Skip to main content

இறுதிக்கட்ட பணிகளில் வேகம்காட்டும் 'தோர்: லவ் அண்ட் தண்டர்' படக்குழு 

Published on 29/04/2022 | Edited on 29/04/2022

 

'Thor: Love and Thunder' film crew accelerating the final stages

 

ஆஸ்கார் விருது பெற்ற டைகா வெயிட்டிடி இயக்கத்தில் கிறிஸ் ஹெம்ஸ்வொர்த், டெஸ்ஸா தாம்சன், நடாலி போர்ட்மேன்,  கிறிஸ்டியன் பேல் உள்ளிட்ட பலர் நடிப்பில் உருவாகியுள்ள படம் 'தோர்: லவ் அண்ட் தண்டர்'. இப்படத்தின் ட்ரைலர் கடந்த 18ஆம் தேதி வெளியானது. இயக்குநர் டைகா வெயிட்டிடியின் அசல் அம்சங்கள், ஆக்‌ஷன் பேக் செய்யப்பட்ட ஸ்டைலான மற்றும் வேடிக்கையான காட்சிகள் இடம்பெற்ற இந்த ட்ரைலர் ரசிகர்கள் மத்தியில் வெகுவாகக் கவனம்பெற்றதோடு, படம் குறித்த எதிர்பார்ப்பையும் அதிகப்படுத்தியுள்ளது.

 

இப்படம் ஜூலை 8ஆம் தேதி ஆங்கிலம், இந்தி, தமிழ், தெலுங்கு, கன்னடம் , மலையாளம் ஆகிய மொழிகளில் இந்தியாவில் வெளியாகவுள்ள நிலையில், படத்திற்கான டப்பிங் உள்ளிட்ட இறுதிக்கட்ட பணிகளில் படக்குழு வேகம்காட்டி வருவதாகத் தகவல் வெளியாகியுள்ளது.

 

 

சார்ந்த செய்திகள்

Next Story

மார்வெல் நிறுவனத்துடன் ஜூனியர் என்டிஆர் சந்திப்பு

Published on 19/01/2023 | Edited on 19/01/2023

 

Junior NTR meeting with Marvel studios

 

ராஜமௌலி இயக்கத்தில் ராம் சரண், ஜூனியர் என்.டி.ஆர் உள்ளிட்ட பலர் நடிப்பில் வெளியாகி மாபெரும் வெற்றி பெற்ற படம் ஆர்.ஆர்.ஆர். இப்படம் 2023 ஆம் ஆண்டு நடக்கும் ஆஸ்கர் விருது போட்டிக்கு இந்தியா சார்பாக அனுப்பப்படும் என்று பலரும் எதிர்பார்த்தனர். ஆனால் 95வது ஆஸ்கர் விருது போட்டியில் இந்தியா சார்பாக குஜராத்தி படம் 'செல்லோ ஷோ' தேர்வானதால் தனிப்பட்ட முயற்சியில் 15 பிரிவுகளின் கீழ் ஆஸ்கருக்கு ஆர்.ஆர்.ஆர் படக்குழு விண்ணப்பித்துள்ளது. இதன் காரணமாக தீவிர ப்ரோமோஷன் பணிகளில் ஈடுபட்டு வருகிறது படக்குழு.

 

இதனிடையே, திரைத்துறையில் ஆஸ்கருக்கு அடுத்தபடியாகக் கருதப்படும் கோல்டன் குளோப் விருது, 'நாட்டு நாட்டு’ பாடலுக்காக இசையமைப்பாளர் கீரவாணிக்கு வழங்கப்பட்டது. முன்னதாக ஜூனியர் என்.டி.ஆர் ஒரு பேட்டியில் "மார்வெல் நிறுவனம் தயாரிக்கும் படங்களில் நடிக்க ஆசை இருக்கிறது" எனக் கூறியிருந்தார். 

 

இந்த நிலையில் ஜூனியர் என்டிஆர், அமெரிக்காவில் உள்ள மார்வெல் ஸ்டுடியோவின் நிர்வாகி விக்டோரியா அலோன்சோவை சந்தித்துப் பேசியுள்ளார். இருவரும் சில நிமிடங்களே பேசியுள்ளதாகக் கூறப்படுகிறது. இதனால் மார்வெல் நிறுவனம் தயாரிக்கும் புதிய படத்தில் ஜூனியர் என்டிஆர் நடிக்க ஏதேனும் வாய்ப்பு அமையுமா என்பதைப் பொறுத்திருந்து பார்ப்போம்.  

 

 

Next Story

'மார்வெல் யுனிவர்ஸ்'-ல் ரஜினிகாந்த் பாடல்

Published on 09/06/2022 | Edited on 09/06/2022

 

Rajini's song in 'Marvel Universe'

 

மார்வெல் ஸ்டுடியோஸ் நிறுவனம் தயாரிக்கும் படங்களுக்கும் மற்றும் கதாபாத்திரத்திற்கு உலகம் முழுவதும் ஏராளமான ரசிகர்கள் உள்ளனர். 2008-ஆம் ஆண்டு முதல் 'மார்வெல் காமிக்ஸ்'-ல் வரும் கதாபாத்திரங்களை வைத்து மிக பெரிய பொருட்செலவில் திரைப்படங்கள், வெப் சீரிஸ்-கள் தயாரித்து வருகின்றது. இவர்கள் தயாரிப்பில் கடைசியாக வெளிவந்த 'டாக்டர் ஸ்ட்ரேஞ்ச் இன் தி மல்டிவர்ஸ் ஆஃப் மேட்னஸ்' திரைப்படம் மற்றும் 'மூன் நைட்' வெப் சீரிஸ் இரண்டுமே ரசிகர்கள் மத்தியில் நல்ல வரவேற்பு பெற்றது. 

 

இந்நிலையில் மிஸ்.மார்வெல் கதாபாத்திரத்தை வைத்து உருவாகியுள்ள 'மிஸ்.மார்வெல்' மினி சீரிஸின் முதல் அத்தியாயம் நேற்று (08.06.2022) வெளியானது. இந்த முதல் அத்தியாயத்தின் டைட்டில் பாடலில் ரஜினிகாந்தின் 'லிங்கா' பட பாடல் சில நொடிகள் இடம்பெற்றுள்ளது. ஏ.ஆர் ரஹ்மான் இசையில் 'லிங்கா' படத்தின் முதல் பாடலான 'ஓ...நண்பா' பாடலை இந்த சீரிஸில் பயன்படுத்தியுள்ளனர். இதற்காக இந்த சீரிஸின் எண்ட் கார்டில் 'ஏ.ஆர் ரஹ்மான், வைரமுத்து மற்றும் எஸ்.பி.பி இவர்களின் பெயர்களை குறிப்பிட்டு நன்றி தெரிவித்துள்ளனர் 'மிஸ்.மார்வெல்' படக்குழு. 

 

'மார்வெல் ஸ்டுடியோஸ்' தயாரிப்பில் அடுத்ததாக 'தோர்: லவ் அண்ட் தண்டர்' திரைப்படம் ஜூலை 8ஆம் தேதி திரையரங்குகளில் வெளியாகவுள்ளது குறிப்பிடத்தக்கது.