Skip to main content

ஹிந்திக்கு போகும் விஜய் சேதுபதி படம்

Published on 15/03/2018 | Edited on 16/03/2018
vij


ஒய்  நாட் ஸ்டூடியோஸ் சார்பில் சசிகாந்த் தயாரித்த விக்ரம் வேதா படம் கடந்த ஆண்டு வெளியாகி 100 நாட்களை கடந்து வெற்றிகரமான ஓடி மக்களிடம் அமோக வரவேற்பை பெற்றது. புஷ்கர் காயத்ரி இயக்கிய இப்படத்தில் மாதவன், விஜய் சேதுபதி, கதிர், வரலட்சுமி, ஷ்ரத்தா ஸ்ரீநாத் ஆகியோர் நடித்திருந்தனர். இந்நிலையில் தமிழில் அமோக வரவேற்பு கிடைத்ததையடுத்து இந்த படத்தை இந்தியில் ரீமேக் செய்ய திட்டமிட்டு அதற்கான பணிகள் நடந்து வந்த நிலையில், தற்போது அதற்கான அதிகாரப்பூர்வ அறிவிப்பு வெளியாகி இருக்கிறது. ஒய்  நாட் ஸ்டூடியோஸ் உடன் ரிலையன்ஸ் என்டர்டெயின்மெண்ட் மற்றும் பிளான் சி ஸ்டூடியோஸ் இணைந்து இந்த படத்தை தயாரிக்கிறது. இந்தியிலும் இந்த படத்தை புஷ்கர் காயத்ரியே இயக்குகின்றனர். மேலும் முன்னணி கதாபாத்திரத்தில் யார் யார் நடிக்கப் போகிறார்கள் என்ற அறிவிப்பு விரைவில் வெளியாகும் என்று ரசிகர்களிடையே எதிர்பார்ப்பு நிலவி வருகிறது.

சார்ந்த செய்திகள்

Next Story

மீண்டும் விக்ரம் வேதா கூட்டணி 

Published on 15/06/2018 | Edited on 16/06/2018
madhavan


2016ஆம் வெளியான 'இறுதிச்சுற்று' படம் மூலம் தனது இரண்டாவது ரவுண்டில் வெற்றிகரமாக வலம் வர தொடங்கிய நடிகர் மாதவனுக்கு அடுத்ததாக வெளியான 'விக்ரம் வேதா' படமும் நல்ல பெயரை வாங்கி தந்தது. இப்படத்தில் மாதவனுக்கு ஜோடியாக ஸ்ரத்தா ஸ்ரீநாத் நடித்திருந்தார். இவர்களின் கெமிஸ்ட்ரி இப்படத்தில் அதிகம் பேசப்பட்ட நிலையில் தற்போது இந்த ஜோடி மீண்டும் ஒரு புதிய படத்தில் ஜோடி சேர உள்ளது. மாதவன் அடுத்ததாக ‘மாறா’ என்ற படத்தில் நடிக்க இருக்கிறார். அறிமுக இயக்குனர் திலிப் குமார் இயக்கும் இப்படத்தின் படப்பிடிப்பு வரும் ஜூன் 18ஆம் தேதி தொடங்க இருப்பதாக தகவல் வெளியாகி இருக்கிறது. 

Next Story

மாதவனுக்கு ஊட்டி விட்ட ஷாருக்கான் 

Published on 04/06/2018 | Edited on 06/06/2018

விக்ரம் வேதா படத்திற்கு பிறகு தோள்பட்டையில் ஏற்பட்ட காயத்துக்காக அறுவை சிகிச்சை செய்து கொண்ட மாதவன், சில மாதம் வீட்டில் ஓய்வு எடுத்து வந்தார். இதையடுத்து பூரண குணமடைந்த அவர் தற்போது ஷாருக்கான் நடித்து வரும் ‘ஜீரோ’ படத்தில் ஒரு முக்கிய கதாபாத்திரத்தில் நடித்து வருகிறார். இந்நிலையில், இன்று கடந்த ஜூன் 1ஆம் தேதி தனது பிறந்த நாளை 'ஜீரோ' படக்குழுவினருடன் கேக் வெட்டி கொண்டாடினார் மாதவன். அப்போது மாதவனுக்கு நடிகர் ஷாருக்கான் கேக் ஊட்டிய புகைப்படம் சமூக வலைத்தளங்களில் வெளியாகியுள்ளது. மேலும் ஜீரோ படத்தின் இயக்குனர் ஆனந்த் எல் ராய், நடிகை அனுஷ்கா சர்மா மற்றும் படக்குழுவினர் மாதவனுக்கு வாழ்த்து கூறிய புகைப்படங்களும் வெளியாகியுள்ளது.