Skip to main content

'ஸ்ரீதேவிக்காக அம்மாவிடம் பேசிய கமல்' - 'மூன்றாம் பிறை' ரகசியம் பகிரும் எழுத்தாளர் சுரா 

Published on 08/04/2022 | Edited on 08/04/2022

 

writer sura

 

எழுத்தாளரும் மூத்த பத்திரிகையாளருமான சுரா, தன்னுடைய திரையுலக அனுபவங்களையும், நாம் பார்த்து ரசித்த நடிகர்களின் அறியாத பக்கங்கள் குறித்தும் நக்கீரன் ஸ்டூடியோ யூடியூப் சேனலில் பகிர்ந்து வருகிறார். அந்த வகையில், பாலுமகேந்திரா இயக்கிய 'மூன்றாம் பிறை' படம் குறித்து அவர் பகிர்ந்து கொண்டவை பின்வருமாறு... 

 

மூன்றாம் பிறை திரைப்படம் வெளியாகி 40 ஆண்டுகள் கடந்துவிட்டன. ஆனாலும், திரையுலக வரலாற்றில் முக்கிய இடத்தை பெற்று மக்களின் மனங்களிலும் நீங்காத இடத்தைப் பெற்றுள்ளது மூன்றாம் பிறை. இன்னும் எத்தனை ஆண்டுகளானாலும் மூன்றாம் பிறை படத்தை நம்மால் மறக்கவே இயலாது. காலத்தைக் கடந்து நிற்கக்கூடிய அமர காவியம் மூன்றாம் பிறை. 

 

1982ஆம் ஆண்டு முன்னாள் அமைச்சர் ஆர்.எம்.வீரப்பனின் மருமகன் டி.ஜி.தியாகராஜன் சத்யா மூவிஸ் நிறுவனத்தைக் கவனித்துவந்தார். அவருக்கு ஒத்தாசையாக சத்யஜோதி தியாகராஜன் இருந்தார். அந்தக் காலத்தில் சத்யா மூவிஸ், எம்.ஜி.ஆரை வைத்து நிறைய படங்கள் தயாரித்தார்கள். பின்னாட்களில், ரஜினி, கமல்ஹாசனை வைத்தும்கூட படம் எடுத்தார்கள். ஒருகட்டத்தில் தனியாக படமெடுக்கலாம் என நினைத்த  தியாகராஜன், சத்யா மூவிஸ் நிறுவனம் போல ஆக்ஷன் கலந்த கமர்ஷியல் படங்களாக இல்லமால் மென்மையான படங்கள் எடுக்கலாம் முடிவெடுக்கிறார். அப்போதுதான் தியாகராஜனின் பால்யகால நண்பரான மணிரத்னம் மூலம் பாலுமகேந்திரா அறிமுகம் ஆகிறார்.

 

மணிரத்னம் 'பல்லவி அனு பல்லவி' என்ற கன்னடப்படம் மூலம் திரைத்துறையில் அறிமுகமானார். அந்தப் படத்திற்கு பாலுமகேந்திராதான் கேமராமேன். பின், பாலுமகேந்திரா தியாகராஜனிடம் சென்று ஒரு கதையை கூறினார். அந்தக் கதைதான் மூன்றாம் பிறை படமாக பின்னாட்களில் வந்தது. சத்யஜோதி ஃபிலிம்ஸ் தயாரிப்பில் வெளியான முதல்படம் மூன்றாம் பிறை. கமலுக்கும் கதை பிடித்திருந்ததால் அவரும் நடிக்க சம்மதம் தெரிவித்துவிட்டார். முதிர்ச்சியான நடிப்பை வெளிப்படுத்தக்கூடியவராக கதாநாயகி இருக்க வேண்டும் என்பதால் யாரை நடிக்க வைக்கலாம் என்று யோசித்தபோது கமல்தான் ஸ்ரீதேவியை பரிந்துரைத்தார். ஸ்ரீதேவியின் அம்மாவிடம் கமல்ஹாசனே நேரடியாக பேசி ஸ்ரீதேவியை படத்திற்குள் கொண்டுவந்தார். படத்தில் கதாநாயகிக்கு முக்கியத்துவம் இருந்ததால் ஸ்ரீதேவியும் நடிக்க சம்மதித்துவிட்டார். 

