Skip to main content

மிஸ்ஸான விஜய் சேதுபதி- சிவகார்த்திகேயன் காம்போ திரைப்படம்!- ரசிகர்களுக்கும் லாஸ்

Published on 24/08/2019 | Edited on 24/08/2019

கடந்த 2009ஆம் ஆண்டு வெண்ணிலா கபடிக் குழு படத்தை இயக்கியதன் மூலம் தமிழ் சினிமாவில் இயக்குனராக அறிமுகமாகினார் சுசீந்திரன். இதனையடுத்து நான் மஹான் அல்ல, அழகர்சாமியின் குதிரை, ஆதலால் காதல் செய்வீர், பாண்டிய நாடு, ஜீவா உள்ளிட்ட வெற்றிப் படங்களை இயக்கி தமிழ் சினிமாவில் தனக்கென ஒரு இடத்தை பிடித்திருந்தார். 
 

suseenthiran

 

 

தமிழ் சினிமாவில் இவர் நுழைந்தபோது வருடத்திற்கு ஒரு படம் என்று பொறுமையாக கவனம் செலுத்தி எடுத்தவர் இந்த வருடத்தில் மட்டும் ஒருசேர நான்கு படங்களில் பணிபுரிந்து வருகிறார். இதில் வெண்ணிலா கபடிக்குழு இவருடைய எழுத்திலும், கெண்ணடி கிளப் என்றொரு படம் இவருடைய இயக்கத்திலும் வெளியாகியுள்ளது. கெண்ணடி கிளப் பெண்கள் கபடிக்குழுவை மையமாக வைத்து எடுக்கப்பட்டுள்ளது. மக்களிடையே நல்ல வரவேற்பை வெற்றிகரமாக ஓடிக்கொண்டிருக்கிறது. 
 

விஷாலை வைத்து இவர் இயக்கிய படம் பெரும் வெற்றிபெற்றது. அப்போது அது அஜித் நடிப்பில் ஆரம்பம் படத்துடன் வெளியாகியிருந்தது. இருந்தாலும் அஜித் படத்திற்கு இணையாக ஓடியது பாண்டிய நாடு. இப்படத்தில் விஷால் ரௌடிகளை துவம்சம் செய்யும் மாஸ் ஹீரோவாக இல்லாமல், இன்னோசண்ட்டான சாதாரன மனிதரை போல நடித்திருப்பார். விஷாலுடைய கதாபாத்திரத்திற்கு இணையாக அவருடைய நண்பனாக நடித்திருக்கும் விக்ராந்தின் கதாபாத்திரத்திற்கு முக்கியத்துவம் கொடுக்கப்பட்டிருந்தது. அப்படிப்பட்ட கதாபாத்திரத்தில் விக்ராந்த் நடித்ததை பலரும் பாராட்டினார்கள். இது விக்ராந்திற்கு கம்பேக் என்றும் பலரும் தெரிவித்தார்கள். 
 

இந்நிலையில் கெண்ணடி கிளப் புரோமோஷனில் இயக்குனர் சுசீந்திரன், “இந்த படத்தில் முதன் முதலாக விஷால் கதாபாத்திரத்திற்கு சிவகார்த்திகேயனையும், விக்ராந்த் கதாபாத்திரத்திற்கு விஜய் சேதுபதியையும் நினைவில் வைத்துதான் முதலில் எழுதினேன். அதனை தொடர்ந்து இப்படத்தின் தயாரிப்பாளர் மாற, அனைத்துமே மாறியது. விஷால் இப்படத்தின் கதையை கேட்டார். பின் அவருக்கு இப்படத்தின் கதை பிடித்துவிட்டதால் அவரை ஹீரோவாக வைத்து படம் எடுத்தோம்” என்றார்.
 

இந்த படத்தில் சிவகார்த்திகேயனும், விஜய் சேதுபதியும் நடித்திருந்தால் ஒருவேளை அஜித்தும் விஜய்யும் தொடக்கத்தில் இருவரும் ஒன்றாக நடித்திருந்த ராஜாவின் பார்வையில் படம் போல இருந்திருக்கும். இது அவர்களுடைய ரசிகர்களுக்கும் பெரிய லாஸ்தான். 

