Breaking

மணிரத்னம் படத்தில் நாயகனாக நடிக்கும் விக்ரம்பிரபு!

சந்தோஷ்

Photographer

Published on 12/04/2019 | Edited on 12/04/2019

இருவர், நேருக்கு நேர், தில்சே, அலைபாயுதே, ராவணன், காற்றுவெளியிடை மற்றும் சமீபத்தில் திரைக்கு வந்து சூப்பர் ஹிட்டான செக்க சிவந்த வானம் போன்ற படங்களை தயாரித்த நிறுவனம் மணிரத்னத்தின் மெட்ராஸ் டாக்கீஸ். இந்த நிறுவனத்தின் 19 - வது படைப்பாக "வானம் கொட்டட்டும்" என்ற புதிய படத்தை தயாரிக்கிறார்கள்.

இதில் நாயகனாக விக்ரம் பிரபு நடிக்கிறார். இவர் முதன்முறையாக மணிரத்னம் நிறுவனத்தில் நடிக்க ஒப்பந்தமகியிருக்கிறார். இவரது ஜோடியாக மடோனா செபாஸ்டியன் நடிக்கிறார். விக்ரம் பிரபுவின் தங்கையாக ஐஸ்வர்யா ராஜேஷ் நடிக்கிறார். கதை வசனத்தை மணிரத்னமும் தனாவும் இணைந்து எழுதி வருகிறார்கள். மணிரத்னத்தின் உதவியாளரான இவர் ஏற்கனவே "படை வீரன்" என்ற படத்தை இயக்கியுள்ளார். அனைவராலும் பாராட்டு பெற்ற இவர் இப்படத்தை இயக்கும் பொறுப்பை ஏற்றுள்ளார்."96"புகழ் கோவிந்த் வசந்த இசையமைக்கும் இப்படத்தின் படப்பிடிப்பு ஜுலை மாதம் ஆரம்பமாகிறது.

சார்ந்த செய்திகள்

சந்தோஷ்

Photographer

Published on 09/11/2018 | Edited on 09/11/2018

சி.பிரேம்குமார் இயக்கத்தில் நடிகர் விஜய்சேதுபதி, நடிகை த்ரிஷா நடிப்பில் வெளிவந்து வெற்றிகரமாக ஓடிக்கொண்டிருக்கும் படம் ‘96’ படத்தில் உள்ள அனைத்து பாடல்களும் ஹிட் ஆனது. இதற்கு முழு முதற்காரணமாக இருந்தது இசையமைப்பாளர் கோவிந்த் வஸந்தா. இந்நிலையில் இவர் இயக்குநர் மணிரத்னத்தின் மெட்ராஸ் டாக்கீஸ் நிறுவனம் தயாரிக்கவுள்ள புதிய படத்திற்கு இசையமைக்க ஒப்பந்தம் ஆகியுள்ளார். அறிமுக இயக்குனர் தனசேகரன் இயக்கவுள்ள இப்படத்தில், அவருடன் இணைந்து மணிரத்னம் கதை எழுதியுள்ளார். மேலும் இப்படம் குறித்து கோவிந்த் வஸந்த பேசும்போது.... "வேலுநாயகன் மற்றும் ஆனந்தன் போன்ற கதாபாத்திரங்கள் நமக்கு அளித்த மணிரத்னத்துடன் இணைந்து பணியாற்றவுள்ளேன். அவர் எழுதி தயாரிக்கவுள்ள இப்படத்தில் இசையமைப்பாளராக ஒப்பந்தமாகி உள்ளதில் பெருமை கொள்கிறேன். தனசேகரன் இந்தப் படத்தை இயக்குகிறார்" என்றார்.