 

ஊட்டியில்தான் படப்பிடிப்பு நடந்தது. கமல், ஸ்ரீதேவி இருவருமே அற்புதமாக நடித்திருப்பார்கள். இந்தப் படத்தில் வரும் 'கண்ணே கலைமானே' பாடல்தான் கண்ணதாசனின் கடைசி பாடல். உடல்நிலை பாதிக்கப்பட்டிருந்த கண்ணதாசன் வெறும் 10 நிமிடத்தில் அந்தப் பாடலை எழுதிக்கொடுத்தார். மூன்றாம் பிறையில் வரும் 'பூங்காற்று புதிதானது' என்ற பாடலையும் கண்ணதாசன்தான் எழுதியிருப்பார். 

 

பொதுவாக பாலுமகேந்திரா காலை இளம்வெயிலிலும், சாயங்காலம் வெயில் குறைந்த பிறகும்தான் படப்பிடிப்பு நடத்துவார். அதனால்தான் அவர் படங்கள் மென்மையாகவும், கவித்துவமாகவும் இருக்கும். மூன்றாம் பிறை படத்தின் க்ளைமேக்ஸ் காட்சி உணர்வுப்பூர்வமாக இருக்கும். அந்தக் காட்சியை மூடுபனியில்தான் பாலுமகேந்திரா படமாக்கியிருப்பார். வெளிச்சம் குறைவான அந்த மூடுபனியில் படம் பிடிக்க தயாரிப்பளாருக்கு உடன்பாடில்லையாம். ஆனால், பாலுமகேந்திரா உறுதியாக இருந்ததால் படமாக்கியுள்ளார்கள். பின், படம் பிடித்தவுடன் லைட்டிங் சரியாக இருக்கிறதா, காட்சி சிறப்பாக வந்திருக்கிறதா என உறுதி செய்ய அந்த ஃபிலிமை அங்கிருந்து சென்னையில் உள்ள ஸ்டூடியோவிற்கு அனுப்பியுள்ளார்கள்.

 

ஸ்டூடியோவில் காட்சியை பார்த்தவர்கள் ஆச்சர்யம் அடைந்துவிட்டனர். காட்சி பிரம்மாதமாக இருக்கிறது, எப்படிப்பட்ட ரிசல்ட்டை பாலுமகேந்திரா சார் கொடுத்திருக்கிறார் என்று ஸ்டூடியோவில் படம் பார்த்தவர்கள் சொன்னவுடன் தியாகராஜனுக்கு கண்கள் கலங்கிவிட்டதாம். பின், படம் வெளியானவுடன் சிறந்த நடிகருக்கான தேசிய விருது கமல்ஹாசனுக்கும், சிறந்த ஒளிப்பதிவாளருக்கான விருது பாலுமகேந்திராவுக்கும் கிடைத்தது. அதேபோல தமிழக அரசின் 5 விருதுகள் மூன்றாம் பிறை படத்திற்கு கிடைத்தது. மூன்றாம் பிறை படத்திற்கு பின்னால் உள்ள இந்த சுவாரசியத் தகவல்கள் இன்றைய தலைமுறையினருக்கு தெரியாது.

 

 

சார்ந்த செய்திகள்

Next Story

‘கொம்புல பூவைச் சுத்தி நெத்தியில் பொட்டு வச்சு’ - சென்னையில் ஜல்லிக்கட்டு; கமல் முயற்சி

Published on 06/01/2023 | Edited on 06/01/2023

 

 

 

காங்கிரஸ் முன்னாள் தலைவர் ராகுல் காந்தி கன்னியாகுமரி முதல் காஷ்மீர் வரை இந்திய ஒற்றுமை நடைபயணம் மேற்கொண்டு வருகிறார். செப்டம்பர் 7 aaம் தேதி கன்னியாகுமரியில் தொடங்கிய ராகுல் காந்தியின் ஒற்றுமை நடைபயணம் கேரளா, ஆந்திரா, கர்நாடகா, தெலங்கானா, மகாராஷ்டிரா, மத்தியப்பிரதேசம் மற்றும் ராஜஸ்தான் மாநிலங்களைக் கடந்து தற்போது உத்தரப்பிரதேசம் வந்தடைந்துள்ளது.

 

இந்திய ஒற்றுமைப் பயணத்திற்காக டெல்லியில் நடைபெற்ற பேரணியில் மக்கள் நீதி மய்யத் தலைவர் கமல்ஹாசன் கலந்து கொண்டார். இந்தப் பேரணியில் மக்கள் நீதி மய்யத்தின் கட்சித் தொண்டர்கள் சிலரும் கலந்து கொண்டனர். 

