“அவருக்கு கரோனா இருந்தது, ஆனால்...”- மறைந்த இசையமைப்பாளரின் சகோதரர் விளக்கம்!

1998ஆம் ஆண்டு சல்மான்கான் நடித்த ‘பியார் கியா தோ தர்ணா க்யா’ படத்தின் மூலம் பாலிவுட்டில் இசையமைப்பாளர்களாக அறிமுகமான சாஜித்- வாஜித் சகோதரர்கள் அதன்பிறகு சல்மான்கானின் ஆஸ்தான இசையமைப்பாளர்களாக விளங்கினர்.

இந்நிலையில் சாஜித்- வாஜித் சகோதரர்களில் ஒருவரான வாஜித் கான் இன்று (ஜூன் 1) உடல்நலக் குறைவால் காலமானார். வாஜித் கான், கரோனா தொற்று காரணமாக மறைந்தார் எனத் தகவல் வெளியானதை அடுத்து அவரது சகோதரர் சாஜித் கான், வாஜித் கானுக்கு கரோனா தொற்று இருப்பது உறுதி செய்யப்பட்டிருந்தது. ஆனால், அவர் மாரடைப்பின் காரணமாக மரணமடைந்தார் எனத் தெரிவித்துள்ளார்.