Skip to main content

கூகுளை அழிக்கும் தானோஸ்...

Published on 26/04/2019 | Edited on 26/04/2019

கடந்த வருடம் அவெஞ்சர்ஸ் இன்ஃபினிட்டி வார் படம் வெளியான பின்பு அனைவரும் தானோஸை பற்றி பேசாமல் இல்லை. மீம்ஸ் தொடங்கி வீடியோக்கள் வரை தானோஸ் என்ற வில்லன் கதாபாத்திரம் பேசப்பட்டது. உலகையே காப்பாற்றிய அவெஞ்சர்ஸ் டீமையே அடித்து நொறுக்கினால் யார்தான் தானோஸை பற்றி பேசாமல் இருப்பார்கள். அப்படிப்பட்ட தானோஸிடம் இருந்து உலகை எப்படி காப்பாற்றப்போகிறார்கள் என்பதுதான் அவெஞ்சர்ஸ் எண்ட கேம் படத்தின் கதை.
 

thanos

 

 

உலகில் பலரும் இன்றைய நாளை எதிர்பார்த்து காத்திருந்திருப்பார்கள். இன்றுதான் அவெஞ்சர்ஸ் டீம் தானோஸை அழிக்கிறார்களா? இல்லை மீண்டும் தோல்வியை தழுவுகிறார்களா? என்கிற கேள்விகளுக்கு விடை தெரியும் நாள். பலரும் எதிர்பார்த்த எண்ட் கேம் படம் இன்று உலகம் முழுவதும் திரையரங்குகளில் வெளியாகிறது. ஹாலிவுட் படமாக இருந்தாலும், அனைத்து மொழி பேசும் மக்களிடமும் மிகப்பெரிய எதிர்பார்ப்பை ஏற்படுத்தியிருக்கிறது. இந்தியாவில் மட்டும் சுமார் 400 கோடி வசூலை வாரிக்குவிக்கும் என்று சொல்லப்படுகிறது. இந்தியாவில் இப்படத்திற்கான டிக்கெட்கள் முன்பதிவவில் ஒரு சாதனை படைத்திருக்கிறது. இந்திய படங்களுக்கு கிடைக்கும் வரவேற்பு இன்று இப்படத்திற்கு இந்தியா முழுவதும் கிடைத்திருக்கிறது. மூன்று நாட்களுக்கு அவெஞ்சர்ஸ் டிக்கெட் ஹவுஸ் புல் ஆகியுள்ளது.
 

 

உலகம் முழுவதும் பெரிய வசூலை வாரிக்குவிக்க வேண்டும் என்று மார்வெல் தயாரிப்பு நிறுவனம் நினைத்திருக்கிறது போல அனைத்து நாடுகளுக்கும் சென்று வேற லெவலுக்கு புரோமோஷனில் இறங்கியது. புரோமோஷனிற்காக அயர்ன் மேன் கதாபாத்திரத்திற்கு விஜய் சேதுபதியை பேச வைத்திருக்கிறது. இப்படி பல விஷயங்களை சொல்லிக்கொண்டே போகலாம். அந்த வரிசையில் கூகுளில் தானோஸை வைத்து ஒரு புரோமோஷன் ஒன்றை உருவாக்கியுள்ளார்கள். அது என்ன என்றால், கூகுளில் தானோஸ் என்று தேடினால், தனோஸின் காண்ட்லெட் கையுறை வருகிறது. அந்த கையுறையை க்ளிக் செய்தால் கூகுளில் வரும் அனைத்து டேட்டாக்களும் அவெஞ்சர்ஸ் இன்ஃபினிட்டி வார் படத்தில் அழிவதுபோல அழிகிறது. இதனை அடுத்து மீண்டும் அந்த கையுறையை க்ளிக் செய்தால் அழிந்துபோன டேட்டாக்கள் அனைத்தும் மீண்டும் வருகிறது. இந்த புரோமோஷன் ட்விட்டரில் செம வைரலாகி வருகிறது.

 

 

சார்ந்த செய்திகள்

Next Story

ஆபத்தான நிலையில் 'அவெஞ்சர்ஸ்' பட பிரபலம்

Published on 02/01/2023 | Edited on 02/01/2023

 

Marvel star Jeremy Renner in hospital

 

28 வீக்ஸ் லேட்டர், தி டவுன் உள்ளிட்ட பல ஹாலிவுட் படங்களில் நடித்துள்ள நடிகர் ஜெர்மி ரென்னர், உலகப் புகழ் பெற்ற மார்வெல்ஸின் 'அவெஞ்சர்ஸ்' படங்களில் ஹாவ்க்-ஐ கதாபாத்திரத்தில் நடித்து ரசிகர்கள் மனதில் இடம் பிடித்தார். தி ஹர்ட் லாக்கர், தி டவுன் படத்திற்காக சிறந்த நடிகர் மற்றும் சிறந்த துணை நடிகருக்காக ஆஸ்கர் விருதுக்கு பரிந்துரைக்கப்பட்டார். கடைசியாக 'க்ளாஸ் ஆனியன்' படத்தில் சிறப்பு தோற்றத்தில் நடித்திருந்தார். 

