Skip to main content

மூன்றாவது முறையாக மோதும் விஜய் சேதுபதி, சிவகார்த்திகேயன்...

Published on 22/04/2019 | Edited on 22/04/2019

ரஜினி, அஜித் இருவரும் நடித்த படங்கள் மோதியதைபோல சிவகார்த்திகேயனும் விஜய் சேதுபதியும் நடித்த படங்கள் மோதவுள்ளன. 
 

siva vijay

 

 

ரஜினி - கமல், விஜய் - அஜித், சூர்யா - விக்ரம் ஆகியோரின் படங்கள் ஒரே நாளில் வெளியாகிறது என்றால் ரசிகர்களுக்கு கொண்டாட்டம்தான். யாருடைய ஹீரோ கெத்து என்று வெளியில் காட்டிக்கொள்ள சரியான தருணமாக அதை கருதி செயல்படுவார்கள். அதைபோல வசூலும் நன்றாக இருக்கும். இந்த வரிசையில் தற்போது போட்டியுடன் இருப்பவர்கள் சிவகார்த்திகேயன் - விஜய் சேதுபதி.
 

முதன் முதலில் சிவகார்த்திகேயனும் விஜய் சேதுபதியும் எதிர்நீச்சல், சூது கவ்வும் ஆகிய திரைப்படங்கள் வழியாக மோதிக்கொண்டனர். அதனை தொடர்ந்து 2016ஆம் ஆண்டில் ரெமோ மற்றும் றெக்கை ஆகிய படங்கள் ஒரே நாளில் வெளியாகி ரசிகர்களை கவர்ந்தது. இவர்களின் ரைவல்ரி இப்படி ரசிகர்களிடம் இருந்தாலும் பேட்டிகளில் இரு ஹீரோக்களும், எங்களை ஒப்பிட வேண்டாம் என்று ரசிகர்களிடம் கேட்டுக்கொள்வார்கள். 
 

தற்போது மே 16-ம் தேதி அருண்குமார் இயக்கத்தில் விஜய் சேதுபதி நடித்துள்ள 'சிந்துபாத்' வெளியாகவுள்ளது. அதே போல் மே 17-ம் தேதி ராஜேஷ் இயக்கத்தில் சிவகார்த்திகேயன் நடித்துள்ள 'Mr.லோக்கல்' வெளியாகவுள்ளது.
 

மீண்டும் மூன்றாவது முறையாக இவர்கள் இருவரும் மோதிக்கொள்ள உள்ளனர். இரு படங்களுக்கும் பலத்த எதிர்பார்ப்புகள் இருப்பதால் மீண்டும் விஸ்வாசம் பேட்ட போன்று டபுள் ஹிட் கிடைக்குமா என ரசிகர்கள் ஆர்வமாக இருக்கின்றனர். முதலில் மே 1ஆம் தேதிதான் mr.லோக்கல் படம் வெளியாவதாக இருந்தது குறிப்பிடத்தக்கது. 

 

 

சார்ந்த செய்திகள்

Next Story

விஜயகாந்த்தின் மகனை இயக்கும் சிவகார்த்திகேயன் பட இயக்குநர்!

Published on 21/03/2024 | Edited on 21/03/2024
 விஜயகாந்தின் மகனை இயக்கும் சிவகார்த்திகேயன் பட இயக்குநர்!

இயக்குநர் பொன்ராம் இயக்கத்தில், சிவகார்த்திகேயன் மற்றும் சூரி நடிப்பில் உருவான படம் ‘வருத்தப்படாத வாலிபர் சங்கம்’. கடந்த 2013ஆம் ஆண்டில், காமெடி ஜானரில் வெளிவந்த இப்படம், ரசிகர்களிடையே பெரும் வரவேற்பை பெற்றிருந்தது. இப்படத்தின் மூலம், ரசிகர்களை கவர்ந்த பொன்ராம், அடுத்து அதே கூட்டணியில் ‘ரஜினிமுருகன்’ படத்தை இயக்கினார். மிகப்பெரிய வெற்றி பெற்ற இப்படம், சிவகார்த்திகேயனுக்கும், பொன்ராமுக்கும் திருப்புமுனையாக இருந்தது. 

