Skip to main content

"இதே மைக்கோட வாங்க... ஷூட்டிங் விளங்கிடும்" - விழாவில் விஜய் சேதுபதி டென்சன்

Published on 03/08/2019 | Edited on 03/08/2019

விஜய் சேதுபதி... ரசிகர்களுக்கும் சக நடிகர்களுக்கும் செல்ல நாயகன். படப்பிடிப்பிலோ விழாக்களிலோ ரசிகர்கள் அணுகினால் அவர்களுடன் பொறுமையாகப் பேசி, கட்டி அணைத்து செல்ஃபீ எடுத்துக்கொள்வார். உடன் நடிக்கும் சீனியர் ஜுனியர் நடிகர்கள் மீது பேரன்பைப் பொழிவார். பேட்டிகளில் செய்தியாளர்கள் எப்படி கேள்வி கேட்டாலும் பொறுமையாகப் பதில் சொல்லும் குணம் உடையவர் விஜய் சேதுபதி. அப்படிப்பட்ட இவர் ஓரிரு தருணங்களில் சற்றே பொறுமை இழக்கும் சூழ்நிலையும் நேர்ந்துள்ளது.

 

vijay sethupathi



டெல்லி பிரசாத் தீனதயாளன் இயக்கத்தில் வயாகாம் 18 ஸ்டூடியோஸ் மற்றும் 7 ஸ்க்ரீன் ஸ்டூடியோ இணைந்து தயாரிக்கும் திரைப்படம் 'துக்ளக் தர்பார்'. விஜய் சேதுபதி, அதிதி ராவ் ஹைதரி, பார்த்திபன் உள்ளிட்ட பலர் நடிக்கும் இந்தப் படத்துக்கு '96' புகழ் கோவிந்த் வசந்தா இசையமைக்கிறார். இப்படத்தின் பூஜை 03 ஆகஸ்ட் 2019 அன்று சென்னையில் நடைபெற்றது.


நிகழ்வில் பேசிய நடிகர் விஜய் சேதுபதி இயக்குனர் டெல்லி பிரசாத் தீனதயாளனை அனைவர்க்கும் அறிமுகம் செய்யும் வகையில், "டெல்லியை நான் முதலில் பார்த்தது நடுவுல கொஞ்சம் பக்கத்த காணோம் படத்தின் காஸ்டிங் டைரக்ட்டராகத்தான். அப்போதிருந்தே டெல்லியின் வேலை மேல் எனக்கு மதிப்பு உண்டு. அவரிடம் பல கதைகள் இருக்கின்றன. எல்லாமே ரொம்ப சுவாரசியமாக இருக்கும். அதில் இந்தக் கதைதான் தயாரிப்பாளருக்கு பிடித்தது" என்று சிரித்துக்கொண்டே கூறினார். பிறகு நடிகை அதிதி குறித்தும் அவர் முன்பு ஏ.ஆர்.ரஹ்மானின் மேடையில் 'வான் வருவான்' பாடல் பாடியது குறித்தும் பாராட்டிப் பேசினார். அப்போது விஜய் சேதுபதி பயன்படுத்திய மைக் சரியாக வேலை செய்யவில்லை. அவரது பேச்சு ஒலிபெருக்கம் செய்யப்படுவதில் தடங்கல் ஏற்பட்டது. தொடர்ந்து இப்படி நடந்ததால் சற்றே பொறுமை இழந்த அவர் "இதே மைக்கை ஷூட்டிங்கிற்கும் கொண்டு வாங்க, ஷூட்டிங் விளங்கிடும்" என்று விழா ஏற்பாட்டாளர்களிடம் கிண்டலாகக் கூறினார்.

தொடர்ந்து பார்த்திபன், தயாரிப்பாளர் உள்ளிட்டவர்கள் பற்றி பேசிவிட்டு இறுதியாக "நான் வரும்போது பட்டாசு வெடிச்சாங்க. அந்த ஐடியா யார் கொடுத்ததுன்னு தெரில. அவுங்க மேல எனக்கு ரொம்ப வருத்தம்" என்று கூறி முடித்தார்.      

 

 

        

சார்ந்த செய்திகள்

Next Story

உயிரைக் கொடுக்கவும் எடுக்கவும் தயங்காத 'ஜவான்' - டிரைலர் வெளியீடு!

Published on 31/08/2023 | Edited on 31/08/2023

 

Jawan | Official Tamil Trailer | Shah Rukh Khan | Atlee | Nayanthara | Vijay S | Deepika P | Anirudh

 

தமிழ் சினிமாவின் முன்னணி இயக்குநரான அட்லீ தற்போது பாலிவுட் நடிகர் ஷாருக்கானை வைத்து 'ஜவான்' படத்தை இயக்கியிருக்கிறார். இப்படத்தில் கதாநாயகியாக நயன்தாராவும், முக்கியக் கதாபாத்திரத்தில் தீபிகா படுகோனேவும் நடித்திருக்கின்றனர். விஜய் சேதுபதி வில்லன் கதாபாத்திரத்தில் நடித்திருக்கிறார். ரெட் சில்லீஸ் நிறுவனம் தயாரிக்கும் இப்படத்திற்கு அனிருத் இசையமைத்திருக்கிறார்.

