Skip to main content

அடுத்த 'மங்காத்தா'வாக உருவாகும் 'வலிமை'...புதிய அப்டேட்..!

Published on 01/04/2020 | Edited on 01/04/2020


அஜித், எச்.வினோத், போனிகபூர் கூட்டணியில் இரண்டாவது படமாக உருவாகிறது ‘வலிமை’ படம். அதிரடி சண்டை படமாகத் தயாராகும் இப்படத்தில் அஜித் போலீஸ் அதிகாரியாக நடிப்பதாகக் கூறப்படும் நிலையில் இப்படத்தின் படப்பிடிப்பு 60% சதவிதம் வரை முடிந்துள்ளது.

 

gdg

 

 

தற்போது கரோனா தொற்று காரணமாக இதன் படப்பிடிப்பு நிறுத்தி வைக்கப்பட்டிருக்கும் நிலையில் எச்.வினோத் முதன்முறையாக அப்படம் குறித்து வாய் திறந்துள்ளதாகத் தகவல் வெளியாகியுள்ளது. அதன்படி, அஜித் நடித்ததிலேயே அவருக்கு மிகவும் பிடித்த படம் மங்காத்தா எனவும், அஜித் ரசிகர்களுக்காக அடுத்த மங்காத்தாவாக வலிமையை உருவாக்குவதாக அவர் தெரிவித்துள்ளதாகக் கூறப்படுகிறது. கரோனா பீதி காரணமாக வலிமை படம் அடுத்த வருடம் பொங்கலுக்கு ரிலீஸ் செய்யப் படக்குழு திட்டமிட்டு வருகின்றனர்.

 

 

 

சார்ந்த செய்திகள்

Next Story

அஜித் படக்குழு மீது கமிஷனர் அலுவலகத்தில் புகார்

Published on 11/02/2023 | Edited on 11/02/2023

 

Complaint against Ajith's valimai film crew in the commissioner's office

 

இயக்குநர் அ.வினோத் இயக்கத்தில் நடிகர் அஜித் நடிப்பில் கடந்த வருடம் வெளியான படம் 'வலிமை'. அப்படத்தில் அஜித்துக்கு ஜோடியாக ஹியூமா குரேஷி நடிக்க, வில்லன் கதாபாத்திரத்தில் கார்த்திகேயா நடித்திருந்தார். இப்படத்தை போனி கபூர் தயாரித்திருந்தார். இப்படம் கலவையான விமர்சனங்களை பெற்றாலும், வசூல் ரீதியாக நல்ல வரவேற்பைப் பெற்று 200 கோடிக்கு மேல் வசூலித்தது. 

 

இப்படம் வெளியாகி ஒரு வருடத்தை கடக்கவுள்ள நிலையில், ராஜேஷ் ராஜா என்ற குறும்பட இயக்குநர், ‘வலிமை’ படக்குழு மீது சென்னை போலீஸ் கமிஷனர் அலுவலகத்தில் புகார் அளித்தார். வலிமை படத்தில் இடம்பெற்ற சில காட்சிகள், 2019 ஆம் ஆண்டு அவர் இயக்கத்தில் வெளியான 'தங்க சங்கிலி' என்ற குறும்படத்தில் இடம்பெற்ற 10 காட்சிகள் போல் உள்ளதாகக் கூறியுள்ளார்.  

 

மேலும், ராஜேஷ் ராஜா இதற்கு முன்பு அ.வினோத்தை சந்திக்க பலமுறை முயற்சித்தும், அவரை சந்திக்க முடியவில்லை என்று கூறப்படுகிறது. அதனால் தனது பிரச்சினைக்கு தீர்வு காண இறுதியாக போலீஸ் கமிஷனர் அலுவலகத்தை அணுகியுள்ளதாகச் சொல்லப்படுகிறது. 

 

 

Next Story

வலிமை பட விவகாரம்; 5 மாதத்திற்கு பிறகு நடந்த அதிரடி கைது

Published on 06/08/2022 | Edited on 06/08/2022

 

police arrested the person who threw petrol bomb screening valimai theatre

 

இயக்குநர் எச். வினோத் - அஜித் கூட்டணியில் மூன்றாவது முறையாக உருவாகி வரும் படம் 'ஏகே 61'. போனி கபூர் தயாரிக்கும் இப்படத்தின் படப்பிடிப்பு பணிகள் முழு வீச்சில் நடைபெற்று வருகிறது. 

 

ad

 

இதனிடையே கடந்த பிப்ரவரி மாதம் அஜித் நடித்த வலிமை படம் உலகம் முழுவதும் திரையரங்கில் வெளியானது. கிட்டத்தட்ட 3 ஆண்டுகள் கழித்து வெளியான அஜித் படம் என்பதால், அவரது ரசிகர்கள் பட்டாசு வெடித்தும் கட்டவுட்டிற்கு பால் ஊற்றியும் திரையரங்கில் வலிமையை கொண்டாடி  தீர்த்தனர்.  அந்த நேரத்தில் கோவை, காந்திபுரம் 100 அடி சாலையில் வலிமை படம் ஓடிக்கொண்டிருந்த கங்கா யமுனா திரையரங்கு மீது இருசக்கரத்தில் வந்த மர்ம நபர்கள் பெட்ரோல் குண்டை வீசிவிட்டு தப்பித்துச் சென்றனர். இது அந்தப் பகுதியில் பரபரப்பை ஏற்படுத்தியது.  இது தொடர்பாக கோவை காட்டூர் போலீசார் வழக்குப்பதிவு செய்து தப்பித்துச் சென்றவரை தேடி வந்தனர். 

 

இந்நிலையில் இச்சம்பவத்திற்கு காரணமான சிவா என்பவரை 5 மாதம் கழித்து காட்டூர் போலீசார் சென்னையில் வைத்து கைது செய்துள்ளனர். சிவா சென்னை வடபழனியில் தங்கி கட்டிட வேலை பார்த்து வருவதாக போலீசாருக்குத் தகவல் கிடைத்துள்ளது. இதனையடுத்து சென்னை விரைந்த காட்டூர் போலீஸ் வடபழனி போலீசாரின் உதவியுடன் சிவாவை கைது செய்து கோவைக்கு அழைத்துச் சென்றுள்ளனர்.