 

இந்திய ஒற்றுமைப் பயணம் முடிந்த பின் தமிழகம் திரும்பிய பின் மக்கள் நீதி மய்யத் தலைவர் கமல்ஹாசன் தனது கட்சியினருக்கு கடிதம் ஒன்றை எழுதினார். அதில் ஒற்றுமைப் பயணத்தில் கலந்து கொண்டவர்களுக்கு ஜனவரி 6 இல் விருந்து ஏற்பாடு செய்துள்ளதாகக் கூறியிருந்தார். இந்நிலையில், இன்று சென்னை ராஜா அண்ணாமலைபுரத்தில் உள்ள முத்தமிழ் பேரவையில் விருந்து நிகழ்ச்சி நடைபெற்றது. இதன் பின் கமல்ஹாசன் செய்தியாளர்களைச் சந்தித்தார்.

 

கட்சியினர் உடனான கூட்டம் குறித்த கேள்விகளுக்கு பதிலளித்த அவர், “கட்சி நிர்வாகிகளிடம் பேசினோம். ஒரு குரல் கேட்டதும் அவர்கள் திரண்டு டெல்லிக்கு வந்தார்கள். பாரத் ஜோடோ யாத்திரையில் கலந்து கொண்டார்கள். இது முதற்கட்ட நடவடிக்கை தான். பாரதத்தின் இழந்த மாண்புகளை மீட்டெடுக்க வேண்டிய பொறுப்பு நம்மிடம் உள்ளது. கட்சிக்கு அப்பாற்பட்ட யாத்திரை இது. அதையும் சொல்லிவிட்டு அடுத்தகட்ட ஏற்பாடுகளைச் சொன்னோம். என் மனதில் உள்ள திட்டங்களில் ஒன்று சென்னையில் ஜல்லிக்கட்டைக் கொண்டு வந்து நடத்த வேண்டும் என்பது. அதற்கான அனுமதிகளைப் பெறுவதற்காக முயன்று வருகிறோம். மற்றபடி கட்சி சம்பந்தமான விஷயங்களை விவாதித்தோம். 

 

சென்னையில் ஜல்லிக்கட்டு நடத்த வேண்டும். ஜல்லிக்கட்டுக்காகப் போராட்டம் நடந்த இடத்திலேயே நடத்த முடியாது. அதில் சில சட்டச்சிக்கல்கள் உள்ளன. ஆனாலும் சென்னையில் நடத்த வேண்டும். நகரத்தில் உள்ளவர்களுக்கு அதன் அருமை தெரியவேண்டும் என்பது எங்கள் ஆசை.” எனக் கூறினார்.

 


 

Next Story

“சிவாஜி பேச மறுத்த வசனம்; அவருக்காக இவர் தான் பேசினார்” - எழுத்தாளர் சுரா பகிர்ந்த சுவாரசியம்  

Published on 30/11/2022 | Edited on 30/11/2022

 

sura

 

நக்கீரன் ஸ்டூடியோ யூடியூப் சேனலுக்கு எழுத்தாளர் சுரா அவர்கள் ஞான ஒளி திரைப்படத்தின் ஒரு பாடல் பற்றி பகிர்ந்து கொண்ட சுவாரசியமான தகவல்கள் பின்வருமாறு…

 

நடிகர் திலகம் சிவாஜி கணேசன் நடித்து நூறு நாட்கள் ஓடிய திரைப்படம் ஞான ஒளி. இத்திரைப்படத்தின்  கதை, வசனம் எழுதியவர்  வியட்நாம் வீடு சுந்தரம். இவர் சிவாஜி நாடக மன்றத்துக்கு வியட்நாம் வீடு  என்ற நாடகத்தை எழுதினார். நாடகத்தின் நாயகனாக சிவாஜி கணேசன் நடித்தார். நாடகத்தின் புகழ் காரணமாக, இதே கதையை சிவாஜி பிலிம்ஸ் திரைப்படமாக தயாரித்தது. பி.மாதவன் வியட்நாம் வீடு என்ற படத்தை இயக்கினார். இதுவும் நூறு நாட்கள் ஓடியது. பின்பு அதன் புகழ் காரணமாக கதை ஆசிரியர் சுந்தரம், வியட்நாம் வீடு சுந்தரம் என அழைக்கப்பட்டார். அதன் பிறகு, சிவாஜி கணேசனை வைத்து கௌரவம் என்ற படத்தை வியட்நாம் வீடு சுந்தரம் இயக்கினார். கதை ஆசிரியராக இருந்த வியட்நாம் வீடு சுந்தரம் இந்த திரைப்படத்தின் மூலம் இயக்குநர் ஆனார்.  இந்தப் படமும்  நூறு நாட்கள் ஓடியது. 

