'மன்னர் வகையறா' படத்தையடுத்து நடிகர் விமல் தற்போது 'கன்னிராசி' படத்தில் நடித்து வருகிறார். வரலட்சுமி சரத்குமாருடன் ஜோடியாக நடிக்கும் படத்தின் இறுதிக்கட்ட பணிகள் விறுவிறுப்பாக நடந்து வரும் நிலையில், விமல் அடுத்ததாக சற்குணம் இயக்கத்தில் 'களவாணி 2' படத்தில் நடிக்கின்றார். இப்படத்தின் படப்பிடிப்பு விரைவில் தொடங்கவுள்ள நிலையில் விமல் அடுத்ததாக ஒரே நேரத்தில் மறுபடியும் எழில் இயக்கத்தில் ஒரு புதிய படத்திலும், சுராஜ் இயக்கத்தில் ஒரு புதிய படத்திலும் நடிக்க ஒப்பந்தமாகியுள்ளார். இதில் சுராஜ் இயக்கவிருக்கும் படத்தில் 'மருதமலை' பட பாணியில் விமல், வடிவேலு இருவரும் போலீசாக நடிக்க இருப்பதாக தகவல்கள் வெளியாகியுள்ளன.
வைகை புயலுடன் கூட்டணி போடும் களவாணி!
சார்ந்த செய்திகள்
Next Story
விஜயின் பெரிய ப்ராஜெக்ட்டை இயக்கியவரின் அடுத்த படத்தில் விமல்!
'தமிழன் ',' பைசா ', 'டார்ச் லைட்' படங்களுக்குப் பின் இயக்குநர் மஜீத் இயக்கும் புதிய படம் 'தி புரோக்கர்'. இப்படம் சமீபத்தில் பூஜையுடன் தொடங்கியது. நாயகனாக விமல், நாயகியாக 'அண்ணாதுரை 'பட நாயகி டயானா சாம்பிகா, மற்றும் யோகி பாபு, எம்.எஸ்.பாஸ்கர், ரவி மரியா ,வினோத், தம்பி ராமையா, மயில்சாமி,உட்பட பல காமெடி நட்சத்திரங்கள் நடிக்கிறார்கள். இது திருமணத்துக்குப் பெண் பார்க்கும் தரகர் சம்பந்தப் பட்ட கதை. திருமணம் சார்ந்த பின்னணியில் இப்படம் உருவாவதால் கலகலப்புக்கும் விறுவிறுப்புக்கும் படத்தில் பஞ்சமில்லை என படக்குழு அறிவித்துள்ளது. கான்பிடன்ட் பிலிம் கேஃப் சார்பில் உருவாகும் இப்படம் பூஜையுடன் தொடங்கி சென்னையில் தொடர்ந்து படப்பிடிப்பு நடைபெற்று வருகிறது.
Next Story
'கிளாமரில் எல்லை மீறாத அளவையே தொட்டிருக்கிறோம்' - 'இவனுக்கு எங்கேயோ மச்சம் இருக்கு' இயக்குனர் விளக்கம்
சாய் புரொடக்சன் பட நிறுவனம் சார்பில் சார்மிளா மாண்ரே ஆர்.சர்வண் தயாரிக்கும் 'இவனுக்கு எங்கேயோ மச்சம் இருக்கு' படத்தில் நாயகனாக விமல் மற்றும் நாயகியாக ஆஷ்னா சவேரி நடிக்கின்றனர். ஆனந்த ராஜ், சிங்கம்புலி, மன்சூரலிகான், லோகேஷ், வெற்றி வேல்ராஜ், ஆத்மா, பூர்ணா ஆகியோர் முக்கிய கதாபாத்திரத்தில் நடிக்கும் இப்படத்தை ஏ.ஆர்.முகேஷ் இயக்கியுள்ளார். கிளாமர் கலந்த ஹூயூமர் படமாக உருவாகும் இப்படத்தின் டீசர் சமீபத்தில் வெளியாகி 20 லட்சத்திற்கு மேற்பட்டோர் பார்த்து சாதனை படைத்து வருகிறது. மேலும் இதுகுறித்து இயக்குனர் ஏ.ஆர்.முகேஷ் பேசியபோது....
"இது கிளாமர் கலந்த ஹூயூமர் படம் என்று ஆரம்பத்திலேயே கூறி இருக்கிறோம். சினிமா என்பதே ஏழு வகையான கதையமைப்பு கொண்டவை தான். இதற்குள் தான் எல்லா படங்களுமே அடங்கும். அதில் ஒரு வகை கிளாமர் ஹுயூமர். அதைத் தான் இதில் கையாண்டிருக்கிறோம். கிளாமரிலும் எல்லை மீறாத அளவையே தொட்டிருக்கிறோம். இன்று தியேட்டருக்கு வந்து படம் பார்ப்பவர்களின் எண்ணிக்கை குறைவு. இளைய தலைமுறையை சேர்ந்தவர்கள் தான் தியேட்டர்களுக்கு வருகிறார்கள். அவர்களுக்கு எது பிடிக்குமோ அதை தான் கதையாக சொல்கிறோம். இந்த படத்தின் டீசரை யூ டியூப்பில் 20 லட்சம் பேர் பார்த்திருக்கிறார்கள். அதுவும் ஆறே நாட்களில். இதற்கு முன்பு விமல் படத்தின் டீசருக்கு இவ்வளவு வரவேற்பு கிடைத்ததில்லை. டீசருக்கு கிடைத்த இந்த வரவேற்புக்கேற்ற மாதிரி படமும் இருக்கும். படத்தின் படப்பிடிப்பு லண்டனில் 20 நாட்கள் நடை பெற்றது. தென்காசியிலும் சென்னையிலும் படப்பிடிப்பை நடத்தி முடித்தோம். முகம் சுளிக்கிற மாதிரி ஆபாசம் இல்லாமல் ரசிக்கிற மாதிரி கிளாமர் ஹுயூமர் படம் இது. விரைவில் இசை வெளியீட்டு விழா நடக்க உள்ளது" என்றார்.