டஸி காமெடி பின்னணியில் உருவாகும் இப்படத்தை சொன்னா புரியாது பட இயக்குநர் கிருஷ்ணா இயக்குகிறார்.

பாலூன் திரைப்படத்தின் மூல இயக்குநராக அறிமுகமான சினிஷ்தான் இந்த படத்தை தயாரிக்கிறார். இதில் விஜய் டிவி ராமரும் ஒரு கதாபாத்திரத்தில் நடிக்கிறார்.

கூடைப்பந்து பயிற்சியாளராக வரும் அஞ்சலியை ஒருதலையாக காதல் செய்யும் கதாபாத்திரத்தில் நடிக்கிறார் யோகிபாபு. செப்டம்பர் மாத தொடக்கத்தில் இப்படத்தின் ஷூட்டிங் இந்தியாவில் பல்வேறு பகுதிகளில் எடுக்கப்படுகிறது. இந்தப் படத்துக்கு விஷால் சந்திரசேகர் இசையமைக்கிறார்.