vijay thalapathy 69 cast

தமிழ் சினிமாவில் தவிர்க்க முடியாத இடத்தில் இருக்கும் விஜய், சினிமாவுக்கு முழுக்கு போடவுள்ள நிலையில் அவரது கடைசி படமாக பார்க்கப்படும் ‘விஜய் 69’ படம் முக்கிய படமாக பார்க்கப்படுகிறது. இப்படத்தை தெலுங்கு நிறுவனமான கே.வி.என். புரொடக்ஷன்ஸ் தயாரிக்க அ.வினோத் இயக்குகிறார். அனிருத் இசையமைக்கும் இந்தப் படத்தின் அறிவிப்பு கடந்த மாதம் போஸ்டருடன்வெளியான நிலையில் ‘ஜனநாயகத்தின் ஒளி ஏற்றுபவர்’ என்ற வாசகம் போஸ்டரில் இடம்பெற்றிருந்தது. இதனால் இப்படம் அரசியல் கதைக்களத்தைக் கொண்டு உருவாகுவதாக கூறப்பட்டு வருகிறது.

Advertisment

இதையடுத்து இப்படத்தின் நடிகர், நடிகைகள் குறித்த அப்டேட்டுகள் அடுத்த மூன்று நாட்களுக்கு வெளியாகும் என கடந்த 1ஆம் தேதி படத் தயாரிப்பு நிறுவனம் அறிவித்திருந்தது. அதன் படி முதல் நாள் பாலிவுட் நடிகர் பாபி தியோல் நடிக்க கமிட்டாகியுள்ளதாக அறிவித்த படக்குழு அடுத்த நாளான 2ஆம் தேதி பூஜா ஹெக்டே, மலையாள இளம் நடிகை மமிதா பைஜூ ஆகியோர் கமிட்டாகியுள்ளதாக தெரிவித்தது.

Advertisment

இதனை அடுத்து கடைசி நாளான இன்று இயக்குநர் மற்றும் நடிகர் கௌதம் மேனன், பிரியாமணி, மற்றும் நரேன் ஆகியோர் நடிக்க கமிட்டாகியுள்ளதாக தெரிவிக்கப்பட்டுள்ளது. இதில் பூஜா ஹெக்டே விஜய்யுடன் இரண்டாவது முறையாக நடிக்கிறார். ஏற்கனவே பீஸ்ட் படத்தில் நடித்திருந்தார் என்பது குறிப்பிடத்தக்கது. இவரை தவிர்த்து கௌதம் மேனனும் இரண்டாவது முறையாக விஜய்யுடன் இணைந்து நடிக்கிறார். ஏற்கனவே லியோ படத்தில் நடித்திருந்தார். இவர்களை தவிர்த்து பாபி தியோல், மமிதா பைஜூ உள்ளிட்ட அனைவரும் முதல் முறையாக விஜய் படத்தில் நடிக்கின்றனர். ஏகப்பட்ட பிரபலங்கள் நடிக்கவுள்ளதால் படத்திற்கு எதிர்பார்ப்பி அதிகளவில் இருக்கிறது.

Advertisment