'விக்ரம்' ஃபர்ஸ்ட் லுக்... மிரட்டும் கமல் - விஜய் சேதுபதி - ஃபகத் பாசில் கூட்டணி!

மாஸ்டர் படத்தைத் தொடர்ந்து கமல்ஹாசனை நாயகனாக வைத்து படம் இயக்கவுள்ளார் இயக்குநர் லோகேஷ் கனகராஜ். இப்படத்திற்கு விக்ரம் எனப் பெயரிடப்பட்டுள்ளதாக சில மாதங்களுக்கு முன்பு சிறு டீசர் வெளியிட்டு படக்குழு அறிவித்தது. சட்டமன்றத் தேர்தல் பணிகளில் கமல்ஹாசன் கவனம் செலுத்திக் கொண்டிருந்த வேளையில், இப்படத்திற்கான ஆரம்பகட்டப் பணிகளில் இயக்குநர் லோகேஷ் கனகராஜ் ஈடுபட்டுவந்தார். அதன் பிறகு ஏற்பட்ட கரோனா பரவல் காரணமாக படத்தின் பணிகளை முழுவீச்சில் தொடங்குவதில் தடங்கல் ஏற்பட்டது.

தற்போது கரோனா பரவலின் தாக்கம் குறைந்து வருவதையடுத்து, படப்பிடிப்பைத் தொடங்க படக்குழு தயாராகி வருகிறது. இந்த நிலையில், படத்தின் ஃபர்ஸ்ட் லுக் போஸ்டரை படக்குழு இன்று வெளியிட்டுள்ளது. கமல்ஹாசன், விஜய் சேதுபதி, பகத் ஃபாசில் என மூவரும் மிரட்டலான தோற்றத்தில் இருக்கும் இந்த போஸ்டர் தற்போது இணையத்தில் வைரலாகி வருகிறது.