Skip to main content

உ.பி மாநிலத்திற்கு  வரமாட்டேன் என்றாரா ஹிருத்திக் ரோஷன்? 

 

vikram vedha team explained hrithik roshan shooting spot rumor

 

புஷ்கர், காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத், வரலட்சுமி சரத்குமார் உள்ளிட்ட பலர் நடிப்பில் கடந்த 2017ஆம் ஆண்டு வெளியான படம் 'விக்ரம் வேதா'. இப்படத்திற்கு சாம் சி.எஸ். இசையமைக்க, சசிகாந்த் தயாரித்திருந்தார். தமிழில் கிடைத்த வரவேற்பைத் தொடர்ந்து, இப்படம் இந்தியில் ரீமேக் செய்யப்பட்டு வருகிறது. தமிழில் இயக்கிய புஷ்கர் மற்றும் காயத்ரியே இந்தியிலும் இயக்குகின்றனர். 

 

‘விக்ரம் வேதா’ இந்தி ரீமேக்கில் வேதாவாக ஹ்ரித்திக் ரோஷனும், விக்ரமாக  சயிஃப் அலிகானும் நடித்துள்ளனர். சமீபத்தில் படப்பிடிப்பு பணிகள் அனைத்தையும் முடித்த படக்குழு செப்டம்பர் 30 ஆம் தேதி படம் வெளியாகும் என அறிவிக்கப்பட்டுள்ளது. இதனிடையே இயக்குநர்கள் புஷ்கர் - காயத்ரி படப்பிடிப்பை உத்தரப்பிரதேசத்தில் நடத்த திட்டமிட்டதாகவும், ஆனால் ஹ்ரித்திக் ரோஷன் உத்தரப்பிரதேசத்திற்கு வர மறுத்ததாகவும் தகவல் வெளியாகியது.  இதனால் துபாயில் செட் அமைத்து படப்பிடிப்பை நடத்தியதால் படத்தின் பட்ஜெட் அதிகமானதாக செய்திகள் வெளியானது.

 

இந்நிலையில் இதனை மறுத்துள்ள படக்குழு அறிக்கை ஒன்றையும் வெளியிட்டுள்ளது. அதில், "‘விக்ரம் வேதா’ படப்பிடிப்பு தொடர்பாக பரவிய செய்திகள் போலியானவை. இப்படம்  இந்தியாவில் லக்னோ உள்ளிட்ட பல இடங்களில் தான் அதிகளவில் படமாக்கப்பட்டுள்ளது. விக்ரம் வேதா படத்தின் ஒரு பகுதி மட்டும், கடந்த 2021-ம் ஆண்டு அக்டோபர் - நவம்பர் மாதங்களில் அமீரகத்தில் படமாக்கப்பட்டது. ஏனென்றால் அங்கு தான் பயோ பபுளுடன் பணியாட்களை வைத்து படப்பிடிப்பு நடத்தும் சூழலுக்கு அனுமதி கிடைத்து. அத்துடன் படக்குழுவினரின் உடல் நலம் கருதியும் அங்கு படப்பிடிப்பு நடத்தப்பட்டது" எனத் தெரிவிக்கப்பட்டுள்ளது


 

 

 

மிஸ் பண்ணிடாதீங்க