பாதாள பைரவி, மாயாபஜார், மிஸ்ஸியம்மா, எம்.ஜி.ஆர் நடித்த எங்கவீட்டு பிள்ளை, நம்நாடு, ரஜினிகாந்த் நடித்த உழைப்பாளி, கமலஹாசன் நடித்த நம்மவர் மற்றும் விஷாலின் தாமிரபரணி, தனுஷின் படிக்காதவன், வேங்கை, அஜித்தின் வீரம், தளபதி விஜயின் பைரவா உட்பட 60க்கும் மேற்பட்ட வெற்றிப்படங்களை தயாரித்த பழம்பெரும் பட நிறுவனம் பி.நாகிரெட்டியாரின் விஜயா புரொடக்ஷன்ஸ். பி.நாகிரெட்டியாரின் நல்லாசியுடன் பி.வெங்கட்ராம ரெட்டி வழங்க, விஜயா புரொடக்ஷன்ஸ் சார்பில் பி.பாரதி ரெட்டி அவர்கள் தயாரிக்கும் புதிய படத்தை இயக்குனர் விஜய் சந்தர் இயக்குகிறார்.

பி.பாரதி ரெட்டி அவர்களுக்கு இது 6 வது படமாகும். ஸ்கெட்ச் படத்தின் வெற்றிக்கு பிறகு விஜய் சந்தர் மக்கள் செல்வன் விஜய் சேதுபதியை கதாநாயகனாக  வைத்து இப்படத்தை இயக்குகிறார். விஜய் சேதுபதி கதாநாயகனாக நடிக்கும் இப்படத்தில் இவருக்கு ஜோடியாக  நடிகை ராஷிக்கண்ணா மற்றும் நடிகை நிவேதா பெத்துராஜ் ஆகியோர் முதன் முதலாக ஜோடி சேருகிறார்கள். சுந்தரபாண்டியன், ரம்மி ஆகிய படங்களுக்கு பிறகு  நடிகர், காமெடியன் சூரி மூன்றாவது முறையாக விஜய் சேதுபதியுடன் நடிக்கிறார். இவர்களுடன்  இந்த படத்தில் நாசர், அசுதோஷ் ராணா, ரவி கிஷான், மொட்டை ராஜேந்திரன், மாரிமுத்து, ஜான் விஜய் மற்றும் ஸ்ரீமன் போன்ற நட்சத்திர பட்டாளமே நடிக்கின்றனர். படத்திற்கு இளம் இசையமைப்பாளர்களான விவேக்-மெர்வின் ஆகியோர் இசையமைக்கிறார்கள். விவேக் சிவா மற்றும் மெர்வின் சாலமன் ஆகியோர் வடகறி படத்தில் அறிமுகமாகி தொடர்ந்து புகழ் ,டோரா , குலேபகாவலி ஆகிய படங்களில் இசையமைத்தனர். இவர்களின் இசையில் வெளிவந்த ஒரசாத பாடல் இளைஞர்களிடையே நல்ல வரவேற்ப்பை பெற்றது. இந்த படத்தின் படப்பிடிப்பு வருகின்ற 4 ஆம் தேதி ஹைதராபாத்தில் தொடங்க இருக்கிறது.

பல்வேறு வெற்றி படங்களை தயாரித்த பாரம்பரிய நிறுவனமான 'விஜயா புரொடக்க்ஷன்ஸ்' சார்பில் B.பாரதி ரெட்டி தயாரிப்பில் மக்கள் செல்வன் விஜய் சேதுபதி நடிக்கும் புதிய படத்தை இயக்குனர் விஜய்சந்தர் இயக்கவுள்ளார். இந்த படத்தில் நாயகியாக ராஷி கண்ணா, காமெடியனாக சூரி ஆகியோர் நடிக்கிறார்கள்.  மேலும் தற்போது இளம் இசையமைப்பாளர்களான விவேக் மெர்வின் ஆகியோர் இப்படத்திற்கு இசையமைக்க ஒப்பந்தமாகியுள்ளனர். விவேக் சிவா மற்றும் மெர்வின் சாலமன் ஆகியோர் வடகறி படத்தில் அறிமுகமாகி பின்னர் அதனை தொடர்ந்து புகழ் ,டோரா, குலேபகாவலி ஆகிய படங்களில் இசையமைத்து பிரபலமாகினர். மேலும் இவர்களின் இசையில் சமீபத்தில் வெளிவந்த ஒரசாத பாடல் இளைஞர்களிடையே நல்ல வரவேற்பை  பெற்றது. மேலும் சத்யஜோதி பிலிம்ஸ் நிறுவனம் தயாரிக்க இருக்கும் 2 படங்களில் விவேக்-மெர்வின் ஆகியோர் இசையமைக்க உள்ளனர் என்பது குறிப்பிடத்தக்கது.