vairamuthu tweet about cm mk stalin

Advertisment

தமிழகத்தில் கடந்த சில மாதங்களாகக் குறைந்திருந்த கரோனா தற்போது மீண்டும் அதிகரித்து வருகிறது. இது தொடர்பாக தமிழக மருத்துவத்துறை பொது இடங்களில் முகக்கவசம் அணியாமல் இருந்தால் அபராதம் விதிக்கப்படும் என ஏற்கனவே எச்சரிக்கை விடுத்திருந்தது. இதனிடையே தமிழக முதல்வர் மு.க.ஸ்டாலினுக்கு சில தினங்களுக்கு முன்பு கரோனா தொற்று உறுதி செய்யப்பட்டது. அதனால் அவர் தனிமையில் இருந்து வருகிறார். முதல்வர் விரைவில் குணமடைய வேண்டும் என பலரும் தங்களது வாழ்த்துகளை தெரிவித்து வருகிறார்கள்.

அந்த வகையில் வைரமுத்து முதல்வர் விரைவில் குணமடைய வாழ்த்து தெரிவித்துள்ளார். இது தொடர்பாக வைரமுத்து வெளியிட்ட ட்விட்டர் பதிவில், "தமிழ்நாட்டு முதலமைச்சரின் உடல் நலத்தோடு தமிழர் நலன் சம்பந்தப்பட்டிருக்கிறது. அவர் விரைந்து நலமுறவும் தொடர்ந்து பலம் பெறவும் புயலாய் வலம் வரவும் செயலால் வளம் தரவும் வாழ்த்துகிறேன்" என குறிப்பிட்டுள்ளார்.