இதனை தொடர்ந்து, மூன்றாவது முறையாக சிவகார்த்திகேயனை வைத்து ‘சீமராஜா’ படத்தை பொன்ராம் இயக்கினார். வெற்றி கூட்டணி மூன்றாவது முறை இணைந்திருந்ததால், ரசிகர்கள் மத்தியில் பெரும் எதிர்பார்ப்பு இருந்தது. ஆனால், இந்த படம், எதிர்பார்த்த வெற்றியை பெறாமல் படுதோல்வியை அடைந்தது. அதையடுத்து, பொன்ராம் இயக்கிய எம்.ஜி.ஆர் மகன் மற்றும் டி.எஸ்.பி ஆகிய இரு படங்களும் படுதோல்விப் படங்களாக அமைந்தன. அடுத்தடுத்து தோல்விகள் காரணமாக, முன்னணி நடிகர்களுடன் பொன்ராம் இணையமுடியாத சூழ்நிலை ஏற்பட்டதாக கூறப்படுகிறது. 

இந்த நிலையில், ‘சகாப்தம்’, மதுரவீரன் ஆகிய படங்களில் ஹீரோவாக நடித்த விஜயகாந்த்தின் மகன் சண்முகபாண்டியனை வைத்து பொன்ராம் ஒரு படத்தை இயக்கவுள்ளதாக தகவல் வெளியாகியிருக்கிறது. சண்முகபாண்டியன், தற்போது ‘படை தலைவன்’ படத்தில் நடித்து வருகிறார் என்பது குறிப்பிடத்தக்கது. 

Next Story

ஏ.ஆர். முருகதாஸ் - சிவகார்த்திகேயன் பட அப்டேட்

Published on 13/03/2024 | Edited on 13/03/2024
sivakarthikeyan ar murugadoss movie update

சிவகார்த்திகேயன் தற்போது கமல்ஹாசன் தயாரிக்கும் அமரன் படத்தில் நடித்து வருகிறார். ராஜ்குமார் பெரியசாமி இயக்கும் இப்படத்தில் சாய் பல்லவி கதாநாயகியாக நடிக்க ஜி.வி. பிரகாஷ் இசையமைக்கிறார். தமிழக ராணுவ வீரர் மேஜர் முகுந்த் வரதராஜன் காஷ்மீரில் கொல்லப்பட்ட சம்பவத்தை வைத்து உருவாகும் இப்படத்தின் இறுதிக்கட்ட படப்பிடிப்பு முழு வீச்சில் நடைபெற்று வருகிறது.

இதனிடையே ஏ.ஆர். முருகதாஸ் இயக்கத்தில் தனது 23வது படத்திலும் நடித்து வருகிறார். இதில் சிவகார்த்திகேயனுக்கு ஜோடியாக ருக்மணி வசந்த் நடிக்கிறார். அனிருத் இசைப்பணிகளை மேற்கொள்கிறார். படத்தின் படப்பிடிப்பு கடந்த மாதம் பூஜையுடன் தொடங்கியது.

முதற்கட்ட படப்பிடிப்பு மும்முரமாக நடைபெற்று வந்த நிலையில், தற்போது இரண்டாம் கட்ட படப்பிடிப்பு தொடங்கி பாண்டிச்சேரியில் நடந்து வருவதாக கூறப்படுகிறது. படப்பிடிப்பு தளத்தில் இருக்கும் புகைப்படம் ஒன்று வெளியாகி சமூக வலைத்தளங்களில் வைரலாகி வருகிறது. அதில் சிவகார்த்திகேயன் வித்தியாசமான லுக்கில் தோன்றுகிறார்.