Skip to main content

“குழந்தையின் படிப்பு செலவை ஏற்றுக் கொள்கிறேன்” - ஹரி வைரவன் குடும்பத்தாருக்கு விஷ்ணு விஷால் நம்பிக்கை

Published on 05/12/2022 | Edited on 05/12/2022

 

vishnu vishal says he will help paased away actor hari vairavan child education

 

'வெண்ணிலா கபடி குழு' படத்தின் மூலம் அறிமுகமாகி, 'நான் மகான் அல்ல', 'குள்ளநரிக் கூட்டம்' உள்ளிட்ட பல படங்களில் நடித்து பிரபலமான நடிகர் ஹரி வைரவன், சில தினங்களுக்கு முன்பு உடல்நலக் குறைவால் காலமானார். இது பலருக்கும் சோகத்தை ஏற்படுத்தியது. இது தொடர்பாக நடிகர் சூரி, இயக்குநர் சுசீந்திரன், அப்புக்குட்டி உள்ளிட்ட திரையுலகினர் பலரும் தங்களது இரங்கலைத் தெரிவித்திருந்தனர். 

 

இந்நிலையில், நடிகர் விஷ்ணு விஷால், ஹரி வைரவன் குழந்தையின் படிப்பு செலவுகளை தான் ஏற்றுக்கொள்வதாக தெரிவித்துள்ளார். இது தொடர்பாக செய்தியாளர்களிடம் அவர் கூறியது, "வைரவனும் நானும் நெருங்கிய நண்பர்கள். கடந்த ஆறு மாதங்களாக அவருடன் டச்-ல தான் இருந்தேன். என்னால் இயன்ற உதவியை கடந்த ஆறு மாதங்களாகச் செய்து வந்தேன். அவரின் மனைவியிடம் பேசினேன். எந்த ஒரு உதவினாலும் நான் செய்கிறேன். கவலைப்படாதீங்க. குழந்தையின் படிப்பு செலவுகளை நான் பார்த்துக் கொள்கிறேன் என்று சொல்லியுள்ளேன். 

 

வைரவனின் கடைசி வாய்ஸ் மெஸேஜ் கூட என்கிட்ட இருக்கு. அதைத் திருப்பியும் நேற்று பிளே பண்ணி கேட்டேன். என்னை எப்போதும் மாப்ளனு தான் கூப்பிடுவார். அந்த மெசேஜில் தேங்க் யூ மாப்ள. நீ எனக்கு உதவி செய்றது ரொம்ப சந்தோஷம் எனச் சொல்லி இருந்தார். இது தொடர்பாக நடிகர் சங்கமும் உதவி செய்வார்கள் என எதிர்பார்க்கிறேன்" என்றார். 

 

 

சார்ந்த செய்திகள்

Next Story

அருண்ராஜா காமராஜ் இயக்கத்தில் விஷ்ணு விஷால்

Published on 05/02/2024 | Edited on 05/02/2024
vishnu vishal new movie with arunraja kamaraj

லால் சலாம், மோகன்தாஸ், ஆர்யன் உள்ளிட்ட படங்களை விஷ்ணு விஷால் கைவசம் வைத்துள்ளார். மேலும் ராம்குமார் இயக்கத்தில் ஒரு படம் நடித்து வருகிறார். இதில் லால் சலாம் படத்தை ஐஸ்வர்யா ரஜினிகாந்த் இயக்கி வரும் நிலையில், ரஜினி சிறப்புத் தோற்றத்தில் நடித்துள்ளார். இப்படம் வருகிற பிப்ரவரி 9 ஆம் தேதி வெளியாகவுள்ளது. 

இதனைத் தொடர்ந்து இதற்குத்தானே ஆசைப்பட்டாய் பாலகுமாரா, காஷ்மோரா உள்ளிட்ட சில படங்களை இயக்கிய கோகுல் இயக்கத்தில் ஒரு படமும், கட்டா குஸ்தி பட இயக்குநர் செல்லா அய்யாவு இயக்கத்தில் ஒரு படமும் தயாரித்து நடிக்கவுள்ளார். 

இந்த நிலையில், தற்போது விஷ்ணு விஷால் நடிக்கும் புது படத்தின் அறிவிப்பு வெளியாகியுள்ளது. அருண்ராஜா காமராஜ் இயக்கத்தில் நடிக்க ஒப்பந்தமாகியுள்ளார். ரோமியோ பிக்சர்ஸ் ராகுல் இப்படத்தை தயாரிக்கிறார். ரோமியோ பிக்சர்ஸ் நிறுவனம் இப்படத்தினை பெரும் பொருட்செலவில் பிரம்மாண்டமாக தயாரிக்கவுள்ளது. இப்படத்தின் தலைப்பு, படத்தில் பணியாற்றவுள்ள நடிகர்கள், தொழில்நுட்பக் கலைஞர்கள் மற்றும் படம் குறித்த மற்ற விவரங்கள் விரைவில் அதிகாரப்பூர்வமாக அறிவிக்கப்படும்.

Next Story

மீண்டும் இணைந்த வெற்றிக் கூட்டணி

Published on 23/01/2024 | Edited on 23/01/2024
vishnu vishal once again joined with gatta kusthi movie director

லால் சலாம், மோகன்தாஸ், ஆர்யன் உள்ளிட்ட படங்களை விஷ்ணு விஷால் கைவசம் வைத்துள்ளார். மேலும் ராம்குமார் இயக்கத்தில் ஒரு படம் நடித்து வருகிறார். இதில் லால் சலாம் படத்தை ஐஸ்வர்யா ரஜினிகாந்த் இயக்கி வரும் நிலையில், ரஜினி சிறப்புத் தோற்றத்தில் நடித்துள்ளார். இப்படம் வருகிற பிப்ரவரி 9ஆம் தேதி வெளியாகவுள்ளது. 

இதனைத் தொடர்ந்து இதற்குத்தானே ஆசைப்பட்டாய் பாலகுமாரா, காஷ்மோரா உள்ளிட்ட சில படங்களை இயக்கிய கோகுல் இயக்கத்தில் நடிக்க கமிட்டாகியுள்ளார். இதனை விஷ்ணு விஷாலே அவரது தயாரிப்பு நிறுவனமான விஷ்ணு விஷால் ஸ்டூடியோஸ் சார்பாக தயாரிக்கிறார். 

இந்த நிலையில் தற்போது அடுத்த படத்திற்கான அறிவிப்பை அறிவித்துள்ளார். கட்டா குஸ்தி பட இயக்குநர் செல்லா அய்யாவு இயக்கத்தில் மீண்டும் ஒரு படத்தில் நடிக்க கமிட்டாகியுள்ளார். இப்படத்தை விஷ்ணு விஷாலே தயாரிக்கிறார். இது குறித்து பேசிய விஷ்ணு விஷால், “கட்டா குஸ்தி படத்திற்கு நீங்கள் கொடுத்த அன்பு தான் எங்களை மீண்டும் இணைய வைத்துள்ளது. விரைவில் அடுத்தடுத்த அப்டேட் வரும்” என அவரது எக்ஸ் பக்கத்தில் குறிப்பிட்டுள்ளார்.