 

 

சார்ந்த செய்திகள்

Next Story

7 வது முறையாக டி.இமானுடன் இணையும் சூப்பர் ஹிட் இயக்குநர்

Published on 25/01/2022 | Edited on 25/01/2022

 

D imman joining director Suseenthiran new movie

 

தமிழ் திரையுலகில் முன்னணி இசையமைப்பாளராக இருக்கும் டி.இமான் தனது பிறந்தநாளை நேற்று (24.1.2022) கொண்டாடினர். இதனைதொடர்ந்த்து அவருக்கு திரைபிரபலங்கள் முதல் ரசிகர்கள் வரை பலரும் தங்களின் வாழ்த்துக்களை தெரிவித்தனர். அந்த வகையில்  டி. இமானின் பிறந்தநாளுக்கு வீடியோ வெளியிட்டு வாழ்த்து கூறிய இயக்குநர் சுசீந்திரன், தான் 7வது முறையாக டி.இமானுடன் மீண்டும் இணைந்து பணியாற்ற உள்ளதாகவும், பாடல் கம்போசிங் நடைபெறுவதாகவும்  தெரிவித்துள்ளார். இவர்களது கூட்டணியில் வெளியான 'பாண்டியநாடு', 'ஜீவா', 'பாயும் புலி', 'மாவீரன் கிட்டு', 'நெஞ்சில் துணிவிருந்தால்', 'கென்னடி கிளப்' ஆகிய படங்களில் பாடல்கள் பெரும் வரவேற்பை பெற்றது.

 

இந்நிலையில் 7வது முறையாக இந்த கூட்டணி இணையவுள்ளது ரசிகர்கள் மத்தியில் பெரும் எதிர்பார்ப்பை அதிகரித்துள்ளது.மிகப்பெரிய பட்ஜெட்டில், நல்லுசாமி பிக்சர்ஸ் சார்பில் தாய் சரவணன் தயாரிக்கும் இப்படத்தின் ஆரம்பகட்ட பணிகள் தற்போது துவங்கி நடந்து வருகிறது. இப்படத்தின் படப்பிடிப்பு மே 1 ஆம் தேதி துவக்கப்பட திட்டமிடப்பட்டுள்ளது. படத்தின் நடிகர் நடிகைகள், தொழில்நுட்ப குழுவினர் குறித்த அறிவிப்பு விரைவில் வெளியாகும் எனப் படக்குழு அறிவித்துள்ளது.

 

 

Next Story

நடிகர் ஜெய் இசையில் கவனம் ஈர்க்கும் 'அம்மம்மா' பாடல்!

Published on 28/10/2021 | Edited on 28/10/2021

 

actor jai's shiva shiva movie second song released

 

இயக்குநர் சுசீந்திரன் தமிழ் சினிமாவில் வெண்ணிலா கபடி குழு படத்தின் மூலம் இயக்குநராக அறிமுகமானார். கிராமத்து இளைஞர்களின் வாழ்வையும், விளையாட்டையும் மையமாக வைத்து எடுக்கப்பட்ட இத்திரைப்படம் வெளியாகி நல்ல வரவேற்பைப் பெற்றது. இப்படத்தின் வெற்றியைத் தொடர்ந்து ஜீவா, மாவீரன் கிட்டு, ஈஸ்வரன் உள்ளிட்ட வெற்றிப் படங்களைக் கொடுத்துள்ளார். 

 

இந்தநிலையில் நடிகர் ஜெய் நடிக்கும் சிவ சிவா படத்தை இயக்குநர் சுசீந்திரன் இயக்கி வருகிறார். இதில் ஜெய்க்கு ஜோடியாக மீனாக்ஷி கோவிந்தராஜன் நடிக்கிறார். காளி வெங்கட், பாலா சரவணன் படத்தில் முக்கிய கதாபாத்திரத்தில் நடிக்கின்றனர். லென்டி ஸ்டூடியோ நிறுவனம் இப்படத்தைத் தயாரித்துள்ளது. நடிகர் ஜெய் இப்படத்தின் மூலம் இசையமைப்பாளராக அவதாரம் எடுத்துள்ளார். 

 

சமீபத்தில் 'சிவ சிவா' படத்தின் டீசரும், முதல் பாடலும் வெளியாகி நல்ல வரவேற்பைப் பெற்றது. இந்நிலையில் படத்தின் இரண்டாவது பாடலான 'அம்மம்மா' பாடல் தற்போது வெளியாகியுள்ளது. கவிஞர் யுகபாரதி வரிகளில் ஹரிஹரன் மற்றும் அர்ச்சனா இப்பாடலைப் பாடியுள்ளனர்.  தற்போது இந்த பாடல் இணையத்தில் ரசிகர்களால் வைரல் செய்யப்பட்டு வருகிறது.