 

இப்படத்தின் டைட்டில் அறிவிப்பு வீடியோ கடந்த ஆண்டு ஜூன் 3 ஆம் தேதி வெளியானது. அதில் இப்படம் இந்தாண்டு ஜூன் 2 ஆம் தேதி திரையரங்குகளில் வெளியாகும் எனப் படக்குழு தெரிவித்த நிலையில், அண்மையில் வருகிற செப்டம்பர் 7 ஆம் தேதி தமிழ், இந்தி, தெலுங்கு உள்ளிட்ட மொழிகளில் வெளியாகவுள்ளதாக அறிவித்தது. 

 

இந்நிலையில் இப்படத்தின் டிரைலரை ரெட் சில்லீஸ் நிறுவனம் தனது சமூக வலைத்தளப் பக்கத்தில் வெளியிட்டுள்ளது. அதைப் பார்க்கையில், பிரமாண்ட காட்சிகளோடும் ஆக்‌ஷன் நிறைந்த ரிவெஞ்ச் ட்ராமாவாக பக்கா கமர்ஷியல் படமாக உருவாகியுள்ளது போல் தெரிகிறது. ஷாருக்கானின் ஹீரோயிசம், நயன்தாராவின் ஸ்டைலிஷ் தோற்றம், விஜய் சேதுபதியின் வில்லனிசம், எனப் படத்திற்கு ஆர்வம் தூண்டும் வகையில் இந்த டிரைலர் அமைந்துள்ளது. இந்த டிரைலர் தற்போது ரசிகர்களால் சமூக வலைத்தளங்களில் அதிகம் பகிரப்பட்டு வருகிறது.  

 

 

Next Story

“சொந்த வசனத்தை சேர்த்துக்கொள்ள இந்த இயக்குநர் அனுமதிப்பார்” - அனுபவம் பகிரும் பக்ஸ்

Published on 09/06/2023 | Edited on 09/06/2023

 

Bagavathi Perumal  interview

 

பல படங்களில் தன்னுடைய குணச்சித்திர நடிப்பினால் நம்மை ஈர்த்த நடிகர் பக்ஸ் அவர்களுடன் ஒரு சிறப்பு நேர்காணல்...

 

நடுவுல கொஞ்சம் பக்கத்த காணோம் படத்துக்காக நாங்கள் பல மாதங்கள் ரிகர்சல் செய்தோம். அதனால் ஒவ்வொரு காட்சியையும் நாங்கள் பலமுறை நடித்துப் பார்த்தோம். படத்தில் எப்போதும் நாங்கள் விஜய் சேதுபதியோடு இருப்பது போன்று எங்களது கேரக்டர்கள் அமைந்தன. அந்தப் படத்தின் கதை பல்வேறு மொழிகளில் வெற்றி பெற்றது. ஜிகர்தண்டா படத்தில் பணியாற்றியது மறக்க முடியாத அனுபவம். என்னுடைய நடிப்பை கார்த்திக் சுப்புராஜ் வெகுவாகப் பாராட்டினார். 96 படமும் சிறந்த ஒரு அனுபவம். இயக்குநர் பிரேம் நல்ல நடிப்பிற்கு முக்கியத்துவம் தருவார்.

 

நானும் விஜய் சேதுபதியும் ரொம்ப க்ளோஸ் நண்பர்கள் என்று பலர் நினைக்கின்றனர். நாங்கள் நல்ல நண்பர்கள் தான். ஆனால் வருடத்திற்கு ஒருமுறை ஃபோனில் பேசுவதே பெரிய விஷயம். 96 படத்தில் என்னுடைய நடிப்பை அவர் மிகவும் பாராட்டினார். அவ்வப்போது பேசினாலும் சிறந்த ஒரு நண்பர் அவர். தியாகராஜன் குமாரராஜாவின் படத்தில் நடிக்க வேண்டும் என்பது என்னுடைய நீண்ட நாள் ஆசை. அந்த வாய்ப்பு சூப்பர் டீலக்ஸ் படத்தில் எனக்கு கிடைத்தது. அவருடைய படத்தில் நடிக்க வேண்டும் என்கிற ஆசையும் வில்லனாக நடிக்க வேண்டும் என்கிற ஆசையும் ஒரே படத்தில் எனக்கு நிறைவேறியது.

 

ஃபகத் பாசில் சிறந்த ஒரு நடிகர். சூப்பர் டீலக்ஸ் படத்தில் அவரோடு நடித்தது அருமையான அனுபவம். சூப்பர் டீலக்ஸ் படத்தில் நடித்தபோது இயக்குநர் தியாகராஜன் குமாரராஜா என்னுடைய கருத்துக்களுக்கும் மதிப்பளிப்பார். சில சொந்த வசனங்களையும் சேர்த்துக்கொள்ள அனுமதிப்பார். படத்தை மெருகேற்றுவதே அவருடைய நோக்கம். அதனால் அந்த படப்பிடிப்பு மிகவும் நல்ல ஒரு அனுபவமாக இருந்தது.