Skip to main content

விக்ரமுடன் ஜோடி சேரும் சிம்ரன்... படப்பிடிப்பு தொடக்கம்!

Published on 10/03/2021 | Edited on 10/03/2021

 

vikram

 

‘கோப்ரா’ படத்தின் படப்பிடிப்பை நிறைவு செய்துள்ள விக்ரம், அடுத்ததாக கார்த்திக் சுப்பராஜ் இயக்கத்தில் உருவாகும் படத்தில் நடிக்க உள்ளார். தற்காலிகமாக 'சீயான் 60' எனப் பெயரிடப்பட்டுள்ள இப்படத்தை லலித் தயாரிக்கிறார். 

 

விக்ரம் மற்றும் அவரது மகன் த்ருவ் விக்ரம் இருவரும் முதல்முறையாக இணைந்து இப்படத்தில் நடிக்கின்றனர். விக்ரமிற்கு ஜோடியாக நடிகை சிம்ரன் நடிக்க உள்ளார். மேலும், நடிகை வாணி போஜன் முக்கியக் கதாபாத்திரத்தில் நடிக்க உள்ளார். இப்படத்தின் படப்பிடிப்பானது இன்று (10.03.2021) பூஜையுடன் தொடங்கியுள்ளது. இத்தகவலை, தயாரிப்பு நிறுவனம் செவன் ஸ்கிரீன் ஸ்டூடியோஸ் தன்னுடைய ட்விட்டர் பக்கத்தில் தெரிவித்துள்ளது.

 

'சீயான் 60' படத்திற்காக முதலில் ஒப்பந்தம் செய்யப்பட்டிருந்த அனிருத், தற்போது பல படங்களுக்கு இசையமைத்து வருவதால் இப்படத்தில் இருந்து விலகியுள்ளார். இதனையடுத்து, புதிய இசையமைப்பாளராக சந்தோஷ் நாராயணன் ஒப்பந்தம் செய்யப்பட்டுள்ளார்.

 

 

சார்ந்த செய்திகள்

Next Story

விக்ரம் படத்தில் எஸ்.ஜே சூர்யா

Published on 09/02/2024 | Edited on 09/02/2024
sj suryah in in vikram chiyaan 62

விக்ரம் தற்போது பா. ரஞ்சித் இயக்கும் தங்கலான் படத்தில் நடித்துள்ளார். ஸ்டூடியோ க்ரீன் தயாரிப்பில் பார்வதி, மாளவிகா மோகனன், பசுபதி உள்ளிட்ட பலர் நடிப்பில் ஜி.வி. பிரகாஷ்குமார் இசையில் உருவாகும் இப்படம் ஏப்ரலில் வெளியாகவுள்ளதாக அறிவிக்கபட்டுள்ளது. ஆனால் அதுவும் தற்போது தள்ளி போகவுள்ளதாக கூறப்படுகிறது.  இதனிடையே விக்ரம் நடித்துள்ள துருவ நட்சத்திரம் படம் நீண்ட இழுபறிக்கு பின் இம்மாதம் வெளியாகும் என கெளதம் மேனன் தெரிவித்திருந்தார். அதன் பிறகு எந்த அப்டேட்டும் படக்குழு வெளியிடவில்லை. 

இதனை தொடர்ந்து தனது 62வது படத்திற்காக சித்தா பட இயக்குநர் எஸ்.யு. அருண்குமாருடன் கூட்டணி வைத்துள்ளார். ரியா ஷிபு தயாரிக்கும் இப்படத்திற்கு ஜி.வி. பிரகாஷ் இசையமைக்கிறார். படத்தின் அறிவிப்பு ஒரு ப்ரோமோ வீடியோவுடன் கடந்த அக்டோபரில் வெளியானது. அதன் பிறகு எந்த அப்டேட்டும் வெளியாகாத நிலையில் தற்போது புது அப்டேட் வெளியாகியுள்ளது. அதன்படி எஸ்.ஜே சூர்யா இப்படத்தில் இணைந்துள்ளதாக படக்குழு தெரிவித்துள்ளது. எஸ்.ஜே சூர்யா தற்போது இந்தியன் 2, கேம் சேஞ்சர், ‘எல்.ஐ.சி’ (லவ் இன்சூரன்ஸ் கார்ப்பரேஷன்) உள்ளிட்ட படங்களில் நடிக்கிறார் என்பது குறிப்பிடத்தக்கது.  

Next Story

‘நாங்கள் உங்களை இழந்துவிட்டோம் கேப்டன்’ - விக்ரம் இரங்கல்

Published on 28/12/2023 | Edited on 28/12/2023
Actor Vikram condoles the demise of Vijayakanth

தேமுதிக நிருவனத் தலைவரும், முன்னாள் சட்டமன்ற எதிர்க்கட்சித் தலைவருமான விஜயகாந்த்(71) கடந்த சில ஆண்டுகளாக உடல் நலம் பாதிக்கப்பட்டு சிகிச்சை பெற்று வந்தார். இந்த சூழலில் நுரையீரல் பாதிப்புக்காக கடந்த நவம்பர் மாதம் 18 ஆம் தேதி சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். பின்பு சிகிச்சை முடிந்து குணமடைந்து கடந்த 11 ஆம் தேதி வீடுதிரும்பிய நிலையில் நேற்று மீண்டும் உடல்நிலை பாதிப்பு ஏற்பட்டது. 

இதனைத் தொடர்ந்து விஜயகாந்த் நேற்று மீண்டும் சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். சிகிச்சை பெற்றுவந்த அவருக்கு இன்று காலை கொரோனா தொற்று உறுதி செய்யப்பட்டது. பின்பு மூச்சு விடுவதில் சிரமம் இருந்ததால், வெண்டிலேட்டர் சிகிச்சை அளிக்கப்பட்டு வந்த நிலையில், இன்று காலை உயிரிழந்தார். இவரின் மறைவு தமிழகம் முழுவதும் அதிர்ச்சியை ஏற்படுத்தியுள்ளது. அவரது உடலை சென்னையில் சாலிகிராமத்தில் உள்ள அவரது வீட்டுக்கு கொண்டுவரப்பட்ட நிலையில், தொண்டர்கள், ரசிகர்கள், பொதுமக்கள் என பலரும் அவரது வீட்டை நோக்கி வந்த வண்ணம் உள்ளனர். 

இதனிடையே விஜயகாந்த்தின் மறைவுக்கு அரசியல் கட்சித் தலைவர்கள், நடிகர்கள் என பலரும் இரங்கல் தெரிவித்து வருகினறனர். அந்த வகையில், நடிகர் விக்ரம் வெளியிட்டுள்ள இரங்கல் செய்தியில், “மிகவும் அன்பான மற்றும் அக்கறையுள்ள மனிதரான விஜயகாந்த் காலமானதைக் கேட்டு வருத்தமடைந்தேன். நாங்கள் உங்களை இழந்துவிட்டோம் கேப்டன்” என்று வருத்தமுடன் பதிவு செய்துள்ளார்.