''முதல் முறை ஒரு ஆம்பளையோடு நடித்திருக்கிறேன்'' - விமல் கலகலப்பு 

விமல் - வரலக்ஷ்மி இணைந்து நடித்துள்ள படம் ‘கன்னி ராசி’. பாண்டியராஜன், ரோபோ சங்கர், யோகி பாபு மற்றும் பலர் முக்கிய கதாபாத்திரத்தில் நடித்துள்ள இப்படத்தை கிங் மூவி மேக்கர்ஸ் ஷமீம் இப்ராகிம் தயாரித்துள்ளார். 'தர்மபிரபு' புகழ் எஸ்.முத்துக்குமரன் இயக்கியிருக்கும் இப்படத்தின் பத்திரிகையாளர் சந்திப்பு நேற்று நடைபெற்றது. இதில் நாயகன் விமல் கலந்துக் கொண்டு பேசியபோது....

''இந்த படம் முழுவதும் எனக்கு யாருடனாவது எனக்கு காம்பினேஷன் சீன்கள் இருந்து கொண்டே இருக்கும். அதனால் படம் ரொம்ப ஜாலியாக இருக்கும். இயக்குனருக்கு இன்னும் திருமணம் ஆகவில்லை. அவர் எப்போதும் செட்டில் பத்து பெண்களோடு தான் இருப்பார். அதனால் அவர் அடுத்த வருடத்திற்குள் யாரையாவது செட்பண்ணி கண்டிப்பாக கல்யாணம் செய்துவிடுவார் என்று நினைக்கிறேன். பல படங்களில் பல கதாநாயகிகளுடன் நடித்துள்ளேன். ஆனால், இந்த படத்தில் முதல்முறையாக ஒரு ஆம்பளயோட (வரலக்ஷ்மி) நடித்திருக்கிறேன். இவருடன் நடிப்பதற்கு வசதியாக இருந்தது. ஷாட் ஆரம்பிப்பதற்கு முன் போல்டாக இருக்கும் இவர் ஷாட் ஆரம்பித்ததற்கு பிறகு பெண்ணாக மாறிவிடுவார். பின் ஷாட் முடிந்தபிறகு 'ஏய்' என அதட்டி மீண்டும் போல்டாக மாறிவிடுவார். இப்படத்தில் நல்ல காமெடி செய்து நடித்துள்ளார். அதேசமயம் இயல்பாகவும், எதார்த்தமாகவும் நடித்துள்ளார்'' என்று வரலக்ஷ்மியை பற்றி கலகலப்பாக பேசினார்.

{"preview_thumbnail":"/sites/default/files/styles/video_embed_wysiwyg_preview/public/video_thumbnails/qr1GyXdncSs.jpg?itok=n1UyfZWy","video_url":" Video (Responsive, autoplaying)."]}