நடிகர் சீனு மோகன் காலமானார் !

style="display:block"

data-ad-client="ca-pub-7711075860389618"

data-ad-slot="6542160493"

data-ad-format="link"

data-full-width-responsive="true">

பிரபல நடிகரும், கிரேஸி மோகன் நாடக குழு கலைஞருமான சீனு மோகன் காலமானார். சமீபத்தில் ஏற்பட்ட சிறுநீரக கோளாறுக்கு சிகிச்சை பெற்று வந்த அவர் திடீரென்று ஏற்பட்ட மாரடைப்பால் சென்னையில் இன்று காலமானார். அவருக்கு வயது 62. இவர் 1989 ஆம் ஆண்டு வெளிவந்த வருஷம் பதினாறு படம் மூலம் அறிமுகமாகி, பின்னர் அஞ்சலி, தளபதி, விசில், இறைவி, ஆண்டவன் கட்டளை மற்றும் சமீபத்தில் வெளிவந்த ஸ்கெட்ச், கோலமாவு கோகிலா, செக்கச்சிவந்த வானம் ஆகிய படங்களில் நடித்திருந்தார். மேலும் கிரேஸி மோகனின் நாடகங்களில் சீனு என்ற கதாபாத்திரத்தில் நடித்து சீனு மோகன் என்று அழைக்கப்பட்ட இவர் சுமார் 3000க்கும் மேற்பட்ட மேடை நாடங்களில் நடித்துள்ளார். இதுதவிர மர்மதேசம், மாது +2, மதில் மேல் மாது உள்ளிட்ட தொலைக்காட்சி தொடர்களிலும் நடித்துள்ளார். நடிகர் சீனு மோகன் மறைவுக்கு சினிமா பிரபலங்கள் பலரும் இரங்கல் தெரிவித்து வருகின்றனர். இவரது இறுதிச்சடங்கு வரும் டிசம்பர் 29ஆம் தேதி சனிக்கிழமை அண்ணாநகரில் நடைபெறவுள்ளது.