Skip to main content

“500 மில்லியன்”-  அடிச்சுத்தூக்கிய அஜித் படத்தின் பாடல்கள்!

Published on 12/03/2020 | Edited on 12/03/2020

கடந்த வருட பொங்கல் பண்டிகைக்கு அஜித் நடிப்பில், சிறுத்தை சிவா இயக்கத்தில் வெளியான படம் விஸ்வாசம். ரஜினியின் பேட்ட திரைப்படத்துடன் வெளியாகி செம ஹிட்டான படம் விஸ்வாசம். 
 

viswasam

 

 

மேலும் டி.இமான் இசையில் கண்ணான கண்ணே, அடிச்சுத்தூக்கு உள்ளிட்ட பாடல்கள் சூப்பர் ஹிட்டானது. யூ-ட்யூபில் 100 மில்லியன் பேர் கண்ணான கண்ணே பாடலை பார்த்திருக்கின்றனர். இதன் ஒரு பகுதியாக, யூடியூப், கானா, ஜியோ சாவன் உள்ளிட்ட தளங்களில் விஸ்வாசம் பாடல்கள் 500 மில்லியன் ஸ்டீரம்களை பெற்று சாதனை புரிந்திருப்பதாக விஸ்வாசம் படத்தின் தயாரிப்பு நிறுவனம் சத்யஜோதி பிலிம்ஸ் தெரிவித்துள்ளது.

நடிகர் அஜித்குமார், ஹெச்.வினோத் இயக்கத்தில் வலிமை என்றொரு படத்தில் நடித்து வருகிறார். இந்த படத்தை போனி கபூர் தயாரிக்க, யுவன் ஷங்கர் ராஜா இசையமைத்துள்ளார்.

 

 

சார்ந்த செய்திகள்

Next Story

“அஜித்தைப் பார்த்து நான் மிரண்டுட்டேன்...” - குட் பேட் அக்லி அப்டேட் கொடுத்த தேவி ஸ்ரீபிரசாத்

Published on 15/07/2024 | Edited on 15/07/2024
devi sri prasad gaves update about the good bad ugly movie

அஜித் குமார், துணிவு படத்தைத் தொடர்ந்து மகிழ் திருமேனி இயக்கத்தில் ‘விடாமுயற்சி’ படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடித்து வருகிறார். மேலும் அர்ஜுன், ரெஜினா கெஸாண்ட்ரா, ஆரவ் உள்ளிட்டோர் நடித்து வருகின்றனர். 

இதற்கிடையில், மார்க் ஆண்டனி படத்தை இயக்கிய ஆதிக் ரவிச்சந்திரன் இயக்கும் ‘குட் பேட் அக்லி’ படத்திலும் அஜித் நடித்தார். இந்தப் படத்தின் ஃபர்ஸ்ட் லுக், செகண்ட் லுக் போஸ்டர்கள் வெளியாகி ரசிகர்கள் மத்தியில் பெரும் வரவேற்பைப் பெற்ற நிலையில், இந்தப் படத்தின் முதற்கட்ட படப்பிடிப்பு ஹைதரராபத்தில் நடந்து வந்தது. இதில் அஜித் பாடல் காட்சிகள் படமாக்கப்பட்டதாகத் தெரிவிக்கப்பட்டது.

மைத்திரி மூவிஸ் மேக்கர்ஸ் தயாரிக்கும் இப்படத்தில் தேவி ஸ்ரீ பிரசாத் இசையமைக்கிறார். இப்படத்தின் முதல் பாடல் காட்சிகள் படமாக்கப்பட்டது குறித்து தேவி ஸ்ரீபிரசாத் அண்மையில் பேசியிருப்பது ரசிகர்களிடம் பெரும் எதிர்பார்ப்பை கிளப்பியுள்ளது. இது குறித்து ஒரு நிகழ்ச்சியில் பேசிய தேவி ஸ்ரீ பிரசாத், “குட் பேட் அக்லி படத்தில் ஒரு பாட்டு பண்ணியிருக்கோம். அந்தப் பாடலுக்கு அஜித், பயங்கரமா டான்ஸ் ஆடி இருக்காரு. அத பார்த்து நான் உண்மையிலே மிரண்டுட்டேன்” எனக் கூறினார். இந்தப் படம் வருகிற 2025ஆம் ஆண்டு பொங்கல் தினத்தன்று வெளியாகும் என ஏற்கெனவே படக்குழுவினர் அறிவித்திருந்தனர் என்பது குறிப்பிடத்தக்கது. 
 

Next Story

மருத்துவமனையில் ஷாலினி; அஜர்பைஜானில் இருந்து வந்த அஜித் குமார்!

Published on 03/07/2024 | Edited on 03/07/2024
Ajith Kumar from Azerbaijan

தடையறத் தாக்க, தடம் போன்ற வெற்றிப் படங்களை இயக்கிய இயக்குநர் மகிழ் திருமேனி இயக்கத்தில், அஜித்குமார் நடிப்பில் உருவாகி வரும் படம் ‘விடாமுயற்சி’. லைகா நிறுவனம் தயாரித்து வரும் இப்படத்தில், த்ரிஷா, அர்ஜுன், ரெஜினா கெஸாண்ட்ரா, ஆரவ் உள்ளிட்டவர்கள் நடித்து வருகின்றனர். இப்படத்தில், இசையமைப்பாளர் அனிருத் இசையமைத்து வருகிறார். இப்படத்தின் படப்பிடிப்பு அஜர்பைஜானில் இருந்து தொடங்கி இந்தியாவில் உள்ள பல்வேறு மாநிலங்களில் நடத்தப்பட்டது. தொடர்ந்து, இப்படத்தின் படப்பிடிப்பு 70 சதவீதம் முடிவடைந்த நிலையில், திடீரென்று நிறுத்தப்பட்டது.

இதனையடுத்து, சில நாட்கள் தொடங்காமல் இருந்த விடாமுயற்சி படத்தின் படப்பிடிப்பு சில தினங்களுக்கு முன்பு மீண்டும் அஜர்பைஜானில் தொடங்கியது. அந்த வகையில், இப்படத்தின் சண்டைக் காட்சிகள் படமாக்கப்படும் வீடியோ சமூக வலைத்தளங்களில் வெளியாகி வைரலானது. இதற்கிடையில், விடாமுயற்சி படத்தின் ஃபர்ஸ்ட் லுக் போஸ்டரை படத்தயாரிப்பு நிறுவனம் கடந்த ஜுன் 30ஆம் தேதி வெளியிட்டது. இது ரசிகர்கள் மத்தியில் பெரும் வரவேற்பை பெற்றது. 

இந்த நிலையில், அஜித் குமாரின் மனைவியும், நடிகையுமான ஷாலினிக்கு மைனர் ஆப்ரேஷன் நடந்துள்ளது. இதனையடுத்து, நேற்று (02-07-24) அஜித் குமார் அஜர்பைஜானில் இருந்து சென்னைக்கு வந்தார். இது தொடர்பான வீடியோ நேற்று வெளியானது. இன்று அஜித் மருத்துவமனைக்கு சென்று தன் மனைவியை நேரில் பார்த்து கவனித்து வந்துள்ளார். அஜித்தும், ஷாலினியும் இருக்கும் புகைப்படம் தற்போது வைரலாகி வருகிறது. மீண்டும் அஜித் அஜர்பைஜானுக்கு சென்று விடாமுயற்சி படப்பிடிப்பில் கலந்துகொள்வார் என்று எதிர்பார்க்கப்படுகிறது.