 

இந்த நிலையில் ஜெர்மி ரென்னர், நேற்று தனது வீட்டிற்கு காரில் சென்றுள்ளார். அப்போது அந்தப் பகுதியில் கடும் குளிர் காற்றுடன் பனிப்புயல் ஒன்று தாக்கியது. அதனால் ஆயிரக்கணக்கான வீடுகள் மின்சாரம் இன்றி இருளில் இருந்தன. இதனால் ஜெர்மி ரென்னர் பயணித்த கார் கட்டுப்பாட்டை இழந்து சாலையோரம் மோதி விபத்துக்குள்ளானது. 

 

விபத்தில் படுகாயமடைந்தார் ஜெர்மி ரென்னர். உடனே தகவல் அறிந்து வந்த மீட்பு படையினர், அவரை மருத்துவமனைக்கு கொண்டு சென்றனர். அங்கு தீவிர சிகிச்சை அளிக்கப்பட்டு வருகிறது. ஆபத்தான நிலையில் அவர் இருப்பதாகவும் ஆனால் உடல்நிலை சீராக உள்ளதாகவும் மருத்துவமனை தரப்பு தெரிவித்துள்ளது. இதனால் அவரது  ரசிகர்கள் அவர் குணமடைய பிரார்த்தனை செய்து வருகின்றனர்.  

 

 

Next Story

அவெஞ்சர்ஸை முந்தியதா 'அவதார் 2' - இந்தியாவின் முதல் நாள் வசூல்?

Published on 17/12/2022 | Edited on 17/12/2022

 

avatar 2 first day box office collection in india

 

உலகப் புகழ் பெற்ற 'அவதார்' படத்தின் இரண்டாம் பாகம் 'அவதார்: தி வே ஆஃப் வாட்டர்'  என்ற தலைப்பில் உருவாகியுள்ளது. ஜேம்ஸ் கேமரூன் இயக்கியுள்ள இப்படத்தில் ஜோ சல்டானா, சாம் வொர்திங்டன், சிகோர்னி வீவர், ஸ்டீபன் லாங், கிளிஃப் கர்டிஸ் உள்ளிட்ட பலரும் நடித்துள்ளனர். ரசிகர்களின் பெரும் எதிர்பார்ப்புக்கு மத்தியில் உலகம் முழுவதும் 3டி-யில் 160 மொழிகளில் நேற்று (16.12.2022) உலகம் முழுவதும் வெளியானது. 

 

தமிழ்நாட்டில் திரையரங்க உரிமையாளர்களுக்கும் வினியோகஸ்தர்களுக்கும் பங்கு தொகையில் சில கருத்து வேறுபாடுகள் இருந்ததால் 200க்கும் குறைவான திரையரங்குகளில் இப்படம் வெளியானதாகப் பேசப்பட்டது. ஆனால் தற்போது இப்படத்திற்கு நல்ல வரவேற்பு கிடைத்து வருவதால் வெளியிடாத சில முன்னணி திரையரங்குகளும் இப்போது வெளியிடத் தொடங்கியுள்ளதாக திரை வட்டாரங்கள் தெரிவிக்கின்றன. 

 

இந்த நிலையில் பிரம்மாண்ட பட்ஜெட்டில் சுமார் ரூ. 2 ஆயிரம் கோடியில் எடுக்கப்பட்டதாகக் கூறப்படும் இப்படம் கனடா மற்றும் அமெரிக்காவில் முதல் காட்சியில் மட்டும் ரூ. 140 கோடி வசூலித்து சாதனை படைத்துள்ளதாகச் சொல்லப்படுகிறது. 

 

இந்தியாவைப் பொறுத்தவரை 'அவதார் 2' படம் முதல் நாளில் ரூ.40 கோடி வசூலித்துள்ளதாகத் தகவல் வெளியாகியுள்ளது. இது உறுதியாகும் பட்சத்தில் இந்தியா பாக்ஸ் ஆஃபீசில் முதல் நாள் அதிக வசூலில் இரண்டாம் இடம் பிடித்துள்ளது. முதல் இடத்தில் 2019ஆம் ஆண்டு வெளியான அவெஞ்சர்ஸ் எண்ட் கேம் (ரூ.53 கோடி) உள்ளது குறிப்பிடத்தக்கது.