 

இந்தத் திரைப்படத்தில் சிவாஜி கணேசன் வக்கீலாகவே வாழ்ந்து மிகவும் சிறப்பாக நடித்தார். அதன் பிறகு, கர்ணன் என்ற கதாபாத்திரம் மூலமும், சுந்தரம் என்ற கதாபாத்திரம் மூலமும் காலம் கடந்து வாழ்ந்து கொண்டு இருக்கிறார்.

 

இதே மாதிரி  ஞான ஒளி என்ற நாடகத்திற்கு வியட்நாம் சுந்தரம் கதை எழுதினார். நாடகத்தின் வெற்றி, அதன் புகழ் காரணமாக திரைப்படமாக ஜெ.ஆர்.மூவிஸ் என்ற நிறுவனம் தயாரித்தது. சிவாஜி கணேசன் உடன் இணைந்து மேஜர் சுந்தர்ராஜன் நடித்தார். இதுவும் நூறு நாட்கள் ஓடியது. பி.மாதவன் என்பவர் இயக்கினார். சிவாஜி கணேசன் நடித்த மிகச்சிறந்த திரைப்படங்களில் ஞான ஒளியும் ஒன்று. ஞான ஒளி திரைப்படத்தை இப்போது உள்ள தலைமுறையினர் பார்த்தால் கூட ஒரு மிகச்சிறந்த திரைப்படம் என்பதை உணரலாம். சிவாஜி கணேசன் எந்த அளவுக்கு ஆழமாக நடித்து முத்திரை பதித்து உள்ளார் என்பதை உணரலாம். ஆண்டனி என்ற கிறிஸ்தவ கதாபாத்திரத்திற்கு உயிர் கொடுத்திருப்பார் என்பதையும் அறியலாம். 

 

ஞான ஒளி திரைப்படத்தில் வரும், 'தேவனே என்னை பாருங்கள்' என்ற பாடல் இன்றளவும் மிகவும் பிரபலமாக வானொலி, மேடைகள், கலை நிகழ்ச்சிகளில் ஒலித்துக் கொண்டுள்ளது. இந்தப் பாடலின் நடுவில் வரும் வசனமான ‘ஓ  மை  லார்ட் பார்டன்  மீ,  இந்த மந்தையில் இருந்த இரண்டு ஆடுகள் இரு வேறு பாதையில் போய் விட்டன’ என்ற வசனத்தை சிவாஜி உச்சரிக்க மறுத்து விட்டார். பின்பு அவரது உதவியாளர் ஜோசப்  கிருஷ்ணன் என்ற ஆங்கிலோ இந்தியரை வைத்து பாட வைக்க முடிவு செய்தனர். பின்பு தவிர்த்து விட்டனர். அதன் பிறகு, சதன் என்ற மிமிக்ரி கலைஞர் அவர்கள் மூலம் பாட வைக்கலாம் என முடிவு செய்தனர். ஆனால் அதுவும் ஒர்க்கவுட் ஆகவில்லை. 

 

பின்பு பாடல் மற்றும் வசனம் என இரண்டையும் டி.எம். செளந்தராஜன் அவர்களே பாடவும் முடிவு செய்தார்கள். இருந்தாலும் சிவாஜி எப்படி உச்சரிப்பாரோ அது போன்று உச்சரிக்க வேண்டும் என்று சிவாஜியை உச்சரிக்கச் சொல்லி, அதை காதில் வாங்கி, சிவாஜி எப்படி உச்சரிப்பாரோ அதே போன்று டி.எம்.சௌந்தரராஜன் பாடினார். சிவாஜி கணேசன் எந்த அளவிற்கு உணர்ச்சிவசப்பட்டு நடிப்பாரோ அந்த அளவிற்கு உச்சரித்தார் டி.எம்.எஸ்.  ஐம்பது சதவீதம் சிவாஜி கணேசன் அளவுக்கு உச்சரித்தார். அதனால் தான்  இரண்டு மாமன்னர்களும் காலங்கடந்து சென்றாலும், மக்கள் மனதில் பசுமையாக வாழ்ந்து கொண்டு இருக்கிறார்கள்.